大笨象無息派
週二美股早段跟隨外圍股市造好,杜指中午最高升過153點,但後繼乏力,午後拾級而下,以接近全日最低位收市,倒跌410點,收報21917點,跌幅1.8%;標普500指數跌1.6%,收報2584點;納指跌1%,收報7700點。
標普500指數11個板塊除了能源股受惠油價反彈,逆市升1.6%之外,其餘全部見紅,其中金融板塊跌3%,係繼房地產板塊之後的第二差板塊。
總結美股今年第一季表現,杜指和標普500指數分別累跌了23.2%和20%,係美股有歷以來最差的首季表現。以季度計,杜指表現係1987年以來最差,而標普500指則是2008年金融海嘯以來最差。
美股昨日受到多個負面消息打擊。美國的新冠肺炎疫情繼續惡化,紐約州州長科莫表示,當州的新冠確診個案一日內跳升14%至超過75000宗,非常恐怖;美國昨日公布的美國3月消費者信心指數由上月的132.6大幅下降至120,但已比市場預期的110為高。對市場帶來更大的衝擊的是昨日有多位專家看淡美國經濟以至股市前景。高盛的經濟學家昨日修正早前對疫情對美國經濟的衝擊的預計,認為美國經濟會較此前預計的更傷,不過,也會復甦得較快。
高盛預計美國今年的失業率最高會去到15%,遠高過此前預計的9%,而預計今年首季度GDP會大跌9%,第二季更會大幅下滑34%,將係二次世界大戰以來最差!高盛此前的預計是6%和24%。去到第三季,高盛預計會迎來19%的強勁反彈。高盛指上週公佈的首次申領失業人數狂升至328萬人就是一個「軼事證據」(Anecdotal evidence)。
另外,有「新債王」之稱的DoubleLine Capital的行政總裁岡拉克(Jeffrey Gundlach)昨日表示,估計這個「新冠病毒跌市」他未完結,美股將會再次跌穿上月中的低位,之後會觸及一個更「持久」的低位,美股會表現出某種程度的「功能障礙」。罔拉克在上月初表示,並美國有9成機會因為新冠疫情爆發而陷入經濟衰退。他比較了1929年、2000年和2007年的大跌市,例如1929年的大跌市,股市在底部橫行了將近一年,之係經濟再度走弱。
另外匯控(0005)公布停止派息,連原已宣布會在4月中派發的2019年第4次股息每股普通股0.21美元,亦取消派發,另外在今年底前暫停派發所有普通股的季度或中期股息或應計款項,亦不會進行任何普通股的回購。
匯控董事會表示,暫停派息是因為接獲英倫銀行透過審慎監管局發出的書面通知,要求匯控取消派發2019年第4次股息;英國其他銀行集團亦接獲類似要求。 匯控指集團擁有龐大的資本、雄厚的資金和充裕的流動性,但目前局勢極不明朗,難以評估疫情的持續期及影響,故董事會討論審慎監管局的要求後,決定取消原定於4月中派發的第4次股息每股普通股0.21美元,並對受影響的股東表示遺憾。 董事會亦決定,將於更充分了解疫情全面影響、環球經濟未來幾年的前景較為明朗後,重新檢討今年的普通股股息政策及支付安排。
大家都知匯控業績差,買佢係貪9.88厘的派息,現在突然宣布不派,而且連已公布的第4季息也不派,對股東打擊極大。今次大笨象股價都無乜運行了。
陸羽仁
呢個講法說服唔到我。
1. 5仔只係私人機構,有咩事英症苦都唔係事必要救佢,更何況佢而家係最穩嘅銀行之一(除非有大鑊嘢係症苦知,我哋唔知,咁症苦橫蠻插手,就真係股平都唔敢接貨)
2. 即使真係5仔爆煲,又真係英症苦出手救,都唔會英症苦係白白畀錢,可以只係注資買股,救番就高位賺錢離場。08年金融風暴,美症苦救AIG,最後都係賺大錢離場。
英症苦不惜以破壞資本主義制度(干涉私人機構派息)及破壞金融制度(股票除息後竟然撒回派息)去搞匯凶,只能係a) 要強搶匯凶資產(例如迫佢收窄息差,迫佢削減英國企業債務,迫佢借錢畀啲還唔到錢嘅英國企業...),或b) 嚟緊有英症苦知但我哋未知嘅大鑊嘢,或a)與b)皆正確
做慣殖民狗嘅好難做番個人講人話,頂多只能做n等公民,急不及待出來為沒落帝國保駕護航
大笨象唔派息都應派股,以股代息先至公道。
滙控大平賣 撈貨要諗真
2020年04月02日
大市昨日最熱話題,係滙控(005) 同渣打(2888) 喺開市前宣佈取消派息,拖累兩股股價即時大插,大市跟住都受到衝擊,恒指回落517點。
兩大外資銀行股因為取消派息下插,反映小股東有點突然,意外之下決定沽貨。在此之前,英國《金融時報》已有報道,滙控董事局曾經開會研究過是否暫停派息,最後決定等監管當局通知。
挑戰在前 息竟變空
中環茶友話,新冠肺炎侵襲西方,英國的佛系抗疫證明完全失敗,成為重災區,喺經濟受創程度未明下,銀行作為百業之母,必然想留多個錢傍身,加上滙控表明因為肺炎疫情,要拖慢裁員及放緩出售資產計劃,要維持派高息都唔易。現在監管當局「識做」叫銀行停止派息,減低由銀行自己決定停派的衝擊。為官不能避事,英國財金官員今次做「醜人」,拆了銀行資金壓力的炸彈,說明英國人抗疫唔得,但搞財金技巧始終有一手。
滙控之前公佈的業績麻麻,同時叫停回購計劃,派成績表後不少散戶組成血肉長城護價,主因管理層明言未來兩年會維持派息,大家睇住有七、八厘息,息誘下去做清兵,所以今次停止派息決定都幾震撼,仲要宣佈咗要派的2019年第4季利息都要收返無得派,認真慘情。
滙控財務總監邵偉信在電話會議中就話,明白股息對股東重要性,故會盡快恢復派息,但現在不能承諾日後會補派所有股息予股東,須有待今年較後時間討論派息政策時再作決定,當疫情持續多久及經濟所受影響,將是關鍵性因素。
現在不派息的「壞政策」由監管機構決定,滙控管理層壓力大減,滙控普通股權一級資本比率(CET1)因為保留股息增加100點子,去年的CET1為14.7%,數字上睇算係強勁,但係全球經濟下滑,銀行呆壞帳會否增加?滙控原本計劃透過出售資產收縮帳簿,同時大力削減員工,這些計劃現在都無法即時進行,對資本需求有甚麼影響呢?所以監管機構同銀行管理層上演呢幕「臨陣不派息」,其實可以理解。相反,如果勉強派息後經濟下滑,隨時要吹雞供股都唔出奇,所以現在買高息股,都要留意派息的靭力夠唔夠。
滙控今次因為英國監管當局介入叫停派息,有人話滙控若回流香港,這個情況就不會出現,日後大笨象會不會好似避疫港人一樣,要求返港聲音增加呢?滙控回流說法傳了無10年都有8年,近年講得比較多,有滙控高層話本來這個想法都有不少好處,交少啲稅可以考慮,但自從幾個月前發生火燒總行獅子後,本地政治環境變得不穩定,又令機會下降了。
滙控、渣打不派息的震盪全日都未散,雙雙跌穿40元關口,渣打收報39.9元,大跌7.6%;滙控收報39.95元,跌幅更達9.5%,成交額去到86億元。市場擔心恒生(011) 有樣學樣,股價都插近4%,報127.3元,搞到恒生要出面澄清無意更改派息政策。部份愛揸銀行股的資金轉投中銀香港(2388) ,收報21.7元,逆市升1.2%。
滙控大跌後有茶友問好唔好撈底博反彈?無可否認,滙控股價係跌到好平,但現在平股通街都係,之前滙控係靠息誘,現在變成息即是空,將來憑甚麼扭轉弱勢呢?如果手頭有股綁住都話要沽太遲,若然無股又是否需要上船呢?之前陸羽仁講過全球大減息,銀行板塊必然面臨息差收窄,經營環境好有挑戰性,所以落注前真係要諗清楚。
特朗普預告疫情得人驚
喺銀行股腳軟下,恒生金融分類指數大跌2.9%,恒指次季開局一度插655點,至22947點,收報23085點,急挫517點,成交增至1312億元。超過40隻藍籌股向下,中信股份(267) 急跌5.4%,收報7.67元;除了中銀香港外,煤氣(003) 逆市上升0.8%,收報12.88元。內房巨企恒大(3333) 計劃每年減債1500億元人民幣,股價逆市彈1.6%,收報13.06元。美國總統特朗普預告未來兩個星期疫情會好得人驚,呢句話投資者亦都不能忽略。
陸羽仁
英倫銀行要求匯控及其他銀行取消派息,似乎係咁嘅意思:
假如剛剛派完息、派完花紅,不久就爆發金融海嘯,响政治層面,政府再去救銀行係會俾人鬧;此外,脫歐後嘅英國政府,而家已經响救援經濟方面花咗唔少錢,銀行出事都未必有能力再救;所以啲銀行响呢一刻,最好留番啲錢鞏固資本
上個月金融市場拋售潮,連傳統避險工具 - 國庫債券及黃金,都曾經一度被拋售,只係剩番CASH is KING,即係資金市場真係好緊張,啲央行唯有又逆回購、又QE,所以要求啲銀行,留番多啲現金旁身,作為穩定金融市場其中一環,都唔出奇。
而家匯控股東除咗畀政府強搶,匯控亦等同畀政府發佢盈警:話佢未來業務太多不穩定因素...
第5點好重要:
英症苦不惜以破壞資本主義制度(干涉私人機構派息)及破壞金融制度(股票除息後竟然撒回派息)去搞匯凶,真正目的係咪要搶匯凶資產(例如迫佢收窄息差,迫佢削債,迫佢借錢畀啲還唔到錢嘅企業...)?如果派咗息畀股東,英症苦點樣搶嘢呢?
唔知太古等等英資,會否喺除息後撒回,重演英政府強搶事件?
匯豐銀行畀英政府迫害呢件事,其實好大鑊。
1. 破壞遊戲規則
政府干涉私人機構派息,違反資本主義制度。
股票除息後竟然撒回派息,破壞金融制度。
2. 顯露英國政府極權
以前大家批評H股及紅籌股經常要為國捐驅(e.g. 386嘅油價,902嘅電價,941及內銀嘅營運,經常被政府干涉),殊不知原來資本主義嘅英國竟比共產國家更橫蠻:迫企業撕毀派息承諾。派咗息(除淨)都夾硬要收番,北京政府都未做得出。
3. 啟示:實例證明"天下烏鴉一樣黑,各國貨幣皆賊船"
4. 疑問:投資者可否控告英政府,要求懲罰性賠償?
有投資者依公司業績及未來派息政策而買入股票,而家被政府強行改變;甚至有人喺2月27日除息前買入匯控,呢啲人如同被政府強行奪去股息,可否集體訴訟(可能英國冇呢樣嘢)?
5. 後着:為英政府"㩒住搶"舖路?
從未見過除咗淨都畀政府迫公司反口違諾,英政府咁做,係咪為咗遲啲向匯控掠奪而舖路?
(利申:我冇持有5仔)
下一隻撕折 .....
80後股民兄: 五爺唔派色, 重.....重唔插呀.......
小貓兄,平平安安上班,健健康康下班
股價有冇加返除淨?
冇就真係海賊 .....
命中註定,有就是有
小貓DLLMCGH
唉.....中國新年數以十萬人回港,先得100單,依家歐美幾千人回港即時淪陷:(
將軍 : 大巿遇壞消息不跌反正要硬頂, 可否叫你班好友頂多一兩千上去, 好讓我著草呢?
我一路講買股票唔係攞嚟收息...
2028...
SIGH...