28/2 26000攻防戰等救市

2020/02/28 23:53:57 網誌分類: 經濟
28 Feb

28/2 周五恒指收26130, 暴跌648點, 26000失而復得, 反彈在望

人民幣強.港股好

今日下跌裂口26313~26420有待回補

通常中港美三地係同步見底頂, 所以中美股市表現對港股起啟示作用, 只要上証觸底回升, 港股多數跟住上, 港股後抽何時見頂都係跟上証

港股嚴重超賣, 剛好跌至整數大位26000, 加上下星期開3月新局, 亦有誘因先向上擴大月波幅, 到阻力位打回頭才繼續尋底

今日上証暴跌111點, 收2880, 以阿爺的一貫作風, 預期下周一(2/3)阿爺大媽會出手護盤救市, 人民幣轉強利好中港股市, 港股目前在2月波動區底部, 短線有反彈空間, 不過重倉牛會拉住港股後腿, 要貼價熊出世, 肥熊湧入, 港股上升動力才會增強

回顧今年星期一恒指2次高開.5次低開, 但不一定低收, 試過多次先低後高收陽燭,

肥牛雖然在25200~26000, 不過通常出現股災,全球央行都會出手救市,例如大開水喉, 華爾街大鱷由得美股暴跌就係逼老美減息, 只要美股止跌回升, 全球股市就會好轉, 港股有條件借勢作出後抽

恒指2月主波動區26000~28000, 1月低位26295, 2月(今日)低位25989(2月初低位26145), 今日收26130, 如已見短底, 下周一(2/3)就不應創新低, 如收市反彈超過200點, 代表大市見短底, 連跌斷纜利好, 如市強午後創即市高位, 如午後無法創高位, 代表買盤並不積極

~ 日本及台灣報道指新冠肺炎源頭其實是美國, 並非武漢, 美國成為播毒一哥, 股市狂插, 減息救市預期大增, 美元謝晒, 人民幣轉強, 於6.99附近游走(本周在7.03水平), 人仔轉強會否撐住中資股? 人仔強.港股好

~ 大媽會繼續掃貨撐市嗎? 今日大媽趁大跌市掃建行及QQ, 係好現象

~ 本周人仔弱雞, 老外日日大手沽出A股, 如今人仔轉強, 今日收6.9896, 大升265點子, 下周一老外會不會歇一歇唔沽, 又或者反手入貨? 只要老外掃貨, 有助推動中港股市向上

~ 中國肺炎疫情受控, 會否比外國安全? 投資者的看法會如何? 資金會不會撤離美元資產? 又或者有資金流入A股?

~ 美股昨晚(27/2)暴跌, 道指以點數計是歷來最大單日跌幅, 一如早前所說, 中港美股市都係高處不勝寒, 道指股災式連環大插累計超過三千點, 美國反中亂港, 支持黑暴打垮香港經濟, 哈))) 報應來了

~ 美股暴跌除了因為肺炎疫情外, 亦係因為民主黨總統參選人桑德斯民調已經拋離拜登和彭博, 假如桑德斯與特朗普競逐總統寶座, 就係極不明朗的因素, 因為桑德斯被視為社會主義派, 會向富人加稅、提倡全民醫療保障、大學學費全免等

~ 中港美三地股市齊齊出現驚嚇的一棍, 可能見短底, 通常逼死好友就彈得, 留意今晚及下周一表現

~ 美股瀉到嚴重超賣, 呢浸跌勢過急, 幅度過大, 中美下周一會否出招救市? 特朗普視美股牛市為他的政績, 不會容許美股災難式下挫, 必定會出手護盤

=============================

<匯港通訊> 下次聯邦公開市場委員會(FOMC)會議定於3月17-18日舉行。有分析認為,聯儲局或會緊急減息,瑞銀駐倫敦的利率策略師 John Wraith 稱,隨投資信心下滑、股市暴跌、油價重挫、全球供應鏈面臨風險等,料緊急減息的可能性愈來愈大。

2020年3月2日 中國2月份製造業PMI數據急劇下降,2月財新中國製造業PMI降至40.3, 按月大幅下跌10.8%,為紀錄最低,而中國2月官方製造業及非製造業PMI 亦跌至歷史新低,

最新回應

c6
c6 2020/03/28
@soho*...

  大元帥竟然如此

【我的技術分析係低B班】

   大元帥你都低B班???

   誰都不可以升上高班🥰

👍大元帥你就是財經博士👍

c6
c6 2020/03/28
@soho*...

大元帥晚安

謝謝你的財經分析🙏🙏

C6 今天無出街無事做

睇了一下財經新聞報道

就繼續努力加油打機🎮

疫情好多人都受影響在家

謝謝你照顧大家日日寫評論

 

soho*
soho* 2020/03/29
@小粉絲...

今個月5/3見頂26805,

13/3跌至低位22519(第一隻腳)後反彈,

16/3反彈見高位23631後再度下挫,

19/3跌至低位21139(第二隻腳)後反彈,

27/3反彈見高位23791,

我的技術分析係低B班, 斷估未必正確, 可能只係大跌浪當中的小W形反彈, 有分析師認為19/3低位21139才是第一隻腳, 當大反彈結束就會再做第二隻腳,

以目前形勢來看, 我也認為今次股災冇理由這麼快就造了大底, 20/1創今年高位29175, 19/3創今年低位21139, 兩者相距只係兩個月, 年度高低位太接近, 所以21139未必係今年的大底

慶幸的是, 我早前以W形反彈估算, 猜中了今次彈上23791, 剛好升穿16/3高位23631, 成功減磅執倉

==========================

買上買落恒指ETF受追捧

20/1恒指見頂29175, 由翌日(21/1)起, 買跌的逆向 ETF 南方恒指 #7500 成交突然急增, 春江鴨有眼光賺到開巷, 呢種大成交趨勢一直到目前仍未休止, 投資者博大市見頂回落所以買跌, 亦有投資者買#7500來對沖持倉, 選擇#7500 ETF 不用擔心回收的問題, 所以我認為博股災經濟衰退可趁反彈分注向上買#7500, 好過買熊

28/2恒指首度插穿頸線26000, 低見25989, 唔少人以為守得住26000, 買上博反彈的ETF #7200就係由這天起成交突然急增, 呢種大成交趨勢一直到目前仍未休止, 反映投資者博大市見底但又怕睇錯市遭打靶回收, 亦擔心未見大底, 所以買#7200死坐等大市彈高, 可惜23700樓上買#7200的股民全部坐艇了

睇下牛熊分佈, 就會發現大波市炒牛熊過夜的股民有所顧忌, 股民學精左, 轉炒不會回收, 可以死坐的#7500及#7200, 周伯通就係成功的例子, 激屎大鱷 {#icono0_3}

依家恒指急升或暴跌500~1000點, 大鱷竟然只係殺牛或熊一千幾百隻, 極為反常, 以往呢種升跌幅度大鱷閒閒地殺幾千張, 由於股民將炒牛熊的資金轉投ETF, 所以大鱷無可奈何連瘦牛熊都殺, 亦令以重倉牛熊來做測市指標失效

soho*
soho* 2020/03/28
@試下學下...

星期五炒一周期權的大鱷要食胡, 市況波動好難炒, 不宜入市,

我唔鍾意周五炒作, 因為萬一買錯方向走唔切就要持倉過周末, 而今年周一多數低開, 所以買上過周末係高危

我認為炒得密係大忌, 因為以散戶的能力好難連贏幾舖, 特別是一天內炒幾轉不可能全中, 應見好就收, 俾時間抽離冷靜下來

而家匯市.疫情及救市措施令股市波動性增加, 所以超短炒係半日鮮, 已經唔可以即日鮮, 因為半日已變天

一如我回覆水滴兄所說, 回顧3月中恒指在24000水平, 當時人民幣在6.99附近, 上証在2900, 但周五人仔收報7.0928兌一美元, 上証收2772, 並不配合, 所以博突破23800~24000係高危, 要有天大利好消息才能上企