KellyChu - 暴雨困車廂　網民：可以結婚了 消防英雄救美 港女心花怒放｜Executive日記

本港出現百年一遇嘅大暴雨，多架私家車喺路中死火，車內市民被洪水圍困，出現「英雄救美」一幕：一位消防員將黑裙美女圍抱下車，後者脫險後露出真摯快樂嘅笑容。小妹就覺得，香港正需要呢種公民意識，大難臨頭，危而不亂，靜心等待，喜見救星，感恩笑了。面對氣候逆變，互相扶持，不埋怨，不諉過於人。

重災區黃大仙昨成「澤國」，龍翔道積水最高浸到去石壆，唔少車輛喺路中死火。消防員出動，逐架車檢查有無人被困，救出多人。有電視台捕捉到「英雄救美」一幕，一架黑色私家車停喺石壆邊，當時積水浸沒半個車輪（見圖）。一位身穿露肩黑裙嘅年輕女士，經右邊車門落車，疑積水太深，不便行走，由消防哥哥將佢抱落車。期間黑裙女士雙手圍抱消防員，笑逐顏開，露出真摯快樂嘅神情。

呢段片段喺網上熱傳，有網民就形容︰「人生有幾多次可以咁樣抱住消防員」、「勁開心」、「可以結婚了」，好Sweet。

Kelly Chu