玄燊師傅一語道出我心中所想| 感情路上感到迷惘，怎麼辦？
前排我一直受到感情嘅困擾，喺朋友推介之下就去咗搵玄燊師傅幫我算命。希望喺呢度分享一下我嘅經歷，畀大家參考一下。
我同男朋友一直有唔少爭執，有時候會覺得好攰。＂不如就咁完＂呢個念頭一直喺我腦海入面，但係始終大家都一齊咗好耐，最後我都係會口硬心軟，過一排又好似無事發生咁，跟住就不了了之。前排我終於忍唔住爆發，同男朋友分手。但係之後嘅日子我個心又一直亂諗野，係咁諗呢個決定係唔係正確？
跟住我唯有搵FD訴苦，佢聽完之後其實都支持我嘅決定，跟住佢就話如果都係放唔低，不如試下去算命。之後佢分享咗佢第一次嘅算命經歷俾我聽，聽完之後連本身完全無興趣嘅我都心郁郁，因為佢講嘅說話的確有啲道理，反正又唔係多錢，又未試過，試下又無壞嘅。
就係咁，我就試咗我人生第一次嘅算命。因為我本身對算命無研究，所以我個FD就推介咗玄燊師傅俾我，我即刻就用wtsapp聯繫玄燊師傅預約時間。
咁師傅睇完我嘅八字之後，就問我想問啲咩問題。咁我都唔轉彎，直接就話想算下感情方面。跟住玄燊師傅一嚟就問我係咪諗住同男朋友分手，當下係的確有少少愕然，雖然有啲偏差，但都算中我嘅問題。我就同玄燊師傅講話唔係，其實我同男朋友啱啱分咗手。
然後玄燊師傅諗咗一諗，問我你地係咪誠信出現了問題。我思考唔切，本能反應係咁點頭。跟住我就講我地成日有爭執都係因為佢經常性講大話，講極佢都唔肯改。有時明明係同朋友收工去飲酒，但就同我講話要OT。呢啲都算小事，我都理解佢其實係想陪下朋友，我都明白嘅。但係對上一次，佢竟然偷偷地同其他女性約會，所以我真係忍唔住，同佢講分手。
之後玄燊師傅就講睇我個八字，知道我係一個做野成日心大心細，揸唔定主意唔知自己想點嘅人。同埋喺感情方便好慢熱，同對方要相處好耐先會真係鐘意對方。跟住就話幾個月前我已經遇到適合嘅對像，如果對方嘅工作同社交能力係強嘅話，記得要把握機會，因為佢會係我嘅真命天子。
咁我諗咗一諗，平時我除咗返工，都無乜機會識新朋友，但係公司的確係有一個新男同事，大我幾年，而且確實係有少少好感嘅，不過個陣我同男朋友分手無耐，又無諗過呢方面嘅問題。而家諗一諗，呢個新同事的確係幾做得野，而且好快就同其他同事打成一片，同玄燊師傅講嘅有共通嘅地方。
去到呢度，成個過程就完咗。而我亦都知道呢份感情，係時候要放低。其實可能自己心入面一早就有答案，不過批算完之後先叫做正式放得低。而且依家亦都知道之後自己喺感情路上，應該要向前看，要把握機會！