6~7/4 回調訊號

港股向上突破大舉屠熊, 繼續尋頂

6/4 周一恒指收23749, 大升513點, 收復20天線

按照慣性走勢, 收升周的高位不會在周一出現, 預示本周會升穿今日高位23833續創新高, 向上擴大周波幅及屠熊, 不過當RSI上到55就要留神, 要試多幾次才能上企, 如能突破, 下一浪RSI就會上70

中港股市相關系數高, 港股不能獨自去偷歡, 要上証殺上2800, 港股才能登上高峰, 回顧3月中上証企2800樓上, 恒指就在24000水平, 上証企2900樓上, 恒指就在24500水平, 

7/4周二恒指收24253, 急升504點, 大舉屠熊, 連升兩天慎防回吐

人民幣+大媽(互聯互通)+上証表現, 呢三個主要測市指標可作為即市的快速估市工具

美元急跌一度失守100大關, 人民幣連升3天, 收市升353點子報7.0550

大媽(互聯互通)沽貨, 最弊係沽權重股QQ, 不過整體仍錄得少量資金凈流入
老外(互聯互通)大手掃A股, 資金凈流入為兩個月以來最多

上証大成交破頂, 升穿27/3高位2805, 高見2823, 恒指昨日趁內地休市偷步破頂後今日續升, 好友大鱷又勝一仗

上述三個主要測市指標都向好, 所以今日港股爆上24000, 收市升504點, 不過昨日已升513點, 兩日合共升逾千點, 已經夠水位俾大鱷轉身, 短炒一周期權的好友大鱷亦可能會食胡, 因為周波幅近千點已達標, 下一個阻力整數關口24500/10000, 12/3下跌裂口24657~25140及9817~10019阻力非輕, 港股連續兩日急升, 升勢過急, 挾淡味濃, 今晚夜期收跌, 短炒好友可能食胡, 過去兩個月恒指兩連升後例跌, 未見過連升三天

恒指好少全周日日升或日日跌, 本周已連升兩天, 加上復活節長假期效應, 疫情變化難料, 美股亦禍福難料, 以及港股近日升幅龐大, 要慎防有回吐, 即係未來兩天不會全升, 今日大媽走貨套現未知是否和港股復活節休市兩天有關,

~~~~~~~~~~~~~~~~~~~~~~~~~~~~~~~~~~~

如果4月係收升, 大鱷亦未必肯花子彈由月初一路升到月尾結算, 亦可能要回氣, 如市強就會係即市調整或收市跌幅少過200點, 如跌幅太大就要小心大市已見短頂, 不過收升月多數會在該月下旬才創即月高位, 目前RSI已升抵55樓上的高危水平, 小心大市會作出調整, 本周突破23800升多一浸, 加500點就會見24300, 今日高見24262, 如作出回吐, 理應守住23800

目前24300樓上只得瘦熊, 恒指如想上企24500必需要有肥熊+上証企2900+人民幣走強配合

有部分歐洲國家透露或會由下星期起逐步放寬抗疫措施, 反映肺炎疫情紓緩, 疫苗開發亦露曙光, 市場風險胃納上升, 外圍股市亦造好, 反映資金流利好股市, 不過普遍分析都認為只係熊市大反彈, 見好要收割, 要慎防有突發利淡消息引發調整, 因為熱錢出入極快速

大媽沽QQ利淡, QQ總裁上周亦沽出QQ, 如QQ受制於$390亦會壓住大市, 產油國將會在復活節開會的不明朗因素亦是股市的陰霾

今次係中港美三地股市同步破頂, 所以當中美股市見頂, 港股亦會跟隨見頂回落, 可能要消化沽壓, 拖到4月下旬再上24500

================================

後市如要企穩24000大位必需要上証突破2850殺上去2900.人民幣走強或有肥熊配合, 但今日收24253, 上証仍在2850樓下, 貼價熊亦不多,可能要磨下, 暫時唔上24500

由19/3低位21139反彈至今日高位24262, 累計大幅反彈3123點, 已反彈了29175碌落山跌幅的近四成, 獲利盤及蟹貨出籠, 要消化沽壓後才能再上

早前RSI上到50~55呢個水平港股就反艇, 今日9RSI已經近60, 代表港股已到達高危區, 港股10天線剛升穿20天線, 出現黃金交叉利好訊號, 小心出金叉反而會見沽壓, 市強回吐600~800點就會反彈, 如未見短頂, 跌一日又會再升過