吹高油價

油價變局 等回吐吸
2020年04月06日

　　上周五港股跌43點冇乜變動，外圍美股因為就業數據不理想走弱，杜指下跌360點。近日港股沒有跟足美國跌幅，主要是受內地股市影響。

　　於上周五收市後，內地公佈再度宣佈對中小銀行實施定向降準，同時下調金融機構在央行的超額存款準備金利率。是次降準是針對在省級行政區內經營的商業銀行，以及農村信用社等金融機構。

　　降準會在4月15日及5月15日實施，每次降低0.5個百分點，共釋放4000億元人民幣資金。大家可能沒有留意，中國在抗疫期間，大型內銀股股價沒有大跌，但中小型銀行股由於資產質素惡化大插。例如甘肅銀行(2139) 上周三便出現斷崖式暴跌，開市報1.2元，低見0.58元，跌幅超過50%，當日收報0.65元，甘肅銀行上周五略為反彈至0.68元，全周累跌超過43%！

　　定向降準 扶城商行

　　甘肅銀行暴跌，主因上周二公佈的去年業績不理想。淨利息收入受到業務結構、市場競爭和資金成本上升等影響，按年下跌25.8%，至52.9億元人民幣。同時資產質量下降，減值43.1億元，按年升1.2倍；淨利潤按年減少85%，至5.1億元；不良貸款率升至2.45%，按年增加0.16個百分點；資本充足率11.8%，按年減少1.7個百分點。

　　由於資產質素惡化，甘肅銀行為補充核心的一級資本，打算公開發行不超過37.5億股內資股和1.25億股H股，募資100億元。由於大量批股集資，令甘肅銀行急跌，拖累其他城商銀行遭到大幅拋售。

　　阿爺今次的定向降準，等如放水支撐城商銀行。由於不是全面降準。消息公佈後，夜期初段跌55點，沒有太大變化。城商銀行的出現債務危機，有阿爺定向降準支撐，反映阿爺不再大水漫灌，而是推出比較細緻的放水政策，具體支援有需要的環節。

　　這場百年一遇的傳染病大流行，究竟會對經濟有甚麼影響，現時還是言之尚早。已有很多人開始估計，美國經濟可能不止衰退，而是去到大蕭條前夕。國際貨幣基金組織(IMF)上周五對全球經濟作出比較悲觀預測。

　　新興市場 流失900億美元

　　國基會總裁格奧爾基耶娃表示，新冠肺炎疫情導致全球經濟衰退，對新興市場及發展中經濟體打擊更甚，她們缺少保護自己的資源，國家衛生系統亦薄弱。近期便有近900億美元，從新興市場流出，比全球金融危機時多很多。一些國家高度依賴商品出口，現時價格正在崩潰。國基會特別撥出一萬億美元專款，以支撐環球各國經濟，現時已有九十多個國家，向國基會申請資金。

　　格奧爾基耶娃強調，緊急資金應優先支付衛生系統開銷，保護最脆弱的公司及工人，希望消減目前已出現大量破產失業的高風險。她同時呼籲，雙邊債務中的貸款方在經濟停滯的同時，暫停債務追償。新冠肺炎疫情對全球經濟衝擊史無前例，由於歐美疫情，特別是美國疫情完全未受控，究竟衝擊有多深，下一波會否在印度這些人口龐大的國家大爆發，仍是未知之數，未來潛在危險仍然不低。

　　股東維權 滙控受壓

　　講到近期對港股的衝擊，以滙控(005) 不派息事件影響最大，由於滙控股價早前已開始下跌，當股息升上七厘以上之後，令很多想買滙控博收高息的股民紛紛追入。滙控公佈業績後，仍公開表示未來兩年會維持派息，進一步加強市民追入信心。誰料滙控突然應英國監管機構要求停止派息，連已經宣佈會派發的第四次末期息都取消埋，惹起股東極度不滿。小股東發起的「滙豐小股東權益大聯盟」希望籌集足夠股東，要求召開特別股東大會和入稟高院控告滙控違反承諾。大聯盟提出三大訴求：第一，兌現承諾派末期息；第二，提供以股代息選擇；第三，停發董事袍金一年。

　　對於滙控小股東要求，其中的以股代息，概念上有點偏差。通常滙控在派息時，也提出「以股代息」的選擇，即不收現金利息，改為收取相應股份。現時滙控不派息，便不存在用股票代替現金選項。小股東應該要求滙控派紅股，例如二十送一。送紅股的要求，滙控未必不接受，因為不涉及現金支出，多發股份會把股份權益攤薄，只屬數字遊戲，只是讓小股東感覺好一些而已，理論上不違反英國不派息的監管要求。

　　小股東咁搞法，令滙控有點壓力。香港無乜牙力，如果香港係美國或歐盟，隨時法庭可以判，你在英國可以不派息，但在香港要派，起碼要派宣佈咗嘅第四期股息，講咗就要派。

　　不止香港滙控股東面對這種慘況，強如股神巴菲特也中招。去年四月，股神旗下的巴郡，投資西方石油公司100億美元，換取西方石油公司的特別股，巴郡每年收取8厘股息。不幸的是國際油價暴跌，令到石油股急挫，西方石油公司股價變了自由落體，今年以來大跌72%，成間公司市值跌至只剩100億美元，支付巴郡的特別股息等於西方石油8%的市值。現時大家都估計西方石油應該無錢派息畀股神，其中一個可能是用發新股方式，去代替那發給股神的8億美元特別股息。股神投資西方石油的100億美元已不見七成，現在更收不到利息，強如股神也「無計」，只能谷住一肚氣。

　　石油之戰 存在變數

　　在跌市中買股，要做最壞打算。第一，要看公司會否執笠。我們要分析一下，公司是否能夠捱過這場大浪，會否執笠？所有的私人公司，都有機會執笠。內地國企特別係央企，理論上有阿爺「照住」，應該沒有執笠風險；第二，要看公司在疫情後能否全面回復盈利能力。航空公司生意在疫情過後，理應較快可以回復正常，問題是能否有足夠資金捱過難關。銀行情況會差一些，由於疫情帶來的減息和量寬潮，不是那麼快再停止，在減息的大環境下，靠賺息差和有大筆現金作投資的銀行回報會快速減少，大型銀行股有幾年要捱。

　　油價也出現變局，美國總統特朗普上周四在Twiiter上說：「剛與我的朋友沙特皇儲通話，他剛與俄羅斯總統普京談過。我估計和希望他們會每日削減1000萬桶石油，可能會更多，如果發生的話，將會對油氣工業非常好！」他之後在Twitter補充，可能減產量達每日1500萬桶。

　　油股石化股 見回吐吸納

　　特朗普一講完，當日令國際油價急彈，紐約期油在短短15分鐘內，由每桶22美元跳升至27美元上方，勁升23.3%。紐約期油上周四收報25.32美元，全日升24.7%，創出歷來最大單日升幅。去到上周五期油再急升，收報29美元。

　　特朗普講話雖然係出口術，但透露他開始向沙特發功。雖然俄羅斯總統普京一度否認同沙特皇儲通過電話，但他於上周五在有關全球能源市場局勢的會議上說，俄羅斯認為全球石油產量每日可以減產約1000萬桶，但這應該「合作進行」，暗示美國要加入減產。

　　油組+代表預計於今日舉行的影像會議，就每日減產1000萬桶進行討論。大家不要以為馬上可以達成協議，因為美國不太願意減產。由反枱到重新開會，令人期望拗一輪會有協議，油價即使不會一條氣升，也很難跌得太深。

　　今日油價會升，但過兩日可能會回，等回吐時就是吸納石油、石化股的好時機，畢竟9厘、10厘息的股份，都係因為股價跌得太殘所致。

　　陸羽仁

歐美央行的呼吸Plan
2020年04月06日

　　全球上星期忙於救人兼救市，港股收市後，內地宣佈對中小銀行定向降準。

　　美國確診人數上升速度確實幾得人驚，加上美國3月非農職位大減70.1萬個，拖累美股跌幅加劇，杜指曾挫550點。杜指上周五受壓，收報21052點，跌360點；標指收報2488點，跌38點；納指收報7373點，跌114點。

　　內地降準加入放水行列

　　美國再刷新單日新增確診紀錄，白宮表示，任何預計將與總統特朗普及副總統彭斯有緊密接觸的人，即日起都必須接受新冠病毒測試；目的是要更好地評估風險，以確保無症狀或有症狀的患者不會無意中播毒。

　　除疫情外，特朗普同時急救油價，由於憧憬周一油組開會談判有進展，紐約期油上周五再升逾11%，一周累升超過3成。如果油市減產能夠成功，減低頁岩油商爆煲風險，對穩定美股都有相當大作用。

　　外圍七國咁亂，內地雖然控住疫情，有時間關注經濟，人行宣佈定向降準1個百分點，分兩次實施，分別在4月15日及5月15日實施，每次降準0.5個百分點，預計釋放長期資金約4000億元人民幣。另外，人行決定下星期二(7日)起，將金融機構在央行超額存款準備金利率，由0.72%，大幅下調至0.35%，減幅達37個基點。

　　據人行解釋，降準係為支持實體經濟發展，促進加大對中小微企業的支持力度，降低社會融資實際成本，降準會於4月15日和5月15日分兩次實施到位，每次下調0.5個百分點。同歐美大力放水相比，內地降準做法只係開條小水喉。

　　國企穩陣吸引資金流入

　　隨著歐美「唧牙膏」式抗疫，社會運作漸進式停擺，拖延時間反而更長，央行就好似醫院提供呼吸機咁，要不斷為經濟打氣，估計各國央行會陸續推刺激同支援措施，最後可能好似本地發展商為新盤買家提供按揭，只要識呼吸都收到或多或少的援助。世界各國都向國民同企業提供呼吸Plan，同樣會為中央振興災後經濟提供空間，所以上星期見到資金湧入龍頭巨企好似三桶油、中移動(941) 這類資金充裕的公司。

　　歐美救市快過救人，搞到疫情擴散，不過，美國股市喺大水撐市下，上星期並無跟從染疫人數急升而大插。有中環茶友引用Elizabeth Kubler-Ross著名的心理學理論。這位心理學家觀察了很多臨終病人後，寫了一本叫《論死亡與臨終》的書中，提出病人面對死亡時內心經歷的五個階段：最先是否認，否認即將面對死亡；然後是憤怒，對於死亡為何會降臨自己身上感到憤怒；跟着就是想討價還價，跟神或上天就死亡討價還價；下一步是抑鬱，發覺一切無望而抑鬱；最後是接受，面對並接受死亡。

　　有意思的是，心理學家發現這五部曲不是每一個臨終病人都會完全經歷，有些只經歷部份階段。用這個分析套用在美國人和美國政府抗疫上，最初美國政府不想接受經濟受疫情衝擊，於是否認會受病毒威脅，之後當染病人數增加，特朗普就表達憤怒，把矛頭指向中國。現在美國人似乎相當抑鬱，關鍵在於是否開始進入接受無法抵抗疫情的階段。

　　美國人逐步接受死得人多

　　從股市反應觀察，美股企喺21000點樓上，而且好似相當穩陣，是否等於已經接受美國將會死二十萬人的可能，準備在付出這個代價後重新出發。如果是的話，美股在上一浪插到19000點可能就已經見底，否則就會有另一浪的崩塌。中央銀行不斷放水，提供呼吸Plan，等待公眾接受大量民眾死亡的現實，好明顯就是想做到這個效果，捱過疫潮的高峰期。

　　滙控撤息 辣㷫股東怒火難熄

　　滙控(005) 上星期宣佈撤息，原來宣派的股息都取消，消息令香港股東既憤怒又震撼，據聞連滙控香港的高層都覺得有好大影響，因為好多客戶都有買滙控股票，談起前景管理層都以派高息作為定心丸，現在突然「息即是空」，試問怎向客戶交代？

　　股東憤怒之餘，痛斥雖然英國政府要求銀行不派息，但至少可以派股彌補一下，為甚麼沒有這個想法呢？認為董事局欠股東一個交代，因此有人期望有基金大戶能夠出來帶頭討回公道。

　　現時除了外資基金和本地散戶，中國平安(2318) 是集團第二大股東，外界都觀望平保會否為香港及內地股東出聲。有股東直言，董事局之前應承派息，除淨後才改變決定，平保持有大量股份，甚至考慮狀告董事局要求賠償。有憤怒的股東甚至提出，如果董事局不改為派股補償，又沒有合理解釋，平保可以提出將董事局炒魷，相信好多股東都會支持，看來股東今次息變空撻着了的怒火，唔係咁易就可以淋熄。

　　陸羽仁

https://www.youtube.com/watch?v=X5Idd-IDW-g

《天若有情》（英文：A Moment of Romance）是一部於1990年上映的香港電影，為陳木勝導演的電影處女作，杜琪峯監製，由劉德華、吳倩蓮 內容描述一名非法賽車手與千金小姐之間的愛情故事，堪稱經典。

真的

陸sir 你好

請問油價短中線點睇？

我因為朋友叫到之下都算4.3重注左 3175 

講真，依家升上黎有D驚... 見美國再升，油價呢次彈上行情可以睇幾多？

星期一係咪食下糊先好d

Thank you

Tom

中原城市領先指數 CCL

---

日期 Date	中原城市領先指數 CCL (所有成份屋苑)
2020/03/23 - 2020/03/29	175.51
2020/03/16 - 2020/03/22	175.56
2020/03/09 - 2020/03/15	175.41

2028...

SIGH...

2028...

SIGH...

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大，杜指跌66點，趁住市靜少少，我又無咁忙，答一答問題。

      近日經常有人貼我在2012年的舊文，質疑我在當年話樓貴，他們問我兩個問題，1. 點解「股平樓貴難永續」(當日文章的題)?  2. 2012年樓市是高還是低？

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升，兩者不會出現這麼大的差價，差價終將拉近。邏輯上之後會出現三種可能，第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況，2012年樓價，以中原城市領先指數計，當年年中上升到110，比97年高位還要高。但當日恒生地產分類指數只有25000點左右。到今天中原指數升到159，地產分類指數升到36326點，中原指數升咗44.5%，地產指數升了45.3%，兩者升幅相當接近。

        唔買樓買地產股一樣升。你可以駁我買樓有槓桿，買股唔借錢無槓桿，呢樣確實係。你又可以駁我細價樓升幅比大價樓多，中原指數不完全反映現實。呢樣亦係，不過若你咁唔好彩走去買豪宅，或者新樓貴貴單位，而家比2012年跌了要蝕讓的大有樓在。

        我當日想講兩個觀點，第一是2012年樓價是高(這是第二個問題的答案，今天仍然覺得如此，不是今天更高，當日便不是高，樓價高低從租金收益率可以看到)。第二是有其他替代投資。

        第一點針對「自住的我」，第二點針對「投資的我」。先講第二點「投資的我」，這個世界有很多投資目標，不買本地港島樓去投資其他東西，可以買股票，也可以買其他地方的樓，如大陸樓，這就是所謂替代投資。最笨的如買我經常講的越秀房地產(405)，每年派7厘息，2012年中3.6元，如今5元，賺價39%，加埋每年7%息，夾埋5年有70%以上回報，唔係好失禮。

        其餘如2008年、2009年我都幾經常講在大陸買樓，在2008年廣州市區天河樓1000元人仔一呎，即使到2012年也是1200、1300元人仔一呎，如今是5000元一呎，當然亦唔係咁多人買咗，我唔好講咁多，費事俾人媽我。不過對唔住，我自己過去幾年無在香港買樓，不過在大陸在倫敦買了樓，回報也不俗。所以覺得香港呢度樓貴，唔買有乜咁出奇。

        講番第一點針對「自住的我」，雖然我當日主要針對投資者，無叫人自住唔好買，我對自住用家買樓的問題都通常答案是「量力而為」，但如果你當日追問我，我會認為自住其實亦都唔太建議買。原因好簡單，我當日已覺得樓價貴，若財力唔夠夾硬去買，咁就咪制啦。

        我的心只想叫大家「控制風險」，自住樓也是長線投資，咁貴買風險幾高(今天係好高，明天可以係極高)。我見過1997年、2003年樓價大跌，好多人買了樓輸身家的慘況，有人被銀行斬倉，有人收入高頂得順，也供了20年貴樓，到今天才剛剛供完，20年收入主要拿了去供樓，特別是下跌之初頭5年，供貴樓搞到自怨自艾，搞到家嘈屋閉。所以我就扮晒巴菲特，叫大家不一定要買貴嘢。我年紀大啲，乜都見過，難免保守。

        講多兩句巴菲特，佢投資的基本點是不買貴嘢。但不冒風險不買貴嘢，貴嘢繼續升，提建議者會俾人鬧。巴菲特係芬佬，佢話試過唔買貴嘢，佢的巴郡表現跑輸大市，俾客戶日日鬧，又要沽佢隻股贖回投資，佢壓力好大，搞到電話都唔敢聽，捱幾年先至捱得過。

       都係唔好扮晒股神，我同巴菲特唔同，佢叻啲，我蠢啲。但佢搞基金怕客戶沽貨，我只係在免費網站吹吓水，無咁大壓力。我呢啲投資建議，你覺得啱睇可以睇，覺得唔啱睇可以咪睇，兩不相欠，相當自由。

//

2012年樓市是高還是低？

2028...

SIGH...

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續（下集）
2012-07-16
      
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

        不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

        大戶操控詮釋權

        股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

        上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

        第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

        投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

        投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

        第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

        這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

        散戶買股難長獱

        當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

        前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

        第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

        有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

        靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。

      股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。

      網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」

      沽樓買股受重創

      「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」

      他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」

      「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。

      第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？

      若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。

      第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。

      長揸平貨是正道

      第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。

      第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。

      最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。

      陸羽仁

黃屍泛民和理非曱甴暴徒乞醫護，你們老闆叫你們無口罩用圍巾🧣因為夠厚, 囗罩放入焗爐焗一焗可以重用呀！

你們耻笑蔣麗芸=耻笑不忠于你們老闆呀,唔使旨意拿獎金😏😏

https://media.bastillepost.com/wp-content/uploads/blogger/2020/04/TRUMP2-e1585882656273.jpe

補習廣告算唔算？

壞消息來吧......

匯控 vs 中石化、中海油

2020年04月03日 (09:02 上午)