(河馬仔賽馬專欄)2020/03/01

兩季累績 : - $251979

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

上次運氣好而已，只希望各位善者平安，而今次不如揀揀第3場四班1400米。

11「特醒」上場跑泥地幾肯定唔夠前速，而此駒之前跑1650就算明顯唔長力之下，前速實際比以往高好多，練好前速之下今場明顯真正放頭馬少得緊要，只要唔係不幸走三疊，再唔落雨的話，跑得番同「爆騷」半個馬位的一場左右，重回千四幾明顯有目標，希望係薛恩與韋達初次好成績，始終呢隻馬算係此倉愛駒。

12「紅旺」上次雖然輸得好遠，可能沿途想快馬走甩「高大威猛」，初試千四居然鬥到最後二百才潰敗，不過今次隻馬有番經驗之餘，仲要定唔少，只要今場冇一隻四班怪物就可能比上場有進。

9「是必飛飛」上場前速甚佳，但不知為何係要留到極後再大外疊衝，上場難度唔低，檔位再內移下其實威力甚高，絕不可欺。

四重彩腳
1「天生一對」雖然榮轉潘勝率高，但呢隻有點唔太同，感覺谷草1200跑得最具威力，上場多駒退出下連隻 「晉神」都過到佢，當然落班必有一定實力但如遇幾隻4班能手就麻煩。
2「長友之星」怪腳馬冇得估，上次實際衝得好麻麻，但本身在三班有一定同程實力今場對手弱尚可一試。
8「真開心」上場沿途塞在馬林，但衝下衝下算識跑，今場用回早早操開之榮少要防入一席。

其他
「靚紫荊」跑田草千六要防，但千四本身太促，「海島材子」出步有點未太整齊但長遠非庸品，「紅衣震撼」休後講真又未必真正速度，「英明勇將」上場夢幻形勢9檔游到一點居然差點第四都冇，加個眼罩14檔難度更高，「真妙星」個倉係咁省隻馬，但呢個種一向田草表現一時時之餘，此駒落腳極慢，仲要巴度換上豐哥怕怕地，「又夠威」谷草能力暫時較高，田草有點勉強，「神期大帝」同樣谷草表現好田草不少，上次其實借口唔多，「自然君子」千四如一遇少放頭馬加希威森跑後上打好大折扣。

(河馬仔賽馬專欄)2020/03/01真投注紀錄