Kelly Chu
Kelly Chu
Kelly Chu

藥膳導師下月開班教煮潤肺滋補藥膳

2020/02/24 04:12:16 網誌分類: 生活
24 Feb
          疫情下,好多朋友想提高自己嘅免疫力,唔俾病毒有機可乘。咁Kelly有個對策俾大家啦,信興廚藝中心請來資深藥膳導師,喺三月開班,教大家喺屋企炮製潤肺滋補嘅藥膳,等大家開心食用兼強身健體。

          以食物配合藥材,係我國嘅養生文化,博大精深,但唔係人人識點配合藥材煮嘢食。信興廚藝中心就請來有超過十年擔任烹飪導師經驗、現為大學專業進修學院中醫藥膳糕點工作坊烹飪嘅梁秀雯導師,喺三月開班授徒,分別係三月五日嘅「行氣活血養顏藥膳」課堂,教煮太極羹同行氣活血溜魚片;三月十一日嘅「健脾祛濕藥膳」,學煮健脾祛濕五白包同潤肺養陰天冬燒賣;三月二十六日嘅「強身健體藥膳」,教煮首烏珍珠丸子同瑤柱冬蓉羹。

          小妹睇到嘅藥膳名,流晒口水。大家係咪好想報名,請上信興廚藝中心網頁了解,三堂都喺晚上七點開始,啱晒大家放工之後去上堂。

        

        Kelly Chu

        
■首烏珍珠丸子。p/  
 ■首烏珍珠丸子。

   

回應 (0)
我要發表
user