27/4~29/4 高位結算

2020/04/27 21:34:07 網誌分類: 經濟
27 Apr

港股高開高收呈陽燭, 收復10天線, 大舉屠熊, 向24500進發

27/4 周一恒指收報24280, 急升448點, 國指大幅跑贏恒指

按照慣性走勢今日高位24318不會是本周頂, 本周會再創新高, 下一站24500整數關口, 如能突破就會挑戰24600~24800阻力位, 前頂在24666, 50天線在24659, 估計明日會有獲利沽壓, 不過市強只會即市調整或小幅下跌, 如能守住24100就要上破24500來擴大周波幅, 站穩就會挑戰24800

近來恒指即市波幅通常有230~570點, 如今日低位24030是周底, 本周就要上24500來擴大周波幅, 如本周收升, 底頂上移就會升穿上周高位24503, 結算後期指會呈技術性低水, 因為下個月有大量成份股除息

美元於港股午後失守100大關, 下試99.8附近, 港股升幅進一步擴大, 明日(周二)期指結算, 後日(周三)黑期結算及基金月結, 有結算因素, 好友力撐, 港匯強勢持續, 未知有冇資金入市炒港股

~~~~~~~~~~~~~~~~~~~~~~~~~~~~~~

國指強.港股好, 今日國指高見9900(4月高位9926), 已率先突破上周高位9887, 當天恒指高見24503, 但今日恒指高見24318, 要等追落後

熊肥牛瘦利上攻, 大鱷可能想食24300~24500肥熊, 今日國指表現勝恒指係好現象, 亦即將收復50天線, 國指已進入12/3下跌裂口9817~10019阻力區, 當天恒指下跌裂口在24657~25140, 上証雖然收升, 但收2815, 遠遠未到2850關鍵位, 但內銀內險A股造好, 推高相關H股, 港股才得以收復10天線

全球陸續解封, 市傳港府公務員下周一亦復工, 呢幾日阿爺開大會, 有資金炒政策, 市場氣氛好轉, 但本周美企科網股公佈業績, 亦有聯儲局議息, 明天匯控/渣打公佈首季業績, 內銀油股陸續公佈業績, 業績期必定會令市況大幅波動

今日上証雖然收升, 但沖高回落, 升市成交縮, 下跌股份比例高, 幸好權重內銀內險A股造好, 推動港股急升, 長假期在即, 港股同樣是升市成交縮, 不過細成交大鱷反而更易舞高弄低, 月尾要屠熊追數, 貼價熊命危, 明日港股通(滬深)關閉, 大媽冇得買港股, 港股大鱷玩晒, 長假期在即, 我傾向趁彈高減磅, 或換馬低風險股過周末

~~~~~~~~~~~~~~~~~~~~~~~~~~~~~~

好淡通殺

回顧過去三個月恒指高位出現時間, 20/1, 17/2, 27/3, 今日(17/4)創月內高位24666, 參考過去幾個月的見頂時間, 要慎防4月已見頂, 就算再上也走不遠, 24800~25000也會攔路, 技術派個個都上望25000~25500, 大鱷會不會上山頂益街坊呢?

其實恒指由月內低位22756反彈至今日高位24666, 累計升幅1910點, 月波幅已進入達標範圍, 有足夠水位俾大鱷獲利轉身, 我寧願減倉, 且戰且退, 因再博上風險增加, 值博率低

大鱷操控港股的手法係好淡通殺, 好友淡友都不能獲利, 盈利未袋穩就會嘔突, 連環大插插殺好友(3月中股災), 然後止跌回升, 拗腰接連爆升殺淡友, 淡友於股災大賺的盈利嘔番晒出來, 當3月尾展開一個月的反彈浪, 好友滿心歡喜大賺, 但4月中就失驚無神掉頭大插殺好友, 好友由賺變蝕,

期油受交割拖累跌至負數, 油市爆煲禍及不少金融機構及投資者, 連中行也中招, 有分析推算, 如果油價今年一直維持在20美元一桶, 將會有140家美國油企倒閉, 牽一髮動全身, 期油好友全面損手牽連甚廣, 會有骨牌效應, 可能要沽出其他投資工具來填數, 5月金融市場 會否再起風雲呢? 要有兩手準備

庚子病鼠年是差勁的年份, 每逢庚子年都出事, 未來幾個月香港將不得安寧, 市面商舖十室九空, 旅遊旺區名店紛紛結業, 失業率急升, 外資撤離香港, 百業蕭條, 香港沉淪, 跌落萬劫不復之地,

港股彈上去大位玩吻別, 以全球疫情以及經濟狀況, 債務危機, 油企倒閉拖累金融機購, 恒指難以企穩24000/24500, 不要忘記目前只係熊市的死貓彈, 彈完就會繼續尋底

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

期指結算港股高開高收呈陽燭, 大舉屠熊, 繼續尋頂

28/4 周二恒指收報24576, 升295點(最多上升302點, 一度下跌103點)

4月期指結算價24435
4月國指期貨結算價9936

近日港股對利淡消息冇乜反應, 大市震一震即彈, 沒有在低位徘徊, 反映買盤強勁, 多隻指標股向上突破, 港股仍未有見頂跡象, 動力十足, 周波幅仍未達標, 明日要繼續上攻屠熊順道擴大周及月波幅, 挑戰12/3下跌裂口阻力(24657~25140),

美元下跌, 利好人民幣, 港匯強爆, 反映有資金流入香港, 不過因長假期在即, 黑暴重臨, 美股無休, 內地股市後日(30/4周四)有市, 隨後就係五一黃金周長假期, 金融市場或會有變數, 明日會有周末避險沽壓效應, 所以趁反彈短炒倉本地股減磅及換馬A股及內險過周末, 因上証仍有上升空間

本周港股收升已無懸念, 炒一周期權的好友或會伸多一腳上去食胡, 如明日閃上24800關鍵阻力位, 沽出多一注貨, 如下跌, 補一注貨

4月下旬#2800盈富基金大手買盤明顯比4月上旬多, 當時恒指已重上24000, 而近來指標股每次大插都見低吸買盤, 大鱷於24000掃貨, 下個月起碼都要上25000啦! 肥青等財演月中已說會見25000, 量度升幅會見25500, 估錯晒

本周恒指已連升兩天, 如跟每周不會全升或全跌的慣性走勢明日理應收跌, 但由於本周只得3個交易日, 未必跟一般5天市的慣性升跌韻律, 後市要上証重上2850殺上2900,港股才能站穩24500

近日上証冇乜力水, 但港股竟然唔跟跌, 反而跟美股向上走, 反映資金流利好港股, 今日高見24582, 扮受制於24600目的係震牛養熊, 結果呢兩日牛食胡, 震走牛,熊入局, 大鱷奸計得逞, 因為睇近日港股的盤路, 不會於24600卻步, 仍會有新高, 落後股蠢蠢欲動, 有重上10.20及50天線的趨勢, 有助推動港股更上一層樓,

~~~~~~~~~~~~~~~~~~~~~~~~~~~~~~~~~~

中港美三地股市同步見頂

今日期指結算, 尾市塵埃落定大市理應回軟, 但卻愈升愈有, 買盤湧現, 推動臨收市創即市高位, 預示明日會繼續爆上, 不過有周末沽壓效應, 要看好友能否食得晒沽盤, 收24503之上

早前有網友說4月會上24700~25000, 當時我諗, 大鱷應該忍忍手, 留多些水位俾5月升啦!  但今日都上到24582, 非常神勇, 竟然冇留力, 升得這麼急可能係貼價熊太肥, 大鱷急不及待開餐, 一則免得長周末夜長夢多, 二則今個月大鱷殺牛熊數量少得可憐, 所以月尾爆上去屠熊追數, 內銀內險轉強, 港股向上動力明顯增強,

17/4港股創即月新高時分析, 24666可能係4月頂, 因當天中港美三地股市係同步見頂,後市要美股或上証創即月新高,才能帶動恒指破頂,不過 當時我認為 如月尾再創新高突破24666亦走不遠,  4月不會上25000, 普遍分析指目前只係熊三反彈, 由於港股由3月低位已累積龐大升幅, 小心5月風高浪急, 估計都係好淡通殺的月份,因為利淡因素一大籮,而利好因素於4月已反映了大部分,可能輪到利淡因素發酵, 下周二轉節氣立夏, 禍福難料, 要有兩手準備

今日收24576, 如果好友想畫靚幅走勢圖, 明日就要收24503之上, 不過收得愈高就會增加5月收升的難度, 5月能否上破25000就要睇9 RSI能否企穩60, 因為每次都係企唔穩50, 60關口打回頭, 明日黑期結算+基金月結, 好友應該未放手, 肥熊命危

華爾街「新債王」之稱的雙線資本創辦人岡拉克於27日警告,美股可能會再次遭遇拋售, 再下試3月的低位, 即係呈W走勢, 岡拉克認為標普不會上300點, 並表示已趁指數反彈至2863點時出手做空, 並認為標普不會上3000點, 如果美股真係一如新債王所說做W走勢, 港股亦難以獨善其身

最新回應

裙甩褲甩
裙甩褲甩 2020/06/02
@中國加油...

中兄,你的#7500數據資產淨值及基金收市價有相當參考價值喎,我直覺認為喺金融市場無咁大隻蛤乸隨街跳,大鱷邊有咁好死質錢入散戶袋呀。

咁筍價,一係淡友今日被夾到心慌慌監平監賤平倉,一係明天仲會繼續夾死淡友(筍價係請君入甕)。

明天開估。

中國加油
中國加油 2020/06/02

今天#7500,收市7.545,淨值7.662,差不多有2%的折價?咁大只蛤姆隨街跳?驚過籠?搞唔明!

  日期 最新 變動 變動 (%)
每基金單位資產淨值 - 港元 2020年06月01日 7.6627 -0.4687 -5.76
港元買賣基金單位收市價 2020年06月01日 7.54 -0.63 -7.71
美味雞煲
美味雞煲 2020/06/02
@裙甩褲甩...

牛熊 2:8 買上 23900 好多肥熊丫!

TC 支持&阻力位又返尼啦 😅

支持 = S, 阻力 = R

S 21978, 23284, 22591

R 23203, 23510, 23816

c6
c6 2020/06/01

裙甩褲甩高高手

感謝 感謝再感謝

你的🐂🐻表肥美

大🐊🐊唔食浪費

咁明天或後天食呢

唔諗😴😴先明天見