咪做大哂鬼！英文卷「惜」用指南 – 英文閱讀理解篇

各位中六同學，你地仲有幾個月左右就要上戰場啦！緊張唔緊張呢？緊張還緊張，但千其唔好怯。因為怯，你就輸一世。Tutor Circle 尋補教你如何善用你既paper

本身底好o既同學，依3個月如果可以好好應用、全力開turbo咁練習，升grade好容易！好多同學都會覺得操卷好重要，但到底你地平時o既「操卷法」有無用？有無好好利用份past paper？唔少同學都會上網搵past paper，之後好似一隻驢仔咁，全份做、日日做，唔停咁做。好似覺得做哂全份卷先叫係「操」卷咁。但你有無發現，咁樣做法，每一次做完之後都只係得到一個數字（分數），進步反而唔多？其實係份卷咁操，唔單止無乜意思，仲哂左份past paper！DSE到而家都只係6年時間，past paper 都只係得6份，都無幾多份俾你咁做。點樣可以用有限資源，操到最大成效？今次就等我分享下我當年o既「操卷法」，話俾你地知4份英文papers點先叫「惜」／「識」操！

第一彈就係paper 1 – Reading !

好多人會覺得閱讀卷係最難操o既一份卷，因為閱讀卷次次文章都唔同，所以深信無辦法，只可以係咁希望可以提高答題命中率。但其實reading 卷題目好有規律，只要知道當中規律，其實搵出答案o既方法都係萬變不離其宗！所以學生唔應該全份卷由第一題開始慢慢做到最後一題，而係先分好題型再跟題型咁做，搵出規律先可以針對性咁確實提高答題命中率！而根據我所做o既試卷分析，英文reading卷o既題目大致可以分為5大種類，包括：

1) Reference;
2) People/ things/ places;
3) Paragraph;
4) Whole text; 同
5) Grammar/ Vocabulary/ Semantics. (做B2 o既仲仲有第6種；推理題)

尋找reading中的規律

1) Reference題：

故名思義，reference 題就係問緊文中某一個字(通常係代名詞) refers to D乜野，佢o既關鍵字係”in line ___” 同埋 ”refer(s) to”.由於依種題目好多時都會直接指出所在位置，而且比較簡單，所以我會建議學生先做操種題目。咁就可以避免次次操卷都要全篇文睇哂消化哂。

2) People/ things / Places題：

依種題目係問緊文章入面某個人物 / 事件 / 事物 / 地方 o既題目。關健字有好多，但都一定會有特定人物 / 事件 / 事物 / 地方是但一個元素存在。依種題目由於需要搵出特定關鍵字但又唔需要完全消化，可以係掃讀階段完成。同樣可以避免次次操卷都要全篇文睇哂消化哂。

3) Paragraph題：

依種題目就係問緊你段落大意。關鍵字係”In paragraph ___”. 雖然依種題目有明顯指明位置。但由此要消化一整段文字，所以放係第3步操o既 題型。

4) Whole text 題：

依種題目通常同全文大意/ 文章行文氣氛有關。

5) Grammar / Vocabulary / Semantic 題：

最後依種題目你可以話深，可以話淺。接近90% o既grammar 題係唔需要睇篇文就已經可以答到。

6) 推理題(Part B2)：

最後依種題目難度極高。好多時會問你點解作者會用某字/某句。通常只會出現係part B2 卷 (暫時未見過B1有依種)。

總結

各位同學係操reading 卷o既時候不妨試下先分析好題型，再針對唔同題型黎練，咁先可以充分利用份past paper，唔會浪費。針對性訓練遠比全份做更有成效！習慣一下每次做完，對完答案之後都嘗試下係文中搵理據去解釋番個答案，咁會幫到你訓練搵出答題法則！加油！

完整版本：英文閱讀理解-reading

1分鐘為你配對過萬好評上門補習平台