(河馬仔賽馬專欄)20200202

2020/02/02 00:09:34 網誌分類: 賽馬

02 Feb

兩季累績 : - $317400

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

去到疫症橫行的現在，講真今日唔知聽日事，上年豬年都輸足一年，新一年都冇所謂啦，但買法又轉下，講真下年初九仲係如何都唔敢講，試問上年初九個日您估唔估到今日會變成咁。

8. 輝煌芯雖然贏四班而已，但腳法之熟又真係唔多似一隻新馬，特別上次係越走越順，有點意外，今次對手看似有強敵但講真只要有隻馬放頭的話，呢隻馬要跟兩至三隻前領馬未必太吃力，當然要過一兩隻不明物體係有難度。

9. 鼓浪順風上場唔放真係敗不足據，放頭一場明顯威力高好多，明顯靠SPEED食糊的馬匹，除非今場唔放頭就冇得講，呢隻馬明顯底牌未出，今場唔係好多馬可頂得佢的高速。

10. 老實人其實上場表現同連利福將唔差好遠，而且老實人望空跑傾向較佳，上場如唔係用一大段時間搵位其實可能已過賺盡形勢之連利福將，上場放頭馬連淺草飛都到，今場此駒可能已差唔多入到局，而連利福將試過時好時壞，如有正宗放頭馬的話不如博佢走個位置。

聰明導彈又班但停幾日課又係擔心，精彩輝煌等谷草較好，疾風勁草隻馬仲係好緊張，加州神箭檔好其實有點機會，但隻馬又快馬係度就未必到田草千二，路路富貴落五班會好一點吧，會長之星換配備好但隻馬又係唔係好高，高明駿將三場績又唔係預期中咁強，而且傾向慢腳，嘉應傳奇99倍的話博個第二唔奇但本身性能可能同加州神箭相若。