炒解封

五窮月勁Chok玩短炒
2020年05月04日

　　港股4月份收報24643點，升67點，整個4月份反彈1040點，結束三個月連跌走勢。傳統上5月份係淡月，有5窮6絕的說法，美股上周又大幅低收。但由於今年樣樣都反常，旺月跌到四腳朝天，傳統淡月會因為疫情消息變得波動，投資者不妨炒炒短線。

　　美股在香港假期連續第二日下跌，三項主要指數跌至一個星期最低，美國PMI大幅下挫，加上總統特朗普威脅提高中國關稅，加上企業業績欠理想，拖低美股。杜瓊斯指數上周五更單日下跌622點，收報23723點；標普500指數下跌80點，收報2832點；納斯達克指數下跌284點，收報8604點。

　　預託證券顯示大幅低開

　　總結一周表現，杜指和標普500指數都是跌0.2%，納指跌0.3%，三項指數都是連續第二個星期下跌。不過，4月份美股表現不弱，標指飆12.7%，是1987年1月以來最佳；杜指上揚11.1%，創33年來最佳單月表現；納指勁升15.5%，是2000年1月以來最強。

　　由於美股接連兩日低收，市場恐慌情緒因為數據欠佳同特朗普打口水戰升溫。港股在美國掛牌的預託證券反映港股周一復市會低開近千點，實際會否咁差仲要真係開市時才見真章。

　　特朗普聲稱要加關稅作為中國播疫的賠償，甚至回應註銷中國所持美債的說法，話現階段毋須考慮。這個說法有點嚇人，令外國市況急挫。

　　近期港股未必完全承接外圍走勢，而係會睇內地A股，年後就睇美股期貨表現，另外特朗普說話五時花、六時變，若然美股因為中美貿戰復燃急插，他可能又會轉口風。如果指數真係大幅下挫過千點，相信會有投資者會考慮低吸，趁5窮月走走短線。

　　過去炒股節奏係年頭例旺，年中轉淡，跟住到年尾又再炒上。這個節奏的出現，同公司消息和資金流向有關。年頭基金開始新一年帳薄，態度通常進取些，期望先做出一些成績，同時年頭會報告去年業績，跟住就派息除淨，於是基金經理在3、4月跟住消息炒作。去到5月，消息出得差不多，股價又炒了一陣，於是大家停一停手，等個市調整，休戰得一、兩個月，到7月份又開始炒上半年業績，然後9月、10月又唞唞，到年尾就炒高個市埋數，方便分花紅。

　　今年全球經濟運作因為疫症完全打亂，頭一季公佈業績大家根本無心戀戰，好多公司4月份已經發出盈警，甚至預告上半年都會虧損，所以原先炒作的3、4月份變成反高潮。同一時間，市場開始消化上半年經濟停轉的消息，對業績不抱期望，所以最近幾間公司好似滙控(005) 、渣打(2888) 、中石化(385) 都係盈警後股份趁壞消息反彈。

　　立會選舉成不明朗因素

　　中環茶友話，上半年係非常情況，十間公司九間生意都大受打擊，市場不會有寄望。投資者焦點落在未來復常後公司的表現。現在不少公司股價在比1年高位低3、4成，甚至5、6成，估值反映了今年無錢賺的衝擊，所以如果業務無受永久傷害，投資者已經收貨，所以今年炒股的節奏，和過去差異好大。

　　茶友話，今年炒股另一個不明朗因素係9月份的立法會選舉。雖然係疫症期間社會運動稍為緩和，但過去一個星期黑衣人重新活動。由於今次非建制派擺明要爭取在立法會過半數議席，估計在選舉前社會氣氛又會轉激。選舉過後若然立法會主導權落在非建制派手中，政府同議會天天開火，本地投資環境會持續不明朗。從炒股角度，今年時局亂過亂世佳人，能夠短炒的日子不多，所以如果本地確診人數繼續歸零，外圍又無大鑊爆出來，5月可能就係短炒的窗口。

　　對於有興趣短炒的投資者，會問有甚麼目標。從全球疫情同經濟狀況，內地最先爆出新冠肺炎，但北京以重手防疫，令中國經歷疫情打擊的時間是大國中最短，而且復元最早。現在內地開始全力催谷復工復產，感覺相對良好，故此中資股短期投資價值較值得留意。好似中石化煉化(2386) 最近一級級彈高，股價升得急可能會回調一下，投資者可以睇住個圖買賣。

　　香港控疫相對成功，雖然遊客來港或出口會受外圍拖累，但本地消費若稍復，至少可以靠內需圍爐取暖，無奈係社會不穩因素有可能又至，所以本地股短炒可以，中線波動在所難免。

　　本地股本港連續多日零確診，經營海港城等大商場的九倉置業(1997) ，上月最後一個交易日彈2.7%，收報32.75元，為最強勢藍籌股。如果不是爆出特朗普口水戰壓低美股，本地消費股係落後板塊，長假結束後有可能會追落後。

　　醫藥物管值博率在下降中

　　短炒除了睇有甚麼股好買，同時也要留意有甚麼股要避開。醫藥股今年大超班，但若然疫情紓緩，加上開發藥物的成績愈來愈接近揭盅，若然炒得高又交不出功課的股份有可能會大幅回落。假期前，近月強勢的遠程醫療股平安好醫生(1833) 急插，收降6%，報107.4元，不排除有資金開始食胡鎖定利潤。醫藥、內地物管這些升得多估值又高的股份，短炒值博率似乎正在下降中。

　　電視廣播新主席是典型香港仔

　　電視廣播在假前舉行董事會，選出新主席，結果由許濤接替殼王陳國強。許濤是何許人也？有中環茶友笑言，不要見到個名兩個字就以為他是內地人，此君現年四十出頭，父親是華僑，幾歲就來了香港，算得是香港仔。

　　許濤在香港讀書，在名校華仁畢業，之後去了美國放洋留港，然後加入過麥堅時顧問同高盛，路徑同好多香港讀書讀得叻的精英相似。近幾年他就加入華人文化基金，成為基金話事人黎瑞剛的愛將。隨著基金入股電視廣播，他成為大台董事。這次殼王以退休為由交棒，他順理成章接任。以這個年紀繼邵逸夫、方逸華同殼王後執掌本港最大電視台，實在後生可畏。

　　許濤接任主席，同一時間行政總裁李寶安獲委為副主席。李寶安由亞視轉到無線，擔任總經理後在眾多要員中跑出，成為行政總裁，今次再加副主席銜頭，成為一人之下，千百人之上的傳媒大哥大，盡顯電視圈不倒翁的功力。

　　大台今次一老一嫩配搭，主席擅長公司財務，李寶安是會計師出身，多年在電視業浸淫，應付過不少危機。今年電視廣播既遇著經濟大環境衝擊，又遇上反修例人士圍堵，新董事會說得上是迎難而上，小股東自然期望新組合能夠有神奇的化學作用，令公司盈利同股價有日可以回春。

　　陸羽仁

又玩加關稅 大市有壓力
2020年05月04日

　　香港五一長假期間，美股大上大落，上周四上升，但上周五大插622點，累計假期間美股跌378點，外圍港股亦重挫。美國ADR港股比例指數，較本港上周五收市大跌995點，跌幅4.2%，估計港股今日開市要插。

　　人民幣上周五兌美元大跌500點子，連穿709、710、712和713關口，低見7.135，市場擔心中美再爆發貿易戰，是人民幣急插主因。上周中段，美國媒體廣傳白宮及國務院正考慮在疫情之後報復中國，從對中國實施制裁，到加徵新一輪關稅，甚至要註銷中國手持美國的國債等，正研究各種向中國「追償」方式。

　　侵侵開腔 聲言加稅

　　中國於一月爆發新冠肺炎疫情，美國總統聲稱這只不過是一場流感。由於防控不力，導致疫情在美國大爆發，現時卻要向中國追究，這是特朗普轉移責任的典型手法。大家不要以為他只是說說而已，他將來有很大機會真的出手，因為美國疫情如此嚴重，現時已死去6萬多人，最終死亡人數可能超過10萬。由於特朗普民望開始下滑，樹立一個外敵，把國民注意力轉移，是美國政客最常見玩法。

　　特朗普宣稱，不用走到註銷中國手持美債這一步，但可以向中國加徵關稅。他直言，與疫情相比，中美年初達成的貿易協議已經變得次要。

　　由於特朗普有多次推翻協議前科，他要推翻中美達成的貿易協議，一點難度也沒有。如果今年初美國與中國達成協議，是特朗普競選連任的戲碼，如今疫情令他的選情出現重大風險，如果兵行險着推翻貿易協議，與中國再打貿易戰，或許可以令他逃出生天。

　　註銷國債 隨時開戰

　　特朗普的競爭對手拜登相當弱，未來整個局面都會由特朗普主導，向中國開火機會很大。早前有朋友問我，美國會否取消中國持有的過萬億美元國債。我覺得如果美國行到這一步，等於美國賴債，這將是中美開戰的時候。有人說貿易終止，就是戰爭開始。

　　如果兩國不但終止貿易，美國還要賴債的話，中國不會乖乖接受美國不償還一萬億美元的債務，兩國除了開戰之外，沒有其他出路。不過相信特朗普暫時未敢踏出這一步，因為這樣做會影響到美國的債務信譽，在美國註銷中國手持美債之日，相信也會是美國債價崩潰之時。

　　當然，美國聯儲局可以無限量寬，誰人沽出美國國債，她可以印鈔去填補，但美國最後恐怕會出現超級通脹。特朗普玩加關稅方面甚有經驗，中美貿易戰重演，看來已不止是黑天鵝事件了。

　　短期難加 下季高危

　　這將令股市陷入一個兩難局面，一方面疫情後經濟逐步重啟，本來會令股市反彈。另一方面如果美國要加關稅，中美再打貿易戰，恐怕中美股市都不會有運行。

　　我相信目前還在口水戰階段，特朗普想加中國關稅都無咁快。美國疫情還未穩定下來，特朗普若在現在開戰，中國若反制停運醫療物資，美國都好大鑊，所以目前未係動手時機。估計到七月踏入第三季，美國疫情開始穩定，加關稅風險就會大大提高。按此推算，如今這些加關稅的消息，會令大市回吐，但未至於令大市暴跌穿底，未來一個月回吐之後，還是一個反覆向上反彈行情。

　　基建REITs 火速登場

　　其實如果不是特朗普搞搞震，中國經濟有一個利好消息。4月30日中國證監會、國家發改委聯合發佈通告，要推進基礎設施領域不動產投資信託基金(REITs)的試點工作。中國將會大搞基建設施的REITs，將聚焦於新基建、交通、能源、倉儲物流、環境保護、資訊網絡、園區開發七大領域。

　　具體一點說，這些新REITs的投資方向會包括倉儲物流、收費公路等交通設施、水電氣熱等市政工程、城鎮污水垃圾處理、固廢危廢處理等污染治理、資訊網絡、戰略性新興產業集群、高科技園區和產業園區等方面。

　　中國出這招去鼓動基建投資，是一步好棋。疫情過後，經濟重新啟動，一定不會如想像中那樣順暢。中國要加大基建投資，重走以基建推動經濟的老路。過去投資基建，全靠國家和地方財政去支撐，令政府借貸不斷上升，雖然解決到短期經濟問題，但會帶來長期債務風險。中國民間儲蓄率高，民間非常有錢，但最近「原油寶」爆煲，令內地投資者擔心其他理財產品的風險。之前提過中國可以發特別國債，但我覺得推動基建REITs，可能更為重要。

　　阿爺一直目及實內地樓市，經常強調「房住不炒」，樓價升便打壓，令炒樓空間相對有限。而內地股市在3000點上下浮沉，不算熱絡。由於市場積聚的資金無處投資，在這個時候搞基建房地產投資信託基金(REITs)，絕對可以吸納到民間資金。

　　借民間錢 催谷基建

　　當然，基建REITs要有5厘以上的較好回報，才夠吸引力。國家也要嚴選比較優質的項目，不能搞出一些爆煲的REITs。說到底，這些項目的支出原本是由中央政府及地方政府承擔，推出REITs等於向民間借錢去做，政府當然要出台一些政策，去確保基建REITs成功，包括嚴選參與的項目，甚至政府可能要提供一些補貼，抬高REITs回報，即使政府「硬掘」拿出五厘利息，去補貼這些REITS，其實等於發債，也有着數。到這些REITs項目正式投入運作，也會有實質回報，到時就未必要補貼5厘那麼高。

　　搞基建REITs是一條妙招，可以在不大幅增加國家債務前提下，藉基建推動經濟復甦。這政策有幾方面影響。第一，在面對中美可能爆發貿易戰時，加大內地投資力度，絕對有支撐經濟作用；第二，對樓市有潛在競爭。資金無處去，買樓的人會比較多，但當基建REITs慢慢成為一個比較有吸引力的投資工具，就會和樓市競逐資金。在基建REITs推出初期，這個情況不會很明顯，正如理財產品的推出，也會在市場吸納部份資金，大家不會覺得因而沒有錢炒樓。基建REITs是一項新生事物，要成熟可能還要三、五年的時間，初期影響不會太大。

　　REITs愈多 競爭愈大

　　第三，會對市場上的REITs構成競爭。由於環球利息下跌，本會令投資者追逐REITs這種可以提供更高利息回報的投資產品。在市場環境較好時，多人搞REITs成行成市，吸納資金入市搶購，會出現波鞋街效應，會愈做愈旺；但在市場低迷時，新REITs供應增加，就會對現有REITs構成一定競爭。這好像去年開放內地同股不同權的科技股來港上市，不但沒有帶旺本地科技股，還因而吸走資金，令本地科技股股價更低迷。所以REITs的持有者，要注意當基建REITs大量湧現，很多來香港上市時，會對現有REITs造成衝擊。

　　香港現時最大的REITs是領展(823) ，近日股價一直向下沉，上周三收報69.6元，升1.9%，仍然頗為接近52周低位62.65元。領展現價息率3.9厘，不算很吸引，加上領展資產為本地商場，未來若有大量基建REITs來港上市，對領展股價會造成壓力。

　　內地基建REITs和香港的商場REITs，看似蘋果與橙之比，但由於領展體積龐大，主要針對比較大的投資者，在基金大戶的眼中，蘋果與橙分別不是很大。未來要看內地如何設計基建REITs條件，如果設計得足夠吸引，不要以為不會為本地大型REITs帶來衝擊。

　　陸羽仁

短炒開車股

2020年05月01日11:45 最後更新: 12:20

中原城市領先指數 CCL

---

日期 Date	中原城市領先指數 CCL (所有成份屋苑)
2020/04/20 - 2020/04/26	175.90
2020/04/13 - 2020/04/19	175.68
2020/04/06 - 2020/04/12	174.86
2020/03/30 - 2020/04/05	175.43

2028...

SIGH...

2028...

SIGH...

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大，杜指跌66點，趁住市靜少少，我又無咁忙，答一答問題。

      近日經常有人貼我在2012年的舊文，質疑我在當年話樓貴，他們問我兩個問題，1. 點解「股平樓貴難永續」(當日文章的題)?  2. 2012年樓市是高還是低？

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升，兩者不會出現這麼大的差價，差價終將拉近。邏輯上之後會出現三種可能，第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況，2012年樓價，以中原城市領先指數計，當年年中上升到110，比97年高位還要高。但當日恒生地產分類指數只有25000點左右。到今天中原指數升到159，地產分類指數升到36326點，中原指數升咗44.5%，地產指數升了45.3%，兩者升幅相當接近。

        唔買樓買地產股一樣升。你可以駁我買樓有槓桿，買股唔借錢無槓桿，呢樣確實係。你又可以駁我細價樓升幅比大價樓多，中原指數不完全反映現實。呢樣亦係，不過若你咁唔好彩走去買豪宅，或者新樓貴貴單位，而家比2012年跌了要蝕讓的大有樓在。

        我當日想講兩個觀點，第一是2012年樓價是高(這是第二個問題的答案，今天仍然覺得如此，不是今天更高，當日便不是高，樓價高低從租金收益率可以看到)。第二是有其他替代投資。

        第一點針對「自住的我」，第二點針對「投資的我」。先講第二點「投資的我」，這個世界有很多投資目標，不買本地港島樓去投資其他東西，可以買股票，也可以買其他地方的樓，如大陸樓，這就是所謂替代投資。最笨的如買我經常講的越秀房地產(405)，每年派7厘息，2012年中3.6元，如今5元，賺價39%，加埋每年7%息，夾埋5年有70%以上回報，唔係好失禮。

        其餘如2008年、2009年我都幾經常講在大陸買樓，在2008年廣州市區天河樓1000元人仔一呎，即使到2012年也是1200、1300元人仔一呎，如今是5000元一呎，當然亦唔係咁多人買咗，我唔好講咁多，費事俾人媽我。不過對唔住，我自己過去幾年無在香港買樓，不過在大陸在倫敦買了樓，回報也不俗。所以覺得香港呢度樓貴，唔買有乜咁出奇。

        講番第一點針對「自住的我」，雖然我當日主要針對投資者，無叫人自住唔好買，我對自住用家買樓的問題都通常答案是「量力而為」，但如果你當日追問我，我會認為自住其實亦都唔太建議買。原因好簡單，我當日已覺得樓價貴，若財力唔夠夾硬去買，咁就咪制啦。

        我的心只想叫大家「控制風險」，自住樓也是長線投資，咁貴買風險幾高(今天係好高，明天可以係極高)。我見過1997年、2003年樓價大跌，好多人買了樓輸身家的慘況，有人被銀行斬倉，有人收入高頂得順，也供了20年貴樓，到今天才剛剛供完，20年收入主要拿了去供樓，特別是下跌之初頭5年，供貴樓搞到自怨自艾，搞到家嘈屋閉。所以我就扮晒巴菲特，叫大家不一定要買貴嘢。我年紀大啲，乜都見過，難免保守。

        講多兩句巴菲特，佢投資的基本點是不買貴嘢。但不冒風險不買貴嘢，貴嘢繼續升，提建議者會俾人鬧。巴菲特係芬佬，佢話試過唔買貴嘢，佢的巴郡表現跑輸大市，俾客戶日日鬧，又要沽佢隻股贖回投資，佢壓力好大，搞到電話都唔敢聽，捱幾年先至捱得過。

       都係唔好扮晒股神，我同巴菲特唔同，佢叻啲，我蠢啲。但佢搞基金怕客戶沽貨，我只係在免費網站吹吓水，無咁大壓力。我呢啲投資建議，你覺得啱睇可以睇，覺得唔啱睇可以咪睇，兩不相欠，相當自由。

//

2012年樓市是高還是低？

2028...

SIGH...

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續（下集）
2012-07-16
      
上周五是「黑色星期五」，但股市並不黑色，內地公佈第二季經濟增長只有7.6％，市場相當冷靜，內地上證綜指微微升鰦一點都唔夠，等如無上落，收2185點。港股亦撐住19000點大關，收19092點，升67點。

        不過呢個黑色星期五去到美國仲精采，早前摩根大通深受「倫敦鯨」交易員投資失利影響，但上周五佢公佈上季業績較市場預期佳，股價勁升6％，帶動整片美國金融股抽上，再加上歐美投資者認為中國7.6％經濟增長，不是硬覑陸，杜指爆升203點，大升1.6％，終止連跌六日的頹勢，港股應有反彈，特別係跌得好殘的內銀股，應有像樣一點的反彈。

        大戶操控詮釋權

        股市就係咁，上上落落，壞消息面世時，又話「好過預期」、「其實唔係咁壞鎹」，股市升彈。股壇老雀極短炒時鍾意炒相反，認為如何詮釋市場資訊的權利在大戶手上，佢地鍾意同散戶做對手，所以要極短期炒作，只能在市場評價好差時買，在評價好好時賣。

        上星期寫了篇文「股平樓貴難永續」，講起網友「硬道理」在09年中因錯判市況，將05年入市的自住樓賣掉，然後將所有資金分段投放在A50（2823） 及工行（1398） 上，如今樓價升了，投資的股票跌了兩成多。文章見報後，迴響不少，有不少甚為專業的老友都有評價，可以寫寫他們的寶貴意見畀大家參考。

        第一，順大潮流炒作。有一個擅作價值投資的老手，睇完「硬道理」棄樓買股的手法，有此感歎，「買股票要年年有表現，其實近乎炒作，不是投資，炒作要順勢，唔講你個網友『硬道理』把自住樓賣掉，要冒上替代使用成本高升的風險（租金上升），單就炒作而言，佢鱓做法都是逆勢施為。」

        投資老手話，股神巴菲特咁成功，除鰦佢善睇公司價值，低價入市之外，佢都有「順勢投資」的味道，才不止長線有表現，而且中短期都有表現。例如佢在2002年、2003年以2元多的低價大手買入中石油（857） ，除了因為中石油股價低迷外，還睇到2002年911事件後，美國大幅降息，美元將持續走弱，石油等商品價格將長線走強的大趨勢，當時美國石油股唔便宜，就買纒中國石油股，結果食正油價連年大升的潮流，多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司（BNSF）。巴菲特雖然聲稱這次收購是對美國經濟前景的一次豪賭，但如果真係咁睇好美國經濟前景，點解係買鐵路公司而唔係買銀行？巴菲特係睇住美國正發生可能長達10年的非槓桿化過程，靠借貸賺錢的銀行唔係咁掂，投資進入低回報年代，加上油價高企，所以就買入鐵路這種回報較穩定的傳統公用事業，這種行為和李超人去英國買電廠、水廠有異曲同工之妙。當然，巴菲特偶有睇錯大潮流出事的投資，例如油價高睇好電動車，過份放大呢個行業的發展，入股比亞迪（1211） ，結果概念掂生意唔掂，股神勝在以8元入股比亞迪作價夠平，所以佢未死只是跟風者死晒。

        投資老手話「硬道理」在09年買入工行和A50基金長獱，事後睇係逆勢投資，因為阿爺在08年驚得滯大力投放4萬億救市，令股市和樓市當年升得太勁，再加上基建泡沫，觸發巨大通脹，2010年開始要收水救亡，這種收水潮，對投資內銀的氣氛不利，「硬道理」投資失利，係睇唔飱呢個收水大勢。反而好多人中短線炒纒內銀，跌得多買鱓，升一兩成走人，仲搵到食。

        第二，買樓有利長獱。我有另一個老友是極資深投資銀行前輩，佢20年前係巨型銀行的投資銀行部獱fit人，一直鍾情股票長線投資，唔喜歡買樓，當然佢亦有兩三間樓畀自己和屋企人自用，但他和香港人大多數發達方式不同，主要投資放在股票之上，而且係20、30年咁長獱。

        這位投行前輩舉鰦個例，佢話當年佢在包銷上市的公司中，揀鱓好鱓公司，用好少錢例如一、兩萬去買它們的股票（呢鱓錢在他而言只是零錢），買鰦十家八家公司股票，夾埋只是用鰦十幾萬，到而家無計歷年收的利息都值400幾萬，當中仲扣埋有一家公司執鰦笠股票變廢紙。佢話我可能唔覺得400幾萬係乜№錢，但佢只想試纒證明，長獱優質股票，獱得夠長有好回報。

        散戶買股難長獱

        當然，佢當年係投行大佬，睇住呢鱓公司上市，知道晒佢地盤數真假，佢長獱的股票有質素。佢承認呢個係事實，普通股民唔識揀，好多時會揀鰦鱓垃圾股，佢以內銀為例，雖然好多人怕內銀有壞帳黑洞，佢就唔係咁驚。呢個前投行大佬係中國好友，話中國第二季經濟仲有7.6％增長，仲話已經見鰦底，咁有乜№大問題，你睇纒歐美日的經濟有幾多增長？點解覺得美國好似安全過中國？美國最好的年代也只月3點幾巴仙增長，美國今年第1季增長只有1.9％，有幾好？所以拉長十年睇，佢唔覺得股票投資有乜問題，但你要日日問股價，日日去比較，咁就大問題囉，心理好易不平衡。

        前投行大佬話，一般人買樓好過買股，除了因為買樓有槓桿外，還因為買樓焗你長獱，但買股好易出出入入，但完全唔贊成投資者買股「游水」（將長線投資的股份高位沽出低位獱番），因為覺得大部份股民沒有合適的心理質素，所謂高沽，可能升少少沽鰦，結果只有輸錢股會長獱，賺錢股一早就沽走。內銀現價息率4厘、5厘，點解唔可以長獱？佢認為若有心理質素長獱，買樓買股都得，只要選擇低位入市獱佢十年廿年就得啦。

        第三，最怕係樓價追股價。聽完呢兩個朋友的意見，雖然好似一個話內銀唔得，一個話內銀得，其實只是中短線和長線的分別，內銀價殘，卻是大家都同意的事實。

        有一個靚女朋友上周問我，好買唔好買一個西半山樓盤投資，16000元一呎，佢想買一個500呎細單位租畀人，話利息咁平，隨時供平過租，有租金淨收入。我計一計，500呎單位盛惠800萬大元，呢鱓單幢樓實用率好低，500呎樓有300幾呎都偷笑，呎價真係貴得好緊要。但我見靚女貌美如花，好怕叫佢唔買一年後升到20000元一呎佢鈬找我晦氣，只能咁同佢講，樓價咁貴，但利息續低，升3成變20800元一呎當然有可能，但跌4成變9600元一呎也有機會，好似跌的機會大過升少少，就算升鰦上20000元一呎，兩年內賣要畀特別印花稅，利潤無鰦一大截，叫三思才好後行。

        靚女又問睇完我話「股平樓貴」，係唔係股價會大升？我見靚女一面「炒相」，好似唔炒樓想炒股咁，就提佢小心係「樓價追股價喎」，在這種百年不遇的金融海嘯中，投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激，主要因為外圍唔好，內地股市上周五早段一度唔升仲要跌，搞到港股早段都要插，尚幸上證綜指當日午後都炒番上去，最後升1%收場，造2223點，港股都算收復失地，恒指只微跌8點。不過美股上周五又因為新增職位不理想，杜指跌124點，港股今日都要捱一捱。

      股市唔好景，炒股的人愈來愈少，傳統智慧話無人買才是投資股市最佳時機，不過在歐美大崩圍兼大放水時代，傳統智慧係唔係咁啱用，都令人存疑。股票買唔買都得，但買樓有實際使用需要，就必須處理，令人有好大煩惱。網友「硬道理」早前在頭條網留言提問，我覺得問題有普遍性，所以不妨引述一吓。

      網友「硬道理」咁講：「自問是紀律良好但不善投機的長線投資者，在09年中因錯判市況，將05年入市的自住樓賣掉，然後定下長遠投資目標，當時看好中國的長遠投資前景，將所有資金分段投放在A50（2823） 及工行（1398） 的股票之上，期間看着樓價不斷上升，雖然十分痛苦及無奈，但依然嚴守紀律，分段吸納，但3年過後，租金已將賣樓的利潤耗盡，自己的投資卻原地踏步，後期更是反覆向下調整，其中持貨較高的A50已比我入貨的平均價下跌28%，工行也下跌了22%，在後期將買貨目標轉至民行（1988） 及中銀香港（2388） 才止血，但倉位已滿，分配大概為A50 50%，工行30%，民行10%，中銀香港10%，由於A50及工行佔去總投資額的80%，令總投資虧損嚴重，本來看錯市受教訓是應該的，唯有處變不驚，靜待市況逆轉……工行、民行及中銀香港的投資，暫時偏向以不變應萬變，除非歐盟真的出現架構溶解的危機才考慮減持，這策略在這時勢還可取嗎？」

      沽樓買股受重創

      「硬道理」又問：「尤幸內子沒有給予太大壓力，亦從未有因為經濟緊逼而爭辯，但總會有片言隻語流露出對自置物業的渴求，但現在似乎在2014年利息回升之前，也看不到有再上車的時機，要說置業的好時機，可能還要再等2016年，因樓市縱然下調，開始時也會比較反覆，大量的剛性需求，會促使樓市在下跌初期不斷有小幅反彈，直至積壓已久的購買力完全釋放後，樓價便會正式受到考驗，陸老師同意這觀點嗎？」

      他又說：「由於對自己的長期投資策略開始抱有懷疑，我在銀行跟我推銷3個月超低息借貸時，借了一些額外資本，總利息成本為0.3%，我以這些額外資本嘗試以5%止蝕及高位回5%止賺的硬道理進行短炒操作，最低目標是保本，幸運地由於市況好轉，暫時的成果比預期更成功，由於要控制風險的關係，所以不打算加大短炒的資金，但的確對自己的投資紀律挽回不少信心。」

      「硬道理」的提問很長，佔了不少篇幅，希望《頭條日報》老總不要以為我在騙稿費，我覺得「硬道理」講了不少等買樓的市民的心聲，所以不妨長篇引述，我以點列回應。

      第一，賣自住樓要小心。我一直在講，如果是投資的樓，覺得樓價好高，賣咗出街，即使樓價再升，也只是賺少了，只要平常心對待即可，但賣自住樓要小心好多，這是一個百年不遇的金融海嘯，各國中央銀行也以百年不遇的手法去應對問題，結果難料。聯儲局主席伯南克的博士論文，就係議論美國1929年的大蕭條，主要觀點是若當時央行大力放鬆銀根，就不會蕭條10年咁長。伯南克如今正試驗他的理論，係唔係咁簡單放啲水就得，無人知，正因為咁，美國的利息政策係點，亦好難估。利息影響樓市，所以樓市的中短期後向無人摸得準，人人都知到加息時香港樓市好可能唔掂，但到底幾時加息呢？

      若伯南克成功救番美國經濟，可能在2014年，甚至更早就加息，樓市壓力就來。萬一相反救極都唔掂，而且再步向衰退，美國有通縮而唔係通脹問題時，只能令利息超乎想像長期低企，咁樓價又唔係咁易碌番落去。賣咗自住樓要長期租樓，好似「硬道理」老婆咁唔嘈已經好好，若一方賣樓，另一方老婆老公唔同意，鬧得一兩年，離婚都有可能，最悲哀係離咗婚樓市先至跌，證明當初賣樓的決定係啱，但一切都太遲，所以賣自住樓，除了睇市之外，還有一個感情因素要考慮。

      第二，做咗不要後悔。好似「硬道理」咁，睇落有清晰思路，有自己邏輯，就不要動搖。他的理論是樓貴股平，所以賣樓買股，而家睇落唔啱，因為樓升股唔升，佢有少少動搖，仲借錢炒股，我建議佢唔好借錢炒股，因為咁樣就開始偏離長線投資的基本策略，好易一錯再錯。堅持買股長線投資，可能5年後發現係啱。

      長揸平貨是正道

      第三，股樓背馳難永續。由於央行的行為「反常」，長期低息，大量放水，谷高通脹，推升實物資產，令房產和商品等供應好難短期增加的實物資產大幅炒起，但供應相對彈性的股市炒唔郁，結果出現內地十年股市原地踏步，樓價升咗10倍的畸型現象，雖然內地早幾年因為股改將原本不能買賣的公司大股東持股投入市場，令股票供應大增，但兩者背馳成咁，都有股票太便宜、樓價太貴之歎，恐怕差距會慢慢修正。貴嘢會跌，睇商品已睇到，反映商品價格的商品研究局指數（CRB CCI Index）去年4月上到691的高位，現已大幅回落至545，技術上跌20%已入熊市，佢已從高位跌21%，熊味不輕，再大幅下滑就確認大趨勢。CRB指數在2002年美元大跌之前，長期只是在200至250中間浮沉，未來若全球經濟再走弱，對商品需求再減，商品價格下行空間極大，其他貴價資產亦然，內地房產價格已回吐，香港樓價又能否長升不跌？當然，我講的是長線走勢，短期一年半載內樓價唔回甚至再升都唔出奇，對無樓者仍然係好大煎熬。

      第四，長揸收息唔失禮。我自己愛做長線投資者，本來好唔鍾意將長揸的股票出出入入，認為散戶點解買樓易搵大錢，買股無乜進帳，皆因持股坐唔定，升少少就走，所以一直建議「投資的我」買股要長揸。有人話而家啲股票係「呢世唔會再見到咁平」，所以你忍得住長揸，或許可以發達。不過好似「硬道理」咁，長揸A50基金和工行，而家仲要輸20、30%，心理上的確好惡頂，本來長揸A50基金有1.7厘息，好過放銀行，揸工行有5.8厘息，簡直吸引，唔睇股價就得，我的建議係揸落去，唔好低價出貨。若真係頂唔順，又估大市可能都係波動上落，可以等大市從低位升3000點時沽部份股票（只沽部份，不要清倉），博佢回吐跌番2000點時揸番，也是降低成本的方法，但要好有紀律去做，唔好太受市場影響，唔係沽咗唔去買番，就變成低位出貨，這種「游水」動作，要有定力才好做。

      最後總結，一般人覺得買樓容易炒股難，主要係揸股票無定力，買樓迫住你長揸而已。長線投資一定要買平貨，才是正道，如今樓貴股平，要長線投資，選擇清楚不過。

      陸羽仁

醒醒