張日強
張日強
張日強

疫情升溫「痛擊」豪宅

2020/02/13 04:13:14 網誌分類: 生活
13 Feb
          市場氣氛淡靜,外出睇樓人流持續減少,為了增加吸引力,放盤單位業主紛紛將叫價大幅下調,減價趨勢一環扣一環。除了大型屋苑外,就連豪宅市場亦受影響,而且減價幅度更比一般屋苑為高,由於減幅夠狠極具吸引力,最終低撈得手,部份成交價更較市價低約20%。日前市場錄得多宗豪宅大割價成交,除了大幅低於市價外,更即時令其他豪宅放盤價級級下調,造價明顯較上月回落。

          「新冠肺炎疫情持續肆虐,市場氣氛淡靜,睇樓量明顯大跌,大部份屋苑放盤叫價下調,同時豪宅市場亦出現大幅割價實況。市場上周錄得鰂魚涌MOUNT PARKER以每方呎2.4萬易手,較市價低約20%;另外,九龍塘帝景峰每方呎1.4萬易手,低市價約20%;西九龍AUSTIN則以每方呎2萬低市價20%易手;西九龍擎天則以每方呎2.5萬低市價10%沽出;西九龍御金國峰及亞街老街君柏更錄得取消交易實況,反映市況持續下滑。除了一般大型屋苑以低市價5%至10%易手外,豪宅市場同樣受到『痛擊』,減幅更比一般屋苑為高。」一間大型代理行董事指,目前情況猶如「火燒連環船」,繼一般大屋苑造價下跌約10%後,豪宅市場同樣受創,交投量寥寥可數,除非大割價,否則難以吸引市場客源,以至錄得的部份成交都是低市價15%至20%不等。

          受連番減價影響,豪宅減價幅度較高,部份業主為避免賤價沽貨,寧願先行將單位封盤,或將單位轉售為租,預料短期內租盤將逐步增加,租務將會成為主流。

        張日強

        
回應 (0)
我要發表
user