21~26/2 水星逆行屠牛之旅

21/2 周五恒指收報27308, 大跌300點, 水星逆行屠牛尋底之旅

大媽雖然買內銀, 不過卻連日大手走權重QQ, 係利淡訊號, 人民幣大跌233點子, 收7.0386, 人仔弱雞老外沽A股, 拖累港股急挫, 上落市沖頂回落食兩口牛就會彈, 大鱷連吃3口牛代表大市已見頂, 水星逆行威力下, 港股失守重要支持位, 呈弱勢尋底格, 關鍵位27000.26800.26500.26145....

阿爺放水救經濟及撐股市, 扭曲了中港股市表現, 上証成為人造牛市, 成為中資股的後盾, 亦窒礙了港股的下跌步伐

人仔續挫的話, 股市走鬼斬倉盤出龍大市就會急瀉, 上証收3039, 過去三周升勢過急, 等調整, 11/2上升裂口10667~10732未回補是後患, 按照慣性走勢, 港股周一(24/2)低開屠牛機會大, 牛熊分佈係牛多熊少, 牛肥熊瘦, 有下殺誘因,

恒指大型上落區在26000~28000, 如果由好友主導, 就會在上方27000~28000游走, 如果由淡友主導, 就會在下方26000~27000波動, 由於早前見投資者在26500附近吸貨, 如好淡爭持, 或者淡友於低位回補空倉, 掃番大市上去, 大市就會在27000上下500點穿梭, 淡友最大風險係大媽往往在低位掃權重股撐市, 而阿爺亦會繼續出招救市, 而疫情全球擴散拖低經濟就係淡友後盾

如果淡友奪回主導權, 才會插穿前底26145, 不過要有肥牛才有誘因插穿超級大位, 否則或會咬住2月開倉水平26800來結算, 27/2周四結算, 睇下好友及大媽會否護盤撐結算, 如下周一恒指續跌, 就係3連跌, 由於今年未見過4連跌, 周一跌的話, 按照慣性走勢周二應有反彈, 留意人民幣及QQ表現, 係港股升跌關鍵

港股失守大位利淡: 恒指保歷加通道中軸(即20周線27348), 國指保歷加通道中軸(即20周線10759)

沖完頂再試底: 到今日為止恒指月波幅1910點(高低位26145~28055), 今年1月恒指月波幅2879點, 唔計特大或特細月波幅, 一般月波幅1800~2400點, 其實2月波幅1910點已進入達標範圍

周一(17/2)爆上28000未能去到28300~28500水平來擴大月波幅, 按照慣性走勢, 沖頂打回頭就要再試底

24/2周一恒指收26820, 暴跌488點, 大舉屠牛, 連跌3天, 反彈在望

今日淡友輕易隊穿27000水平, 皆因雙鬼拍門, 今早美期暴瀉+多國肺炎急促擴散拖累匯市, 水星逆行威力下, 港股打破了多個慣性走勢, 上証連日創高位並上企3000水平, 但港股竟然唔跟, 係強烈利淡訊號,

回顧以往多次跌穿26800落到26500附近投資者趁低吸納, 而淡友就食胡回補空倉, 1月尾暴跌失守27000, 5日後就彈番上去, 不過現時係水星逆行, 壓力會較大, 市弱候高造淡, 因為弱勢死貓彈唔會叻得去邊

好友想27300樓上結算好夢再次成空, 因為匯市郁, 好友縮, 今早人仔落到7.05, 好友走鬼喇! 估計本周淡友會係今日高位27105攔路, 再上阻力就係27300水平,

恒指已連跌3天, 由於今年未見過4連跌, 按照慣性走勢明日(周二)應會作出反彈, 市弱恒指通常一周升2天(2升3跌), , 市強升3天, 尋底市星期一低位不會是周底, 多數係星期三四五出現, 如市強收升周, 多數會在星期四五創周高位

今日高見27105, 如果呢個係本周高位, 又或者27300攔路, 800~1000點周波幅就要插穿26500, 以收市計, 如果仍然守唔住, 就要下試前底26145, 不過上次插穿26500有資金入市, 構成支持力, 今日大媽繼續掃內銀, 不過冇再丟QQ, 反手買QQ係好現象, 肺炎疫情在多國爆發, 27000失守, 如果人仔弱勢持續, 淡友就有藉口推低結算,

月尾結算周關鍵大位, 收跌周星期三四五係創新低的時間窗口, 不應升穿27105:

淡友向下要攻26312及26145, 好友向上要攻27105~27264/27308

港股先低後高, 單日轉向呈陽燭, 秒殺肥牛

25/2 周二恒指收報26893, 升72點(最多上升93點, 一度下跌154點)

國指收報10580, 升11點(最多上升30點, 一度下跌93點), 國指跑輸恒指

恒指一如所料作出反彈, 早已說三連跌例彈, 惟升幅不大, 大鱷可能未食夠肥牛, 因周三四五係創本周新低的時間窗口, 樓下仍有貼價牛待屠

結算前夕港股低開高走, 單日轉向呈陽燭, 大舉屠牛

26/2 周三恒指收報26696, 跌196點(最多下跌413點)

國指收報10501, 跌78點(最多下跌197點), 國指小幅跑輸恒指

今日港府公布財政預算案豪擲千二億紓困, 利好市場氣氛, 港股跟隨美股大幅低開秒殺肥牛即彈, 不過港股全日沽空金額高達16.67%, 恒指恐慌指數VHSI急升, 牛肥熊瘦, 牛近熊遠, 有下殺誘因, 水星逆行利淡, 反覆下跌尋底格, 博反彈好倉係逆勢操作, 不宜過夜

由於周波幅未達標, 按照慣性走勢, 周三四五係創新低的時間窗口, 今日低位26480未必是底, 會再插穿26500來擴大周波幅, 本周港股應收跌, 因為上証本周收跌, 港股多數跟

恒指仍未跌穿3/2低位26145, 可能係好友想撐埋結算, 亦可能係等牛牛養肥才插水, 亦係托住來溫水煑蛙式派貨，到今日為止恒指1升2跌, 按照慣性走勢, 未來兩日恒指可能係1升1跌,

24/2下跌裂口(27105至27264), 20天線亦在其中, 阻力非輕, 要借好消息大陽燭上破才能逼退淡友, 暫時冇利好因素支持向上回補裂口, 而且本周由淡友主導, 本周收跌的話, 未來兩天就不會重上27105水平

連續兩日港股都冇破底, 可能係撐埋結算, 或者溫水煮蛙式派貨, 亦有可能係留番3月才隊, 如果牛牛繼續湧入, 港股早晚要破底, 今日期指呈低水部份是受匯控明日除息拖累, 明日期指結算, 午後見真章

恒指有大媽掃貨撐市, 一直都冇破底26145, 有可能係因為呢個水平只得瘦牛, 等養肥才插落去, 近來收市U盤都係走低, 代表沽壓大, 淡友主導大市

=================================

2020/02/25 日本在鑽石公主號的防控差勁造成大量交叉感染，其後有韓國、意大利、伊朗的爆發，疫情有全球擴散跡象。韓國情況相當可怕，意大利狀況亦比較差，北部爆發群聚感染，新加坡、馬來西亞和韓國三國有確診病例，中招者都曾參加過一月十九日在新加坡國際會議, 一場國際會議成為多國爆發源頭。(「巴士的報」)