月尾推高結算位

恒指高開低收呈陰燭, 上攻試水溫, 秒殺小熊即回

26/3 周四恒指收報23352, 跌174點(最多下跌363點, 一度上升77點~競價開市位)

國指收報9447, 跌82點(最多下跌149點, 一度上升37點), 國指小幅跑輸恒指

回調整固.儲力向上.底頂上移繼續尋頂

恒指兩連升後例牌斷纜, 今日果然收跌, 不過收市跌幅少過200點, 加上收市U盤急彈98點, 極為罕見, 代表星期五的一周期權及下周一結算前有好友睇場, 按照慣性走勢, 如升浪未完, 後市仍會有新高, 踏入月尾, 夜期係日日升, 代表好友當道反擊中, 炒緊全球央行救市, 阿爺或會降準, 水浸市場, 熱錢就借勢入市短炒反彈, 不過短炒一周期權的好友明日就要踢上去食胡鬆人喇!

港股已企穩10天線, 呈反覆上升勢頭, 好友仍主導大市, 部署下周一期指結算位, 明日係結算前夕, 好友點都要撐埋佢, 推高大市部署結算價, 本周收陽收升已無懸念, 即係明日就要收22805之上, 明日雖然多數會有周末沽盤壓住大市, 不過按照慣性走勢, 星期四五係日升日跌, 今日跌, 代表明日升, 市強不會連跌, 連跌係見頂訊號, 今日跌明日亦應收升

以往恒指通常每周升2~3天, 不過自從17/2見頂28055展開大跌浪以來, 每周恒指都只係升1~2天, 未試過升3天, 今個星期恒指已升了2天, 按照尋底時的慣性走勢就已經達標, 不過港股係觸底回升尋頂中, 未必跟尋底時只升2天的走勢, 能否打破慣性走勢升多一天就要睇阿爺, 只要人民幣轉強, 上証造好, 港股有條件一周升3天, 因為今個月升市日數太少, 月尾要追番, 雖然個別企業的業績欠佳會惹來沽壓, 不過亦有企業公布業績後開始回購股份, 對港股構成支持力

~~~~~~~~~~~~~~~~~~~~~~~~~~~~~~~~~

向上擴大波幅

上周恒指股災式下挫, 斬倉走鬼盤導致即市波幅罕有地高達650~1260點, 但本周大裂口開出後即市波幅明顯收窄至370~510點, 代表資金重投股市炒緊反彈, 換句話說, 今日收23352, 明日一係升穿23500, 一係跌穿23000, 向上機會較大, 因為本周係收升周, 好友主導大市, 向下就違反了底頂上移的尋頂格局, 通常見頂回落才會底頂下移, 人民幣守得住7.1, 今日收升49點子, 報7.0960, 人仔轉強, 利好明日市況, 不過亦要慎防人仔突然轉弱就會拖低大市

今日恒指競價開市位已是全日高位, 一開即插, 玩沖高回落, 皆因大鱷嫌熊瘦, 所以詐死震牛引熊入局, 呢種陰燭形態淡友必定會入場, 但小牛亦上移至23000附近, 會拉住港股後腿, 當大市見頂回落, 貼價牛就死得, 目前整體牛熊分佈係熊多牛少, 熊熊較吸引, 不過近熊仍瘦, 遠熊才肥, 今個月恒指月波幅已超標

恒指恐慌指數(VHSI)大升8.2%, 連日急升後投資者驚驚, 睇路呀! 大媽沽緊貨喇! 今日大媽繼續走貨食胡, 最弊係今日沽權重股QQ及建行, 怪不得港股收跌, 不過總的來說仍有資金凈流入, 不過港股升至23500買上感到猶豫, 因此流入資金明顯縮減, 散戶跟大媽手影出入可保平安

隨著全球央行合力救市, 市場恐慌情緒略為紓緩, 美元見頂回落, 失守100大關, 利好人仔及股市, 今次股災導致股份跌過龍, 市盈率及市帳率都跌到筍價, 當市場氣氛好轉, 買盤就湧入掃貨, 亦係美股及港股由低位大幅反彈的原因之一, 但由於股市已累積龐大升幅, 獲利盤出籠, 唔少國家的肺炎疫情正在不斷惡化, 對後市不宜過份樂觀, 要留意測市指標的變化, 急升亦會急跌, 以目前疫情爆發的形勢, 股市不可能頭也不回一路升上去, 暫時似是震盪上行尋頂格局

~~~~~~~~~~~~~~~~~~~~~~~~~~~~~~~~~

23800~24000阻力非輕

一如昨日所說, 好友本周會力守支持位22800~23000, 市強只會小幅收跌, 回吐後會再上攻, 今日低見23163, 守得住昨日低位23062, 向上就要攻23631.23800, 後市如要上24000大位必需要上証.人民幣及肥熊配合, 否則難以上企, 如上証上唔到2900, 恒指亦不會上24000, 不過只要守得主22800~23000, 反覆上升勢頭仍在

由於19/3低見21139反彈至今日高位23569, 累計大幅反彈2430點, 但今日只係跌174點, 好明顯只係消化急升後的沽壓, 跌幅這麼細反映買盤仍強, 可能係好友力撐來結算

按照慣性走勢, 周四或五係創新高的時間窗口, 所以明日恒指仍有機會創本周新高, 今次升浪理應會突破前高位23631來向上擴大波幅, 挑戰23800關鍵大位, 10天線正在不斷上移, 如果好友唔想跌穿, 就要上攻, 如失守10天線, 代表反彈浪完結

向上關鍵阻力大位

向上23631.23800~24000, 24184

向下支持位, 如失守係見頂訊號

上升裂口(22753~23062), 切忌全數回補

上升裂口(22064~22383)是島形底突破性裂口, 島形底裂口, 如失守, 代表 反彈浪結束

上升裂口(9237~9345)

周五(27/3)放榜內銀: 工行、建行及中行

30/3期指結算恒指收23175, 大跌309點, 力守10天線

阿爺放水, 國指跑贏恒指, 今日人行公開市場重啟逆回購操作，規模500億元人民幣，期限7日，是逆回購操作29日後再度開啟，利率為2.2%，低於上次的2.4%, 港股雖然大幅回吐, 但恆指恐慌指數VHSI卻下跌, 老外及大媽都入少少貨, 不過美元反彈, 人民幣走弱, 拖低港股

市強回吐600~800點就會反彈, 市弱嘔1000~1200點, 由高位23791跌至今日低位22973, 累計下跌818點, 換句話說, 如果本周收升, 明日就不應插穿今日低位22973, 反而應升穿今日高位23491創本周高位, 如明日隊穿22973創本周低位, 今個星期就未必收升,

今日低見22973, 低位一瞬即逝, 保住25/3上升裂口(22753~23062)及10天線, 收市U盤又踢高, 代表好友仍未放手, 明日黑期結算+月結+季結, 加上牛牛太瘦, 亦有誘因上攻, 今日跌市成交縮, 沽壓唔算大, 過去幾日走貨的大媽今日大手掃QQ及建行撐市, 23000樓下只得小牛, 未養肥欠缺吸引力, 反而熊熊愈養愈肥, 今日大鱷殺小牛50張, 如升浪未完, 通常食1~2口牛就會反彈, 如食3口不妙, 買跌的#7500逆向ETF再度登上五大沽空, 代表有大鱷預測港股短線不會大插, 會有反彈