15~18/5 連跌斷纜利好

15/5 周五恒指收報23797, 跌32點, 連跌4天,

大鱷托住大市扮跌唔落來引好友入局, 連續4日陰陰跌, 大鱷吃了4天牛扒, 全城皆艇, 牛牛肥嘟嘟, 熊熊亦大幅下移, 遠熊亦增肥, 今日港股續跌, 多隻指標股跌幅比指數大, 連QQ都反艇, 5月初高見24766已見頂的話, 就要跌穿23585來擴大月波幅, 呢幾日中美消息令人憂慮, 如口水戰變成行動就大鑊,  關鍵在下周會否重上並站穩24000, 如能守住前底23585, 則好淡雙方勝負未分, 仍有再沖頂的可能

港股繼續底頂下移, 跟隨慣性走勢於周三四五創周底23671, 恒指連跌4天, 已平了股災那次出現的四連跌, 下周一要反彈了, 否則出現五連跌就打破了今年連跌記錄, 下周波幅就要看能否重上24000, 因為以一般800~1000周波幅來看, 23500~24000就要爆邊, 港股下星期能否結束連跌兩周的走勢就要看有冇資金炒兩會行情, 過去半年連跌兩周例彈

今早港股出現利好訊號, 勢頭似收升, 但午後QQ突然急瀉, 由$435插到落$420, 收$421.2近全日最低位收, QQ大跌$8.2(-1.91%)拖累港股低收, 所以下周一QQ及上証能否作出反彈, 人仔能否守住7.1, 是港股升跌關鍵, 留意地產板塊強弱就知港股點走,

期指大低水部份是成份股除息(電能實業.長實.信行.港鐵.中移.恒安.中國鐵塔.中國建材.舜宇光學科技.上海實業.吉利汽車.世茂房地產...)

~~~~~~~~~~~~~~~~~~~~~~~~~~~~~~~~~~~~~

由四月開始的6個星期的首個交易日, 恒指有4次收升, 2次收跌, 當中20/4跌50點, 4/5跌1029點(內地休市.大媽不在), 反映低位有大媽護盤, 港股通(滬)連續四日錄得資金凈流入

港股雖然失守多條平均線, 呈弱勢, 但亦不要單邊向下望, 因為按照慣每月升跌慣性走勢, 未來10個交易日起碼會升5天, 本周恒指1升4跌, 升市日數太少, 根據慣性走勢, 下周恒指升市日數會增加

恒指由高位24766跌至今日低位23671, 跌幅1095點, 市弱通常會由高位回吐1000~1200點(會下試23566~23766)就會反彈, 今日已進入回吐達標範圍, 保歷加通道底23565, 前底23585/23483, 回吐黃金比率0.382就要見23030, 要上証反艇港股才會插得這麼深, 如上証守住2850, 就可穩住港股,

如果大鱷唔想俾股民捉到路, 收市就會咬住23800, 又或者推番上24000令股民無所適從企錯邊, 今個月主區間在24000~24500, 兩邊爆400點就會縮番入主區間內, 今日低見24671, 已達標, 要看下周能否返回24000~24500主區間, 再等消息走出方向

港股低開高收, 單日轉向呈陽燭, 結束四連跌, 連跌斷纜利好

18/5 周一恒指收報23934, 升137點(最多上升155點, 一度下跌75點)

周末賤美全方位打壓華為, 中美交惡, 人仔下跌, 外圍消息極淡, 今日港股理應破底, 但今日卻是底部上移, 不但冇跌穿上周五低位23671, 亦冇跌穿4/5低位23585, 更收23800關鍵位之上, 釋出利好訊號, 應跌不跌需防升, 代表好友反擊, 只要明日續升, 又或者大陽燭重上24000, 有利再挑戰24500, 如本周收升, 周頂多數會在周三四五出現

VHSI恒指恐慌指數急跌3.87%, 多隻指標股都彈高, 今日唔似死貓彈, 明日應可續升, 月尾新股京東.微醫申請上市, 今日港股頂得住利淡消息止跌回升, 似係有無形之手維穩

港股溫度計指標股QQ日前由$447碌落山, 今日見底$416.8後拗腰高收, 剛好守住20天線, 代表港股已完成調整, QQ走勢具啟示作用, QQ守住20天線, 代表港股後市亦會俾QQ推番上20天線,

日前講過, 市弱由高位累計下跌1000~1200點(已逼死好友)就會反彈, 上周跌了1095點亦已進入達標範圍, 今日港股止跌回升, 符合慣性走勢, 今日大媽入貨, 通常人仔弱, 老外多數走A股, 但今日老外卻大手掃貨, 預示人仔或會轉強, 內地股市會反彈

上周五明明見到測市指標出現利好訊號, 當天期指未平倉合約亦減少, 多隻指標股拗腰向上, 似係淡友食胡補空倉, 有趁低吸納撈底盤, 但上周五卻出現四連跌, 今日港股收升, 代表上周五的利好訊號是真的, 當天最終收跌只係俾QQ拖累, 今日QQ重拾升軌, 港股反彈動力就會增強

~~~~~~~~~~~~~~~~~~~~~~~~~~~~~~~~~~~

全城看淡利挾淡

上周恒指1升4跌, 升市日數太少, 根據慣性走勢, 本周恒指升市日數會增加, 起碼升2~3天, 人民幣連跌6天, 收7.1133, 創近兩個月新低, 失守7.1大位, 代表阿爺隨時會出手護盤, 市場再度憧憬美元負利率, 美匯急跌, 亦利好人仔,

大鱷明知5月期油輸到趴街的炒家已轉倉去七八九月的遠倉, 所以六月期油就炒高, 大鱷真係睇住來食, 油價急升, 油股爆上, 市場炒作氣氛升溫, 上周五美股亦先跌後揚, 代表仍有資金入市炒上,

本來計畫造淡, 但冇出手, 因外圍消息紊亂, 利好利淡消息充斥市場, 上周港股跌, 本周亦未必跌, 大鱷每周都變臉, 而且上周五收得低(23797), 本周要收升不難, 今日在利淡消息下港股仍冇破底, 全城看淡, 逆向思維反而未必淡, 加上今日大手成交突然消失, 亦代表大手走鬼盤收斂, 有指標性的地產板塊全日走強,

上証今日低見2862, 不但守得住2850關鍵位, 亦冇跌穿6/5低位2830, 中港股市通常係同步見底, 上証冇破底, 港股亦守得住前底23585, 兩地股市今日同步作出反彈, 代表過去一周的跌浪或已結束, 展開反彈勢頭

自從恒指4月重上24000水平, 每次跌穿1~4日後就會彈番上去, 今日已是第三天, 感覺上恒指會重返24000~24500主區間, 港股有可能試完底再沖頂, 加上根據慣性走勢本周應收升, 所以炒反彈先, 大鱷玩緊好淡通殺, 上周插逾千點殺好友, 回顧4/5都係大插屠牛, 不過低見23585後就彈番上24766, 只要有好消息做助力, 有望彈上去挑戰前頂,