26/3 回調整固.部署結算位

2020/03/26 20:47:53 網誌分類: 經濟
26 Mar

恒指高開低收呈陰燭, 上攻試水溫, 秒殺小熊即回

26/3 周四恒指收報23352, 跌174點(最多下跌363點, 一度上升77點~競價開市位)

國指收報9447, 跌82點(最多下跌149點, 一度上升37點), 國指小幅跑輸恒指

回調整固.儲力向上.底頂上移繼續尋頂

恒指兩連升後例牌斷纜, 今日果然收跌, 不過收市跌幅少過200點, 加上收市U盤急彈98點, 極為罕見, 代表星期五的一周期權及下周一結算前有好友睇場, 按照慣性走勢, 如升浪未完, 後市仍會有新高, 踏入月尾, 夜期係日日升, 代表好友當道反擊中, 炒緊全球央行救市, 阿爺或會降準, 水浸市場, 熱錢就借勢入市短炒反彈, 不過短炒一周期權的好友明日就要踢上去食胡鬆人喇!

港股已企穩10天線, 呈反覆上升勢頭, 好友仍主導大市, 部署下周一期指結算位, 明日係結算前夕, 好友點都要撐埋佢, 推高大市部署結算價, 本周收陽收升已無懸念, 即係明日就要收22805之上, 明日雖然多數會有周末沽盤壓住大市, 不過按照慣性走勢, 星期四五係日升日跌, 今日跌, 代表明日升, 市強不會連跌, 連跌係見頂訊號, 今日跌明日亦應收升

以往恒指通常每周升2~3天, 不過自從17/2見頂28055展開大跌浪以來, 每周恒指都只係升1~2天, 未試過升3天, 今個星期恒指已升了2天, 按照尋底時的慣性走勢就已經達標, 不過港股係觸底回升尋頂中, 未必跟尋底時只升2天的走勢, 能否打破慣性走勢升多一天就要睇阿爺, 只要人民幣轉強, 上証造好, 港股有條件一周升3天, 因為今個月升市日數太少, 月尾要追番, 近來企業公布業績後亦開始回購股份, 對港股構成支持力

~~~~~~~~~~~~~~~~~~~~~~~~~~~~~~~~~

向上擴大波幅

上周恒指股災式下挫, 斬倉走鬼盤導致即市波幅罕有地高達650~1260點, 但本周炒反彈, 波幅明顯收窄至370~510點, 代表資金重投股市炒緊反彈, 換句話說, 今日收23352, 明日一係升穿23500, 一係跌穿23000, 向上機會較大, 因為本周係收升周, 好友主導大市, 向下就違反了底頂上移的尋頂格局, 通常見頂回落才會底頂下移, 人民幣守得住7.1, 今日收升49點子, 報7.0960, 人仔轉強, 利好明日市況, 不過亦要慎防人仔突然轉弱就會拖低大市

今日恒指競價開市位已是全日高位, 一開即插, 玩沖高回落, 皆因大鱷嫌熊瘦, 所以詐死震牛引熊入局, 呢種陰燭形態淡友必定會入場, 小牛亦上移至23000附近, 會拉住港股後腿, 當大市見頂回落, 貼價牛就死得, 目前整體牛熊分佈係熊多牛少, 熊熊較吸引, 不過近熊仍瘦, 遠熊才肥, 23800關鍵位樓上只得瘦熊, 欠缺吸引力, 亦削弱港股上升動力

恒指恐慌指數(VHSI)大升8.2%, 連日急升後投資者驚驚, 睇路呀! 大媽沽緊貨喇! 今日大媽繼續走貨食胡, 最弊係今日沽權重股QQ及建行, 怪不得港股收跌, 不過總的來說仍有資金凈流入, 不過港股升至23500買上感到猶豫, 因此流入資金明顯縮減, 散戶跟大媽手影出入可保平安, 要趁反彈打開逃生門就減磅

隨著全球央行合力救市, 市場恐慌情緒略為紓緩, 美元見頂回落, 失守100大關, 利好人仔及股市, 今次股災導致股份跌過龍, 市盈率及市帳率都跌到筍價, 當市場氣氛好轉, 買盤就湧入掃貨, 亦係美股及港股由低位大幅反彈的原因之一, 但由於股市已累積龐大升幅, 獲利盤出籠, 唔少國家的肺炎疫情正在不斷惡化, 對後市不宜過份樂觀, 要留意測市指標的變化, 急升亦會急跌, 以目前疫情爆發的形勢, 股市不可能頭也不回一路升上去

~~~~~~~~~~~~~~~~~~~~~~~~~~~~~~~~~

23800~24000阻力非輕

一如昨日所說, 好友本周會力守支持位22800~23000, 市強只會小幅收跌, 回吐後會再上攻, 今日低見23163, 守得住昨日低位23062, 向上就要攻23631.23800, 後市如要上24000大位必需要上証.人民幣及肥熊配合, 否則難以上企, 如上証上唔到2900, 恒指亦不會上24000

由於19/3低見21139反彈至今日高位23569, 累計大幅反彈2430點, 但今日只係跌174點, 好明顯只係消化急升後的沽壓, 跌幅這麼細反映買盤仍強, 可能係好友力撐來結算

按照慣性走勢, 周四或五係創新高的時間窗口, 所以明日恒指仍有機會創本周新高, 今次升浪理應會突破前高位23631來向上擴大波幅, 挑戰23800關鍵大位, 10天線正在不斷上移, 如果好友唔想跌穿, 就要上攻

向上關鍵阻力大位

向上23631.23800~24000, 24184

向下支持位, 如失守係見頂訊號

上升裂口(22753~23062)
上升裂口(9237~9345)


周五放榜內銀: 工行、建行及中行

最新回應

c6
c6 2020/03/28
@soho*...

  大元帥竟然如此

【我的技術分析係低B班】

   大元帥你都低B班???

   誰都不可以升上高班🥰

👍大元帥你就是財經博士👍

c6
c6 2020/03/28
@soho*...

大元帥晚安

謝謝你的財經分析🙏🙏

C6 今天無出街無事做

睇了一下財經新聞報道

就繼續努力加油打機🎮

疫情好多人都受影響在家

謝謝你照顧大家日日寫評論

 

soho*
soho* 2020/03/29
@小粉絲...

今個月5/3見頂26805,

13/3跌至低位22519(第一隻腳)後反彈,

16/3反彈見高位23631後再度下挫,

19/3跌至低位21139(第二隻腳)後反彈,

27/3反彈見高位23791,

我的技術分析係低B班, 斷估未必正確, 可能只係大跌浪當中的小W形反彈, 有分析師認為19/3低位21139才是第一隻腳, 當大反彈結束就會再做第二隻腳,

以目前形勢來看, 我也認為今次股災冇理由這麼快就造了大底, 20/1創今年高位29175, 19/3創今年低位21139, 兩者相距只係兩個月, 年度高低位太接近, 所以21139未必係今年的大底

慶幸的是, 我早前以W形反彈估算, 猜中了今次彈上23791, 剛好升穿16/3高位23631, 成功減磅執倉

==========================

買上買落恒指ETF受追捧

20/1恒指見頂29175, 由翌日(21/1)起, 買跌的逆向 ETF 南方恒指 #7500 成交突然急增, 春江鴨有眼光賺到開巷, 呢種大成交趨勢一直到目前仍未休止, 投資者博大市見頂回落所以買跌, 亦有投資者買#7500來對沖持倉, 選擇#7500 ETF 不用擔心回收的問題, 所以我認為博股災經濟衰退可趁反彈分注向上買#7500, 好過買熊

28/2恒指首度插穿頸線26000, 低見25989, 唔少人以為守得住26000, 買上博反彈的ETF #7200就係由這天起成交突然急增, 呢種大成交趨勢一直到目前仍未休止, 反映投資者博大市見底但又怕睇錯市遭打靶回收, 亦擔心未見大底, 所以買#7200死坐等大市彈高, 可惜23700樓上買#7200的股民全部坐艇了

睇下牛熊分佈, 就會發現大波市炒牛熊過夜的股民有所顧忌, 股民學精左, 轉炒不會回收, 可以死坐的#7500及#7200, 周伯通就係成功的例子, 激屎大鱷 {#icono0_3}

依家恒指急升或暴跌500~1000點, 大鱷竟然只係殺牛或熊一千幾百隻, 極為反常, 以往呢種升跌幅度大鱷閒閒地殺幾千張, 由於股民將炒牛熊的資金轉投ETF, 所以大鱷無可奈何連瘦牛熊都殺, 亦令以重倉牛熊來做測市指標失效

soho*
soho* 2020/03/28
@試下學下...

星期五炒一周期權的大鱷要食胡, 市況波動好難炒, 不宜入市,

我唔鍾意周五炒作, 因為萬一買錯方向走唔切就要持倉過周末, 而今年周一多數低開, 所以買上過周末係高危

我認為炒得密係大忌, 因為以散戶的能力好難連贏幾舖, 特別是一天內炒幾轉不可能全中, 應見好就收, 俾時間抽離冷靜下來

而家匯市.疫情及救市措施令股市波動性增加, 所以超短炒係半日鮮, 已經唔可以即日鮮, 因為半日已變天

一如我回覆水滴兄所說, 回顧3月中恒指在24000水平, 當時人民幣在6.99附近, 上証在2900, 但周五人仔收報7.0928兌一美元, 上証收2772, 並不配合, 所以博突破23800~24000係高危, 要有天大利好消息才能上企