皇后像廣場聖誕樹亮燈隨參觀者衣服顏色變色
2019/12/21 04:12:20 網誌分類: 生活
今年皇后像廣場嘅聖誕樹高十八米，由國際團隊「The Xmas Designers」特別創作，以幾何圖形拼砌出聖誕樹嘅形狀，再配以LED霓虹燈帶裝飾，甚具藝術氣息。聖誕樹設四個入口，市民一走近或進入聖誕樹，聖誕樹就能偵測到參觀者嘅衣服顏色，樹身嘅霓虹燈帶會隨之改變顏色。聖誕樹內設有聖誕老人、聖誕鹿及雪人等節慶裝飾，供一家大細拍照留念。
旅發局主席彭耀佳博士話：「今年嘅聖誕樹更係與別不同，係一反傳統嘅聖誕藝術裝置，外型非常吸睛，更可供公眾入內參觀，大家趁假期同親朋好友一起去影相留念！」
Kelly提提大家，聖誕樹將會放置至明年一月一日，平安夜（二十四日）、聖誕節（二十五日）及除夕（三十一日）嘅亮燈時間，喺下午五時至次日凌晨一時。而其餘日子喺下午五時至晚上十一時。大家要睇岩時間去打卡喇！
Kelly Chu
■聖誕樹高十八米，由幾何圖形拼砌出聖誕樹嘅形狀。
■聖誕樹能偵測參觀者衣服顏色，樹身嘅霓虹燈帶會隨之改變顏色。
回應 (0)
我要發表