願細路嘅悔恨喊醒全港人

備受關注嘅今年香港政治「重頭戲」——2019年區議會選舉即將喺周日舉行。喺聚焦全港目光之餘，近嚟發生嘅一系列關乎香港教育嘅事件令人望而生畏，令港人堅定投上正義一票嘅決心。

21日，香港修例風波以嚟最年輕嘅被告——就讀中二今年12歲嘅男童，涉嫌塗汙旺角警署及太子港鐵站外牆跂喺香港少年法庭被告席。呢個細路痛哭承認咗兩項刑事毀壞罪，並深感後悔，希望法庭以照顧及保護令嚟處理，免留案底。咁樣嘅一幕既令人動容，又恨鐵唔成鋼——早知係咁，何必當初？！

與此同時，修例風波中被質疑縱容「黃師」校園霸淩員警子女、默許學生摻入政治，而飽受詬病嘅香港教育局終於跂咗出嚟，向30所公立中學發出家長信表明立場，指出學校係學生學習嘅地方，唔應該被用作表達政治訴求嘅平臺。明文規定學生唔應該舉行之前成日搞嘅罷課、拉人鏈等政治活動。好想問下教育局局長楊潤雄先生一句——之前做乜嘢去喇？

香港理工大學被警方封鎖進入第七日，校內激進暴徒從最初千幾人減到宜家嘅幾十人。喺求助美英「老竇」無結果、亂港大佬無望之後，負隅頑抗嘅暴徒一度喺石油氣罐旁縱火進行威脅，可惜又被警隊果斷處置。絕望嘅暴徒爬天橋頂、鑽污水渠突圍失敗，唯有排隊繳械投降——瘋狂又愚蠢嘅暴徒，冇諗到係咁樣嘅落魄下場吧？

最令人錯愕嘅係香港中文大學段校長喇。近日，香港中文大學提出申請巨額資金嚟維修被暴徒毀壞嘅校園。消息一出，社會各界一片譁然。香港亂局中，黑衣蒙面暴徒將大學作為藏汙納垢嘅大本營，香港理工大學、中文大學更係首當其衝嘅重災區，難道呢一切唔係中大校長段崇智之前嘅姑息暴力所為，今日飽嘗嘅惡果嗎？反修例之亂已讓香港經濟凋零，禍及民生。段崇智之流縱容暴力，呢個時候伸手向政府申請巨額款項重修校園，試問任何一個有良知嘅香港市民點會答應？香港市民都想對段崇智講——中大維修，呢個單你埋！

上面所講嘅事情都發生喺香港校園，關乎香港教育，關乎香港未來。當前香港病咗喇，首先係教育病喇。教育淪為重災區，呢個係整個社會嘅不幸，而教育部門、學校和校長應該承擔最大嘅責任。當教育部門閉眼失職、校長公開縱暴、黃師橫行校園、內地學生被欺淩、年少細路街頭施暴，咁樣嘅教育點會唔出問題，咁樣嘅社會點會唔動盪？！當前香港縱有外部黑手干預、亂港勢力攪局、暴徒負隅頑抗，但止暴制亂係不可阻擋嘅大勢所趨。願12歲迷途細路嘅痛哭能徹底暴露亂港勢力嘅醜陋面目，喊醒香港教育，喊醒香港社會！讓全香港人都出嚟，為區議會選舉投上正義嘅一票，讓清風明月重返香江！