惜食堂獲會展捐賀年糕點 食物及新春祝福贈弱勢社群
2020/01/18 04:12:31 網誌分類: 生活
原來，會展由二○一八年起，每年都邀請業務夥伴、傳媒友好等，捐出原本送贈畀佢哋嘅賀年糕點予惜食堂，送贈畀有需要人士，減少食物浪費之餘，亦可把節日祝福送到社區。會展亦會喺年初九（二月二日），招待二百五十名惜食堂嘅受惠人士，參與新春午宴，一齊品嚐美點佳餚，同大玩遊戲，共度新春佳節。
原來，會展自一一年起，已參與惜食堂嘅食物回收計劃，將剩食捐贈予惜食堂，煮成熱飯餐免費派發畀社會嘅弱勢社群。八年來，會展已捐贈超過一萬七千六百六十公斤食物，相等於逾二萬五千二百個飯盒。
Kelly希望，有更多企業、食肆加入食物回收嘅行列，減少食物浪費，並回饋社會。正所謂，施比受更有福！
Kelly Chu
■會展參與惜食堂食物回收計劃。
■會展自二〇一八年開始，邀請業務夥伴、傳媒友好，以及持份者捐出原本送贈給他們的賀年糕點轉贈予惜食堂。
回應 (0)
我要發表