22~24/4 消化沽壓
港股低開高收, 單日轉向呈陽燭, 秒殺肥牛即彈,
22/4 周三恒指收報23893, 升99點(最多上升146點, 一度下跌310點)
今日港股20天線失而復得, 好友健在, 日前說短線回吐目標23450~23650, 即係由高位嘔1000~1200點, 今日低見23483即彈, 已跌至回調目標, QQ亦已見底$200.6, 冇再創新低, 代表港股已完成調整, 尋底之旅完成, 待消化沽壓後就可再挑戰24500,
其實昨日港股已偷步跟美期下跌, 今日不應插310點這麼多, 好明顯係為了擴大周波幅及殺牛, 大鱷真係陰毒
今日港股雖然V彈倒升, 但亦不應對本周太樂觀, 下星期結算周才會好轉, 因為本周港股收跌機會大, 權重內銀及地產板塊反彈乏力, 今日跌市成交縮, 昨日大插成交大, 美元強, 人民幣弱, 油價插水, 雖然有這麼多利淡因素, 不過預期明日會續彈, 因為按照慣性走勢未來兩日會係一升一跌(周四升.周五跌), 會有技術性反彈吻別大位例如24000及10天線, 如非高位一瞬即逝，收復24000並站穩10天線就脫險，可以重拾升軌，破位而上
如按早前所預測本周收跌, 本周五(24/4)恒指就會收24380之下, 恒指周線兩連升斷纜, 代表淡友本周成功反擊, 不過好友如能於下周三(29/4)月結收23603之上, 4月就收升, 下周如能收復24000並站穩, 今個月好友大勝
弱勢的國指連續3日跑贏恒指, 係好現象, 有助穩住大市, 代表本周有望守住今日低位23483, 今個星期不會有新低, 無形之手撐市可能係因為近來中資企業配股活動愈來愈頻密, 托市亦有可能係因為要部署下周二期指結算,
早前根據過去幾個月每月高位出現時間來推斷, 4月高位24666可能已見頂, 就算破頂24800~25000也會攔路
恒指能否再爆頂就要看上証能否重上2850並升穿前頂2855, 亦要睇道指能否上破前頂24264, 因為中港美三地股市通常係同步見底頂,
今日上証及港股同步觸底反彈, 代表已完成調整，上証守住2800大關, 因此港股23500/9500亦保得住, 今日收市U盤再度踢高, 加上早市一插即彈, 反映好友仍未放手
今日恒指插穿23500屠牛1249張, 失守10天線就吸引熊熊大幅下移至屠殺範圍, 24100向上每百點都有熊
期油受交割拖累跌至負數, 油市爆煲禍及不少金融機構及投資者, 連中行也中招, 牽一髮動全身, 期油好友全面損手牽連甚廣, 會有骨牌效應, 可能要沽出其他投資工具來填數, 5月金融市場 會否再起風雲呢? 要有兩手準備
目前股市 正在炒 疫情受控，重啟經濟，炒業績，炒放水救市政策，大鱷或會借 一眾利好消息推高股市來沽貨套現，即係想高位派貨, 5月有大量成份股除息, 亦會吸引好息之徒的買盤, 不過股份通常係除息前掃高, 除息後下跌
沙特和俄羅斯兩虎相鬥, 拖累油價暴跌, 期油跌指負數, 兩大產油國惡鬥隊瓜油價就會整死美國油企, 因為近年每當產油國減產, 美國頁岩油公司就增產, 因而搶去大量市場份額, 有分析推算, 如果油價今年一直維持在20美元一桶, 將會有140家美國油企倒閉, 油企是特朗普所屬的共和黨的幕後金主, 油企破產關水喉, 特朗普連任好夢就會成空, 特朗普真係俾天收, 肺炎疫情+油災導致美股插水, 這就是加害中國及香港的報應
23/4 周四恒指收報23977, 升84點, 力守20天線
今日港股一如所料續升, 出現兩連升, 過去一個月未試過3連升, 而按照周四五多數係1升1跌的慣性走勢, 加上周末避險沽壓效應及一周期權食胡, 明日(周五)會收跌, 月中係回調的時間窗口, 會繼續消化沽壓及引熊入局, 部署下周踢高結算及屠熊, 睇呢兩日好友仍健在, 下周就應該推上24000樓上結算
日前曾預測本周收跌, 睇本周走勢收跌已無懸念, 昨日低見23483已跌至回調1000~1200點的目標, 隨即作出反彈, 市弱會由低位彈600~800點, 市強彈1000~1200點, 即係後市有望再挑戰24500水平
港股回調整固.消化沽壓.部署結算位.反彈在望
24/4 周五恒指收報23831, 跌146點, 結束兩周升勢
雖然本周港股作出回吐, 但插穿20天線往往都能速彈, 好友一直咬住20天線唔放, 相信是為了下周二結算, 目前20天線已上移至23830附近, 剛好是今日的收市水平, 所以下周一必需要推升才能避免跌穿, 如能上破昨日高位24107, 底頂上移, 代表好友已奪回主導權, 目前23500~23800只得極瘦牛, 毫無吸引力，反而熊熊大幅下移至屠殺範圍, 24000向上每百點都有熊熊, 愈養愈肥, 亦有誘因上攻
過去幾日美元急彈重上100水平, 人民幣下跌拖累本周恒指收跌, 結束周線兩連升的勢頭, 但美元挑戰101水平無功而回, 掉頭向下, 利好人民幣, 4月上旬已說過月中港股應該會有回吐，不過無論點震，跌完都會再上，因為4月由好友主導大市
人仔強.港股好, 匯市形勢有利好友於下周一作出反擊, 當天是結算前夕, 亦有誘因高收, 按照4月份周一的慣性走勢, 下周一(27/4)理應高開, 高收機會大, 要大幅收升才能保住20天線, 升得愈高愈好, 只要大幅拋離23800就可脫險
上証今日低開低走, 一跌到尾, 但一向跟上証波動的港股卻是一插即彈, 反覆向上, 收窄跌幅, 兩地股市不同步極為反常, 港股唔跟上証碌落山係利好訊號, 全日企硬，只係收市U盤博大霧壓低收
大媽今日繼續掃QQ護盤, 亦突然掃入建行(過去幾日大媽冇買建行), 恒指23800失而復得, 反映好友仍未放手, 趁低吸納買上具值博率, 只要下周收復24000, 500點一級上望24500, 前頂在24666, 處於裂口阻力區
上証連跌兩天, 上周見頂2855後本周回吐, 惟力守2800不失, 今日靠近下方收2808, 上証連跌兩天, 過去一個月上証未見過3連跌, 所以下周一有望作出反彈
本周上証主力在2800~2850波動, 下周向上空間比下跌大, 中港股市通常係同步, 只要上証反彈, 就可推高港股, 逆向ETF #7500 過去3日成交明顯縮減, 而且登上五大沽空榜, 反映淡友可能已食胡, 輪到好友 奪回主導權作出 反攻
今個月大鱷唔走單邊, 不斷玩跌下彈下, 好淡通殺, 過去16個交易日恒指8升8跌, 令股民無所適從企錯邊, 頻頻止蝕, 今個月港股既然不走單邊, 本周跌, 下周就應反彈,
中港疫情持續好轉, 央行放水, 市場水浸, 利好市場氣氛, 老外大媽都掃貨, 4月上旬走弱的國指本周已轉強, 反映有資金趁低吸納, 弱雞內銀走勢改善, 只要國指突破9887, 利好
今日港股壓低收係好事, 反而可降低下周收升的難度, 市弱會由低位累計彈600~800點, 市強彈1000~1200點, 昨日高位24107, 由低位僅彈624點, 反彈幅度太少, 仍有上升空間, 港股雖然下跌, 但VHSI恒指恐慌指數升幅不大, 唔驚
