1~3/4消化沽壓.靜候爆邊

2020/04/01 22:10:53 網誌分類: 經濟
01 Apr
港股回調整固.消化沽壓.儲力向上

港股於3月上旬股災式急瀉尋底期間, 淡友當道, 該時期收市U盤多數係走低, 19/3見底21139, 當20/3春分止跌回升, 轉勢向上, 當天收市U盤就開始頻頻踢高收, 反映好友已奪回主導權, 反覆向上尋頂期間, 偶爾作出調整, 但由於熊肥牛瘦亦限制了下跌空間, 因此港股冇再創新低, 目前熊多牛少, 港股正處於震盪上行階段, 不過往後如見牛牛養肥就要小心

中港美股市及QQ同步見短頂, 今次反彈浪上証已於27/3見頂2805, 26/3道指22595見頂, 港股亦於27/3高見23791/9638打回頭, 指標股QQ亦企唔穩$390掉頭向下, 中港股市通常係同步見底頂, 所以中港美三地股市亦同步作出回吐, 踏入4月就跌下彈下再等消息走出方向, 4月初插穿22800見買盤承接, 由於恒指周波幅閒閒地都有千點, 所以後市有望向上突破23800來擴大月波幅, 不過再上就阻力重重, 24000.24300.24800....

3月股災月恒指月波幅高達5666點, 點跌落黎就點彈番上去, 4月波幅就算收窄, 有2000~3000點月波幅都不足為奇, 22800+2000~3000點月波幅的話, 就會上24800, 不過呢個水平係股災下跌裂口區, 阻力非輕,

後市如要上24000大位必需要上証破頂.人民幣走強或肥熊配合, 否則難以上企, 每次港股作出調整都係跟住上証, 當上証見底, 港股亦會同步見底, 回顧3月中上証企2800樓上, 恒指就在24000水平, 上証企2900樓上, 恒指就在24500水平, 只要上証重拾升軌, 向上突破, 就會推動港股更上一層樓, 當人民幣轉強, 中港股市就會生猛晒

近來港股多次插穿10天線即彈, 恒指後市如失守10天線係第一個警號, 如全數回補25/3上升裂口至22753就係第二個警號, 如跌穿22500落去回補22064~22383就代表港股反彈浪完結, 所以好友必需要守住22500~22800, 然後推上23500才能脫險

由19/3低位21139反彈至27/3高位23791, 累計大幅反彈2652點, 剛好反彈了29175碌落山跌幅的三分一, 獲利盤出籠, 要消化沽壓後才能再上

近來當RSI升抵50關口, 港股就腳軟, 因為早前RSI上到50~55呢個水平港股就反艇, 不過如恒指收23500整數關口之上3~5天, 淡友就要小心有資金入市, 動力或會增強

市強回吐600~800點就會反彈, 市弱嘔1000~1200點(下試22800水平), 由27/3高位23791跌至2/4低位22756, 累計下跌1035點, 剛好進入調整目標範圍, 如確認見短底, 按照慣性走勢, 試完底就會再沖頂, 沖頂打回頭就要再試底

斬倉/洗倉/贖回潮已暫告一段落, 目前股市正處尋頂階段, 百年一遇的肺炎疫情大爆發導致全球股災, 迎來破天荒史上規模最大的救市措施, 淡友當然縮手, 好友奪回主導權炒反彈

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

1/4周三恒指收23085, 急挫517點

日升日跌.不進則退.向下爆邊.回補裂口,消化沽壓.美元強勢.人仔弱雞

昨日分析指出23000~23800等消息爆邊, 結果英國賊佬匯控騙財騙息成為港股向下爆邊催化劑, 令本周收跌機會大增, 今日恒指低見22947, 看來明日會繼續回補25/3的上升裂口(22753~23062), 因為按照慣性走勢, 周四或五係創周低位的時間窗口, 即係要隊穿今日低位22947向下擴大周及月波幅, 不過近日老外掃A股, 大媽掃港股, 對港股低位構成支持力, 唔少優質股於股災時遭斬倉/洗倉跌過籠, 價值投資者趁機低吸, 只要收市守得住23000水平, 反彈浪未完

3月股災暴跌, 恐慌性拋售導致跌過龍, 一般來說, 股市不會長期在筍價區, 當有利好消息就會炒番上去, 拋離筍價區, 水浸市場, 無論價值投資者.熱錢抑或大鱷都趁低吸納

如未來幾日向下爆邊, 周五就會收23484之下, 本周收跌收陰, 不過就算收跌都唔緊要, 本周消化沽壓收跌, 下周反而有望收升, 以一般周波幅800~1000點來看, 下周一係上破23500, 一係下試22500, 明日起港股通因清明假期關閉, QQ及內銀冇左大媽條水喉

肺炎疫情不斷惡化, 近期有近900億美元從新興市場流出, 可能係港股彈散的原因之一, 匯市係影響港股升跌的主力, 日前美元落到98拗腰重拾升軌, 上攻100大關, 人仔轉弱, 中港股市隨即見頂回落, 頻頻彈散, 如美元升勢持續, 港股就危, 當人仔轉強, 港股向上動力就會增強

~~~~~~~~~~~~~~~~~~~~~~~~~~~~~~~~~

一雞死.一雞鳴

英倫銀行透過審慎監管局發出的書面通知,要求匯控取消派發2019年第4次股息, 英國其他銀行集團亦接獲類似要求, 真係晴天霹靂, 股民心碎了, 匯控當然要捱沽啦! 匯控收$39.95, 急瀉$4.2(-9.51%), 近最低位$39.8收市, 權重股匯控死左, 反而利好其他高息金融股, 因為大戶或長期投資者沽出匯控換馬其他金融股

美國肺炎及美股牛轉熊引發全球股災, 經濟衰退, 百業蕭條, 多國封關停擺, 銀行係百業之母, 當然首當其衝, 盈利大受打擊, 削減派息係理所當然, 美元走強, 人民幣跌127點子, 收7.1058, 人仔走弱亦係港股下跌元兇之一, 要等人仔再度上升, 港股才有力上

早前洗倉潮港股暴跌, 恒指即市波幅逾千點, 近來波幅略為收窄, 即市波幅約400~600點, 港股跌勢已喘定, 看來已找到平衡點, 所以近來一直咬住23000/9500唔放, 今日大媽掃工建行, 可能係預期降準, 另外亦掃入匯控, 後市要看大媽會否再入QQ及內銀來托市,

恒指23000股值吸引, 近來每次插穿都見買盤趁低吸納, 港股在23000及10天線穿梭, 消化急升後的獲利沽壓, 大鱷似乎等20天線由24000一路下移至低水平, 到時想收復就容易得多, 港股日升日跌, 令股民無所適從企錯邊, 大鱷就可好淡通殺, 自從17/2見頂28055展開股災式大跌浪以來, 恒指例牌彈散, 升1天後翌日又跌過, 只得一次破例, 就係見底21139後試過連升兩天, 當大市出現連升或連跌, 就代表該方已取得主導權

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

2/4 周四恒指收23280, 升194點, 力守10天線

恒指低見22756, 已回補25/3大部份的上升裂口(22753~23062), 尚餘少許裂口未回補是後患, 不過今日恒指走勢靚, 一插即彈, 倒升收市, 好友力撐大市, 如已見底, 就會再沖頂, 挑戰前高位23791, 暫時唔會落山補裂口, 今日國指率先收復20天線, 預示恒指亦會跟隨

27/3第一次挑戰23800試水溫後掉頭再試底, 今日試完底22756後倒升, 利好, 月波幅遠遠未達標, 仍有上升空間, 繼續買上, 博上23800~24000

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

3/4 周五恒指收23236, 跌44點, 先低後高收窄跌幅呈陽燭, 力守10天線

恒指日升日跌, 今日跌, 代表下周一輪到收升, 消化沽壓後再上, 10天線繼續上移, 不進則退, 如果好友想保住10天線就要再上攻, 第一個阻力在23500水平, 再上就係前頂23800~24000, 匯控失寵, 油股復活接力撐市, 國指已連續兩日企穩20天線, 恒指有望追落後, 收復20天線的話, 逼淡友回補空倉, 就可進一步推高大市

2月下旬起老外狂沽A, 令中港股市急瀉, 不過由24/3起, 老外密密掃A股, 上証亦在19/3觸底2646展開反彈浪, 推動港股向上, 換句話說, 只要上証不破底, 港股亦不會破底, 當中港股市完成調整, 就會齊齊破頂而上

今日港股成交及即市波幅急降, 大龍鳳先兆, 下周一會有好戲上演, 阿爺於港股收市後宣佈定向降準支撐城商銀行, 閉關的湖北武漢市將於周三(8/4)解封, 亦利好市場氣氛

人仔今日反彈, 港股一插即彈, 跌幅隨即收窄, 下周一清明假期內地休市, 港股自由行, 冇左上証制肘, 大鱷點玩都得, 大鱷繼續於收市U盤踢高港股, 必有所圖, 大鱷近來已吃了3口牛, 如反彈浪未完, 就不應再落山繼續屠牛, 要踢番上去吸引買盤追入, 逼淡友回補空倉, 港股就可更上一層樓, 美元強勢重上100水平, 要留意內地假期復市後人仔表現, 係港股升跌關鍵, 人仔強, 港股好

==========================

試完底.再沖頂

近來港股跟唔足美股大瀉, 可能係因為美股今年才踏入熊市, 而港股於2018年一月見大頂後已牛轉熊, 現時港股已經係熊尾, 股值已跌至吸引水平, 23000樓下亦見買盤趁低吸納, 3月港股暴跌, 物極必反, 4月有救市放水撐, 加上油價止跌回升亦利好股市, 只要再冇黑天鵝, 4月份港股有望收升,

上周恒指見頂23791那天, 成交唔算好大, 唔似散水, 可能只係短炒好友食胡, 當天上証見頂2805, 中港股市係同步見頂回落, 今日上証收2764, 跌16點, 與港股同樣係日升日跌, 消化沽壓, 儲力向上, 近日上証咬住2700唔放, 恒指亦咬住22800~23000, 同樣係跌唔落, 以月波幅計, 上証及港股都要破頂來擴大月波幅,

一如我在過去幾日的收市總結所說, 3月尾大鱷見月波幅已超標, 就索性忍忍手, 留番4月才踢上去, 當時20天線在24000樓上的高水平, 所以近來大鱷就玩跌下彈下養牛熊, 好淡通殺, 因為要等20天線下移, 等好消息推動就可上企, 到時就可逼基金及股民追貨, 亦可乘機挾淡

回顧今日港股即市圖, 係拋到失暈, 令人無所適從, 不斷跌下彈下養牛熊, 結果係無輪遠近熊都愈養愈肥, 熊多牛少, 趁回吐入貨買上

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏