【 裝修仝人誌．Tessa篇 】 做事有KPI 才可評估改進
2020/03/02 00:50:48 網誌分類: 生活
轉工對不少人來說，可能只為轉換心情或獲取更高回報，但原來當中，是存在著專業技能或個人處事能力的提升！這一篇《裝修仝人誌》的主角Tessa，就有這樣的體會！
任職Marketing Specialist的Tessa，加入裝修佬已經接近一年，每日都會忙得走來走去，如果大家有留意Facebook，更可能見過她主理的專頁「裝修啦baby」！
在前一份工作，Tessa於一家初創任職小編，除了處理日常Facebook上的工作，亦要協助拍攝短片，但總是停留於執行上司指令的階段，但加入裝修佬後，一切都不同了！
「喺裝修佬，公司係Set咗個目標俾我，然後我可以用自己諗到嘅嘢去試。而喺過程入面，我發覺，原來可以利用公司唔同部門嘅資源，去幫我做好件事，去產生協同效應，令到唔止係我完成咗件事，亦間接幫咗其他部門嘅同事！過程都係一種技術上嘅增長！」Tessa道
Tessa負責的專頁「裝修啦baby」，不時會分享她在工作上的小點滴！
其實在職業技能之外，Tessa亦覺得在個人處事上面，現時的腦細亦教她不少！「我係一個好易緊張嘅人，變咗好易會講錯嘢或做錯嘢！每次腦細一見到我咁，都會即時制止我！叫我出去食支珍寶珠先！」
為何食珍寶珠？「有次腦細同我解釋過，佢話人一亂，而隻手繼續做嘢，錯嘅機會係好大，隨時諗嘅同做嘅，係兩件事！結果就係翻手做，浪費時間！」
說到底，腦細就是希望Tessa緊張時，透過食珍寶珠，放下手上工作，離開工作崗位，再停止說話，然後令自己情緒平伏，待冷靜下來時，想好之後才去做，而這一種冷靜方法，是她做事以來，沒有人教過她的！
開會無預備 浪費與會者時間
另一種Tessa在裝修佬學到的，就是做事應該要設定KPI（關鍵績效指標，Key Performance Indicators），要有目標，這樣才有意義，才有方向。「做完之後，你可以睇返自己做成點，睇到自己嘅表現，同呢件事嘅價值！」
回應 (0)
我要發表