為前線醫護物色防疫物資 誠哥再出手扶弱 派送25萬個口罩
2020/02/18 04:12:27
網誌分類:
生活
繼捐資出一億港元支援武漢嘅醫護之後，李嘉誠基金會昨天送出嘅二十五萬個口罩，受惠人包括低收入家庭的病人同照顧者、癌症病童同家長、傷健及復康人士、基層人士（清潔工、拾荒者、劏房戶、鄉郊長者）、獨居長者及義工、院舍長者及護理員等，由有關社福機構自己制定派發方式。Kelly覺得呢個係最快同最有嘅效方法，將口罩送到有逼切需要嘅社群手中。至於邊啲機構受惠，基金會亦好細心，話為免給機構添加資源壓力，不公佈詳細名單。至於下階段何時再派口罩，基金會話，全球口罩供應正漸趨穩定，基金會將密切留意社會情況，按需要作出支援措施。
對於醫管局防護裝備入不敷支，基金會亦出手相助，正不斷努力在各地採購同物色合乎標準嘅相關物資，希望為香港緊守崗位嘅醫護前線送上支援。基金會本周起從加拿大戴爾豪斯大學（Dalhousie University）微生物與免疫學院助購嘅高規格防護衣，同阿聯酋贈送嘅N95醫療口罩，將會陸續運抵香港，並會按醫管局統籌向醫護前線送上。
Kelly Chu
■李嘉誠基金會昨起向十三間社福機構同六間長者院舍，派送共二十五萬個口罩。
回應
(0)
我要發表