民政事務局免費派年曆溫馨插畫向市民傳遞暖意

2019/12/14 04:12:48 網誌分類: 生活

14 Dec

        　　二○二○年就嚟到，唔知大家有咩大計呢？民政事務局同公民教育委員會，邀請咗本地插畫師文地貓，以「尊重與包容」、「負責」及「關愛」為題，創作新一年嘅年曆，尋日仲喺全港民政諮詢中心、公共圖書館等地方免費派發。Kelly都去咗排隊攞年曆，見到一早已經打晒蛇餅，大受歡迎。

        　　Kelly一打開年曆，就見文地貓同佢幾隻愛貓，既溫馨，又充滿想像力嘅生活點滴。局方就話，年曆以親切、幽默嘅手法，表達委員會三個核心價值，分別喺「尊重與包容」、「負責」及「關愛」。年曆每月嘅主題插畫都有所不同，並附有以相關核心價值所訂立嘅每月一行動，鼓勵大家一齊實踐目標，履行公民責任，共建關愛共融嘅快樂社會。局方希望，每次翻開新一頁年曆，除咗可以感受到濃濃暖意，亦會為嘴角添上笑意。

        　　Kelly提提大家，年曆設有網上版，若大家錯過尋日免費派發嘅機會，可以於委員會網頁下載年曆卡，以及座枱年曆。

        Kelly Chu

■打開年曆，就見到文地貓同佢幾隻愛貓。

■市民排隊索取民政事務局免費派發的二○二○年曆。

回應 (0)

我要發表

民政事務局免費派年曆溫馨插畫向市民傳遞暖意

網誌分類

最新網誌

月曆