Kelly Chu
Kelly Chu
Kelly Chu

黃嘉純完成白內障手術 「新眼睛」迎新年

2019/12/12 04:12:25 網誌分類: 生活
12 Dec
          仲有半個多月就要同二○一九年說聲拜拜,跟住開心迎接二○二○年,喺呢個新舊交替嘅時刻,好多人都買啲心頭好,獎賞自己一年嘅辛勞。香港城市大學校董會主席、香港律師會前會長黃嘉純就一樣,近日為自己添咗新東西,不過與別不同,唔係物件,而係給自己「一對新眼睛」,邁向新嘅一年。

          兼任好多公職嘅胡百全律師事務所合夥人及聯席主席黃嘉純,喺facebook透露「我為自己添咗一對新眼睛」,原來佢喺呢個星期,兩隻眼睛都接受咗白內障手術,話情況好好,笑言「O依家我擁有二○二○年嘅視野,去迎接二○二○年啦」。Kelly視佢新一年有全新嘅視野。

          講開黃嘉純,出任多個公職,除咗係城市大學校董會主席,仲出任語文教育及研究常務委員會主席、教育統籌委員會當然理事會委員,以及社會福利諮詢委員會主席。佢仲係投資者及理財教育委員會主席,亦為證監會薪酬委員會及財政預算委員會副主席同證監會(香港交易所上市)上訴委員會委員。小妹相信佢經常要睇好多文件,有一對新眼睛,一定對工作大有幫助啦!

        Kelly Chu

        
  
  
回應 (1)
我要發表
user