漁護署呼籲唔好餵食 220磅野豬堅尼地城出沒
2020/01/18 04:12:22 網誌分類: 生活
漁農自然護理署就話，噚日西環出沒嘅野豬長一點五米，重一百公斤（約二百二十磅），署方接通知到場後，將野豬麻醉，檢查後已將佢野放。根據漁農署資料，近年野豬喺民居附近出沒的情況有上升趨勢。原來，人類餵飼嘅食物，同處理不當嘅戶外垃圾，都為野豬提供咗豐富嘅食物來源，吸引野豬到市區同民居附近生活。當野豬習慣到市區同垃圾站搵食，會為附近居民帶來滋擾，並引起環境衛生問題。野豬喺市區覓食時，亦有機會遇到交通意外。同時，當野豬數目違反自然地增加，會過度消耗天然資源，可能會影響生態平衡。
花生友齊齊舉機
漁農署指出，要減少野豬喺民居附近出沒，最有效嘅方法就喺清除食物來源，因為市民嘅餵飼活動，會令野生動物誤以為市區有穩定嘅食物供應。小妹都呼籲大家，唔好餵飼野生動物，免得影響環境衛生同生態平衡！
Kelly Chu
■野豬喺西環堅尼地城加多近街臨時公園現身，引嚟成班花生友舉機。
回應 (0)
我要發表