助弱勢社群及醫護人員 仁愛堂盈科齊派33萬口罩
2020/02/21 04:12:18 網誌分類: 生活
仁愛堂朋友話俾小妹知，佢哋獲得董事局成員及外間機構合共捐贈十三萬個口罩，由即日起，陸續分發給有需要嘅弱勢社群，以解燃眉之急。而且佢哋仲好貼心，怕大家要排隊，將會透過轄下嘅地區服務單位、家居照顧服務及安老院舍，派口罩畀有需要人士。
此外，盈科拓展果面就捐贈合共二十萬個口罩畀醫管局同有需要人士，到時其中十萬個會透過多個社福機構畀有需要人士。首批五萬個今天到咗！其他亦會喺未來數日陸續送到。盈科仲由不同渠道採購消毒潔手液同其他抗疫用品，以舒緩防疫物資短缺嘅問題。
Kelly好感動，希望大家有錢出錢，有力出力，咁樣一定可以戰勝病魔嘅。
Kelly Chu
■仁愛堂將透過地區服務單位、家居照顧服務及安老院舍，派口罩俾有需要人士。
■盈科就捐贈合共二十萬個口罩俾醫管局同有需要人士。
回應 (0)
我要發表