(河馬仔賽馬專欄)2020/04/19

2020/04/19 01:35:39 網誌分類: 賽馬

19 Apr

兩季累績 : - $205729

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

無論如何，就算個山幾高，愚公總有一日移到座山，而今次選第七場3班千二米呢。

9「連利福將」知佢唔係乜野特別三班高手，但部署又真係算有心機，而近幾場未知是否騎者發揮關係，覺得隻馬一跑個馬頭到處擺，有時用紹哥發揮有時與別不同，特別是一些不起眼的馬匹，而今次步速可能好高，此駒有千四經驗而近期連試三段，觀乎三仗前跑到亂哂之下，後上得第四好像比前領更佳，有點期盼。

10「開心人生」上次起步運腳踏都甩，但在二段耗力超多下，就算對手實力欠佳但如果起步不是如此的話，可能膩回三四個馬位。今次表面似頓哥及堯哥棄騎，但此駒以往也試過大師傅試完閘放棄後都入圍，而副練跳回可能比上兩場更有睇頭。而上兩場未知是否騎者想起步留後隻馬就大慢，試閘頓哥一起步即推，隻馬出閘問題不大，今次比上兩場檔有內移博多次都可以的。

3「美麗精神」今季有點佛系報名，好少馬報第二選擇出賽仲多過第一選擇，連皇牌都好欠奉，但二選都識得入圍，而上次都係第二選擇報千四米有R2有保護權，但千四一場又有第二隻「美麗」。其實講回此駒跑千四算有前速，特別上兩場在前速甚快下近番好多，而上場看似最後兩百已縮，但好怪係騎者反手鞭為主，而此駒較大隻可能要硬功步步迫才跑得好，今仗用能叔跑可能遠較恩哥好，加上近年與美麗系合作較少但未至於毫無能力，還看是否有計。

四重彩腳
2「艮志騰雲」今次唔打皇牌都係驚驚地，上場跑到超好心機差點俾「有視力」過頭真係意外，但頓哥仍跑都可能要顧。
4「行星夢」雖然話大熱門，但近三場皆顯示此大馬要走生位較順步，此駒跑轉彎抽一檔，遇上今次可能的極快步速，加上好似佢呢種跑法的馬在其付近不少，如不幸彎位前領馬一縮，此駒困在內欄要搵路出，真係唔敢講，再者，如今場步速極快，此駒上場只係贏一堆極弱對手而加八分，此駒唔係未在不利形勢輸過，試過在力迫之下連「團結精神」也未能追到而失P，千三磅馬如此排一檔未知是否如此值。
8「智愛」雖然上場贏四班的確喜逢好形勢，但至少隻馬的確仲有兩腳，今場檔雖外但以往試過同樣早早縮入內欄入圍，近況仍好的話可博一下的。

其他
「團結精神」用熙哥減磅本來好事，但今場內檔好難慢放偷雞。「香音」久休後晨操前腳跳得幾高，而且此駒應跑長途更佳。「再大大」應該幾受大戶歡迎，但此駒問題不在外地不勝，而是此駒在新西蘭跑得好個陣一定係逃馬之餘，出閘係近乎突一個馬匹，有點耐力但萬一出閘不順，甚或快馬其多之下，此駒會好易走樣，當年輸一級賽冠軍Yourdeel係近乎被行過的。「暖在你心」外地贏直路一場近乎衝閘領放，情況可能與前駒相若，但晨操卻相當緩進，快馬一多更不利。「年年豐收」上場轉彎已散，今場情況可能比上場更劣，就算話堯哥第一場頭馬與此系馬匹相關也不敢博。「幸運拼圖」轉彎以往相當不順滑，但如熟後未必係四班可留的。

(河馬仔賽馬專欄)2020/04/19真投注紀錄