買樓收租

2008/04/30 01:14:47 網誌分類: 經濟
30 Apr


除左搬屋煩之外, 買樓放租都一樣咁煩
現今D人實在太醒, 再加上租左俾個掩尖客, 就會要求多多. 間屋有什麼頭暈身熱, 第一時間唔係搵管理處, 而係搵業主, 最怕就係到夏天, 唔係話冷氣機嘈, 就係冷氣機唔夠凍, 再唔係就講漏水, 總有樣bingo. 如果牆身或窗縫漏水仲大鑊, 有排攪之外, 分分鐘要claim業主. 另外最煩都仲係當自己唔得閒的時候先call你.

放租的成本亦唔輕
唔好單睇租金可以袋哂落袋, 還有好多額外支出, 如放租佣金, 打釐印, 管理費, 差响, 地租, 維修費, 稅項等等..
仲有自己份人工, 要計埋招呼個租客D時間.


放租的風險
講到風險真係可大可小, 如果一個唔覺意引左個租霸入屋(租霸冇樣睇, 最愛扮教師又或者是打政府工), 半年收唔到租不特止, 還要駛多筆俾執達吏, 到最後可能仲要貼錢請個租霸走. 但收左樓又可以開心住, 因為間屋可能已經變左地盤, 仲要交埋D水電煤的尾數.
另一方面, 租左俾鳳姐都唔奇, (鳳姐搵樓的時候都係扮兩公婆) 到時都唔知點收科.
最驚都仲係間屋變兇宅, 到時被列入黑名單, 只好用豆腐渣價錢租俾D鬼佬.

如果有足夠的金錢, 收鋪租點都好過收樓租, 再唔係買REIT都係不錯的CHOICE.

回應 (0)
我要發表
user