壯士斷臂
2020/05/15 04:12:58 網誌分類: 生活
放在眼前的其實簡單不過。如果有上市公司，開出同樣條件搞供股，會有幾多現存股東會有興趣繼續支持？投資講前景，一年之後將會如何營運都未知，就伸手要錢，有時老竇同仔都冇情講，奇怪係竟然有立法會議員，會認真咁討論應否撥款去救海洋公園？
講來講去，海洋公園最大資產，係好抽象嘅所謂「集體回憶」。問題係，目下有人正威脅，要攬炒香港。就連香港這個城市嘅百多年「集體回憶」亦快將不保，海洋公園嘅「集體回憶」又算得上甚麼？不計疫情或有反覆，單單計攬炒成功的話，由現在到選舉，再到之後嘅紛爭，未來一年香港經濟市道必然持續向下走，百業繼續蕭條。海洋公園遊客與本地客，佔比約四十五與五十五。屆時遊客不多，本地客進一步減少，海洋公園又憑甚麼去翻盤？
楊振耀
回應 (0)
我要發表