15~16/4 日升日跌, 好淡通殺

2020/04/15 18:43:26 網誌分類: 經濟

15 Apr

港股沖頂回落, 高開低收, 單日轉向呈陰燭,

15/4 周三恒指收24145, 跌290點,

恒指創即月新高24603後倒跌收場, 皆因美期下跌, 港股偷步跟隨下挫, 今次反彈浪大鱷係不斷玩變臉, 跌下彈下, 唔會長時間走單邊, 日前已說小心明明升得好地地都會突然大插, 所以無論造好造淡, 持倉過夜要小心,

其實今日港股收跌問題不大, 周五才是升跌關鍵, 如能收24300/24347本周就收陽收升, 按照慣性走勢, 自從3月觸底反彈以來, 恒指每次回吐, 往後都能破頂並創新高, 震走好友, 吸引淡友入局, 又會再升過

現時普遍分析都上望25000樓上, 量度升幅可見25500, 但依家才是月中, 我估大鱷亦不急於本周就殺上去, 否則就要花很多子彈才能托住高位到結算, 而且升抵反彈目標股民全面沽貨食胡的話, 往後就好難做到頂部上移的利好形態, 所以大鱷就用拖字訣玩跌下彈下, 陰D陰D推高大市, 畢竟12/3下跌裂口24657~25140阻力非輕, 要消化沽壓後才能突破

恒指觸底21139反彈以來, 跌1天後翌日例彈, 未見過連跌兩天, 而過去一個月最多連跌兩天即彈, 未見過三連跌, 自從7/4收復24000大關, 只係試過1天收於其下, 翌日即彈, 反映好友於未見頂前就力守24000水平, 如果明日續跌亦不打緊, 因為周四五恒指好少連升或連跌, 通常係1升1跌

大媽近來密密沽貨, 內銀內險弱雞亦拖低大市, 近來港股每次回吐都見買盤吸貨, 企業回購及配股活動亦撐住大市, 過去一個月配股活動明顯增加, 所以港股往往係一插即彈, 肺炎疫情亦有放緩跡象, 疫苗亦已進入臨床階段, 都係利好消息

美元守住98反彈重上99.5水平, 人民幣走弱收跌拖低大市, 除了QQ影響大市外, 港股升跌幅度就要睇國指(內銀)以及地產板塊強弱, 要呢兩個板塊走強, 港股才有上升動力

~~~~~~~~~~~~~~~~~~~~~~~~~~~~~~~~~~

港股成敗在QQ

按照慣性走勢, 明日要插穿今日低位24090來擴大周波幅, 自從港股收復10天線以來, 好友一直力守, 目前10天線在23860/9671, 估計本周好友不會輕易放手, 按照慣性走勢, 當完成調整就會急彈挾淡, 收復失地及破頂而上

由於恒指月波幅仍未達標, 加上收升月的下旬多數會創即月高位, 所以未見頂前應市策略係候低買上, 如造淡亦只係即日鮮不過夜,

好友想殺上去24800~25000來擴大月波幅的話, 就要克服12/3下跌裂口24657~25140, 按照大鱷的一貫作風, 就會係藉著利好消息失驚無神大裂口高開, 又或者突然急升挾淡, 逼淡友回補空倉, 幫手推高大市, 如見收於10天線之下就係第一個警號, 失守24000就係第二個警號, 好友可能已食胡鬆人

今日恒指沖高回落, 如見短頂作出調整, 市強最多嘔800點就要見23800水平, 嘔千點見23600, 假設今個月係收升月, 好友就不會容許插穿上月收市位23603, 目前牛熊都愈養愈肥, 不過目前係熊多牛少

AH股相關系數高, 港股表現就要看上証能否守得住2800大關, 以及能否突破2850阻力位, VHSI恒指恐慌指數雖然以全日最高位收, 但卻是下跌0.76%, 唔似走鬼, 反而似係消化沽壓的正常調整

過去一個月港股的反彈浪係由QQ領軍, 皆因資金泊入受經濟衰退影響較細的科技股, 新經濟股成撐市功臣, 所以港股大跌但QQ企定定, 今日收市冇升跌, 跑贏大市, 由3/4起QQ底部不斷上移, 買盤強勁, 近日終於上企阻力位$390, 係一大突破, 要看好友會否繼續利用QQ推高大市, 如能上企$400就可推動港股更上一層樓, 只要守住今日低位$395, 上升勢頭不變, QQ強, 港股不會差, 不過當QQ見頂, 港股就見頂

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

港股連跌兩天, 回調整固.消化沽壓.儲力向上

16/4周四恒指收24006, 跌138點, 力守10天線

月中係回吐的時間窗口, 今日港股繼續回吐係好事, 消化沽壓後就可再上攻, 因為下周就要部署結算位, 4月玩左10日, 結果係5升5跌, 絕不會是巧合, 係大鱷佈局, 想股民企錯邊, 好淡通殺, 震牛引熊反覆上攻,

今日指標股QQ突然見多宗大手買盤, 極為罕見, QQ創近期新高係利好訊號, QQ破頂, 代表港股亦會跟隨破頂24603, 向上擴大月波幅, 過去半個月港股以跌下彈下的方式來尋頂, 頂部陰D陰D上移, 一路升一路養牛熊

今個月仲有9個交易日, 假設4月係收升, 即係4月下旬會有新高, 會突破前頂24603, 所以我今日入貨, 應市策略係造好, 候低買上不造淡過夜, 博4月有好友睇場, 守住23800~24000, 亦博阿爺守護A股, 上証早晚會突破2850阻力位, 今日恒指24000及上証2800同步失而復得, 好友健在,

今早創低位23854, 一插即彈, 其後一路掃高, 尾市創即市高位, 違反慣性走勢, 因為市弱收跌多數係午後創即市低位, 但今日卻是反常地尾市創即市高位, 跌市但全日呈先低後高的利好形態, 代表今日沽壓不大, 而且有買盤趁低吸納, 可能係震倉, 加上10天線已上移至23938, 今日收24006, 為了保住10天線, 看來明日好友要反擊了, 因為按照慣性走勢, 周四五不會連升或連跌, 今日跌, 代表明日升, 不過明日有周末沽壓效應

本周老外日日掃A股, 係利好訊號, 預示上証今個月會突破2850關鍵大位, 不過大媽密密走貨, 反映24500樓上好友有戒心, 買盤感到猶豫, 獲利沽壓加劇, 要等好消息做助力, 買盤增加才能逼退淡友

~~~~~~~~~~~~~~~~~~~~~~~~~~~~~~~~~~

試完底再沖頂

市強恒指回吐600~800點就會反彈, 市弱嘔1000~1200點, 呢兩日已回吐749點, 回調幅度已初步達標, 低位23854一瞬即逝, 急彈重上24000水平, 反映好友仍未放手, 按照慣性走勢, 試完底就會再沖頂, 如沖頂打回頭就要再試底

恒指連跌兩天, 熊熊大幅下移, 按照過去一個月的慣性走勢, 兩連跌後就會急彈, 未見過連跌3天, 明日關鍵位24300/24347, 只要收於其上, 本周收升, 恒指連升兩周, 淡友敗退

本周只得4個交易日, 目前係1升2跌, 通常每周升跌係一半半, 而且自從觸底211139反彈以來, 每周最少升2天, 即係本周尚欠1天升市, 預示明日恒指收升, 會有彈高吃

連續7日跑輸恒指的國指今日突然轉強, 可能有買盤趁低吸納, 逆向ETF#7500連續兩日入五大沽空榜, 預示港股不會深潛, 將會有反彈, 港股連跌兩日, 但VHSI恒指恐慌指數只係小幅上升, 唔驚啵!

周五(17/4)內地公布首季GDP數據, 市場預期數據差

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$