Kelly Chu
Kelly Chu
Kelly Chu

新聞處發佈短片正視聽 睇真啲知多啲 網絡謠言咪當真

2019/11/21 04:12:15 網誌分類: 生活
21 Nov
         反修例風波持續,社會同網絡嘅謠言滿天飛,有時真假難分, 令「factcheck」(事實查核)一詞炙手可熱。繼各司局長同警方近期頻頻現身各大記招闢謠,近日連政府新聞處亦加入「以正視聽」嘅戰線。

         喺新聞處嘅網上影片頻道中,噚日發佈咗一段約分鐘嘅短片,名為《睇真D•知多D:第一則資訊》,片中兩名主持人Joyce和Jeff點名回應三宗未經證實嘅消息,包括入境處職員執勤期間同警方爭執、全港學校繼續停課、同埋伊利沙伯醫院手術室嘅醫用壓縮氣體系統受污染,並引述相關機構回應︰「全部都係謠言。」

          主持人又建議市民,如果擔心市面售賣嘅食物或受催淚煙等污染,可以上食安中心網頁釋除疑慮。影片最後呼籲大家接收訊息時要小心判斷,還要留意政府網站資訊,便可以做到「睇真D•知多D」。

          原來Joyce同Jeff來頭唔簡單,據悉分別為特首辦主任特別助理李惠,以及教育局政助施俊輝。根據頻道資料,噚日影片應為《睇》嘅第一集。現時每日未經證實嘅消息多如繁星,未知影片會唔會長做長有?

        Kelly Chu

        
■新聞處噚日發佈咗一段短片,名為《睇真D•知多D:第一則資訊》。
 ■新聞處噚日發佈咗一段短片,名為《睇真D•知多D:第一則資訊》。 
回應 (0)
我要發表
user