26~28/5 受制於23500

賴朗普表示本周內將會採取強烈行動回應以中國政府推行「港版國安法」

歐盟各國外長預計將在周五(29/5)的例行會議上討論香港問題, 表示需要制定一個更強而有力的中國戰略

~ QQ於25/5創近期新低$406後止跌回升, 代表港股會跟住QQ見底及彈高, 要留意當QQ見頂, 港股就彈完, 同樣地, 當QQ回吐見底, 亦代表港股完成調整

~ 周三四五多事幹, 或會有大龍鳳，禍福難料, 恒指通常升跌2~3天就轉向, 周四五特別高危

~ 向上阻力: 23500~23700, 9600~9800, 恒指向下支持23000/22800/22500, 國指9400/9500

~ 過去幾日中港股市都有護盤手影, 守住整數大位, 目前係兩會維穩期, 有護盤誘因, 估計本周初會向好, 但周三四五沽壓會加劇, 周四期指結算及人大兩會閉幕

~ 利好利淡消息充斥市場, 中美交惡再掀貿易戰, 新八國聯軍圍堵中國, 利好方面就有新冠疫苗及多國開關重啟經濟

~ 美股有造市味道, 美股是賴朗普的政績, 有可能係佢搵無形之手托市, 但香港有自身問題, 港股未必跟美股升

~ 保安局局長李家超表示不排除提升本港恐襲威脅級別

~ 中概股排隊來港上市, 有助穩住港匯

~ 雖然恒指上周五跌穿4月低位22756見22519, 但國指低見9306, 守得住4月低位9266, 有國指撐市, 雖然外資走貨, 但有內地資金接貨, 力撐大市

~ 過去幾日恒指已由低位反彈近千點, 反彈幅度已足夠, 沖完頂再試底, 6月會再下試22500/9300水平來擴大月波幅

~ 收跌月港股多數在下旬創即月低位, 今日(25/5)見底22519亦符合慣性走勢

~ 上証力守2800大關, 港股早前亦守得住22500/9300, 近日就守住23000/9500

~ 恒指能否重上23500就要看上証能否收復2850並站穩,

~ 上周五港版國安法嚇親市場, 大鱷乘機推港股落山屠牛殺好友, 以及向下擴大月波幅, 任務完成理應彈番上去, 大鱷似乎唔想在23000樓下結算,

=================================

28/5 陸羽仁: 外電報道，內地資金正以「無與倫比」和「前所未有」的速度湧入，撐住港股。今年以來，內地的合格投資者購買了363億美元(約2831.4億元)港股，創2017年以來最高水平，分別是龍頭國企工商銀行和建設銀行，仲有平安好醫生(1833)。

中美氣氛緊張，在美中概股快快手回流，內地互聯網公司網易及京東回歸香港第二上市在即，消息人士透露，網易將「搶閘」在下周二至周五(6月2日至5日)公開招股。網易集資額較早前市傳的10億至20億美元進一步增加至20億至30億美元。另一隻集資額達30億美元(234億港元)的京東，則繼續以集團店慶日即6月18日為暫定上市日，計劃6月8日至11日期間招股。

26/5 周二恒指收報23384, 升432點, 連升兩天, 回吐壓力大增

今日剛好去到阻力區, 獲利沽壓隨即湧現, 不過大鱷力撐, 托住指數來派貨, 按照慣性走勢, 無論該周收升或跌, 多數會在周三四五創該周高或低位, 如本周收升, 今日高位23481就不會是周頂, 本周仍有新高

港股已連升兩天，通常升2~3日就斷纜，小心當QQ見頂，港股亦見頂，留意上証表現，係港股指南針，如上証2850打回頭，恆指亦企唔到23500，要上証收復2850才能推動港股向上,

港股今個星期未跌過，按照慣性走勢不會全周日日升, 睇上述財經日誌就知周三四五係多事之秋, 禍福難料, 不過明日係結算前夕, 有撐市誘因, 市強多數係即市調整或下跌少過200點, 如跌超過200點就係見頂訊號,

拆息回落, 今日本地地產急升推高港股, 留意地產板塊強弱就知港股升跌動力, 今日上升裂口22968~23165, 9469~9557不宜全數回補, 要看大鱷會否托埋結算, 如有利淡消息補回裂口, 代表反彈結束

~~~~~~~~~~~~~~~~~~~~~~~~~~~~~~~~~

港股已失守所有平均線, 大方向利淡, 炒左兩日反彈就要諗下幾時反手造淡, 按照慣性走勢恒指通常升2~3日就回吐, 如今係兩連升

月尾6天, 到目前為止恒指2升1跌,

餘下3個交易日, 多數不會全升或全跌, 那麼就可能會係2升1跌或2跌1升

周三黑暴.周四結算.周五MSCI調動

昨日說國指走強, 扯住恒指唔俾跌, 今日剛好相反, 國指冇乜力水, 拉住恒指後腿, 多隻中資指標股都近低位收, 國指更是大幅跑輸恒指, 奇怪的是國指成交大幅縮減, 是今個月第二細成交

今日港股高收就要多謝大媽掃貨, 另外亦有唔少淡友回補空倉, 唔似係看好後市的買盤, 似係挾淡

早前預測反彈目標是23000~23500, 即係由低位22519反彈800~1000點, 今日高見23481已進入達標範圍, 可能升到水尾, 趁今日彈高高, 我估散戶大戶的蟹貨都出籠啦! 擔心國安法的大戶/基金亦有可能乘機減倉走貨, 中美交惡, 黑暴重臨, 梗係趁反彈打開逃生門走貨啦!

恒指挑戰23500, 上証挑戰2850, 要上証收復2850, 港股才能上企23500, 道指已連跌兩天, 通常跌2~3天就彈, 要看道指會否破頂(上月高位24764)彈高高幫下港股, 睇指標QQ表現就知港股何時掉頭

今日高見23481, 23600~24000區間內有10.20.50.60天線及下跌裂口區, 國安法在周四宣佈, 只餘下3個交易日回補部份下跌裂口唔奇, 但不易突破及站穩整個阻力區

結算前夕港股先高後低, 單日轉向呈陰燭, 部署明日結算位

27/5 周三恒指收報23301, 跌83點(最多下跌250點, 一度上升130點)

「烏雲蓋頂」利淡形態

恒指升穿昨日高位23481, 創本周新高23515, 但指標股並不配合, QQ高見$423.2, 未能突破昨日高位$428.4, QQ見頂, 代表港股已見頂, 以往恒指周四五多數係1升1跌, 不過今個月已唔跟呢個慣性走勢, 變成連升或連跌, 明日期指結算後有部份低水是因為6月有多隻成份股除息

今日港股創本周高位後反艇, 回補小部份上升裂口22968~23165, 9469~9557即彈, 希望撐埋明日結算才全數回補裂口, 中美交惡拖累人民幣急瀉193點子報7.1547, 為近9個月低位, 恒指恐慌指數急升5.81%, 本周初港股已急升, 未來兩天消息多多, 係高危日, 人仔弱, 港股不會好, 明日宣佈通過國安法, 外面黑暴玩緊大龍鳳, 近日連熱炒的新經濟股都見龐大沽壓, 有走鬼味, 上周五宣佈國安法, 港股暴跌, 希望明日大媽護盤, 不好歷史重演

測市指標出現利淡訊號, 沽空比率急升至16.93%, 指數扮跌唔落, 其實下跌股份勁多, 有臨危托沽味, 港股表面上跌幅不大, 但多隻指標股走勢差劣, 收市U盤大力踢高, 係今個月收市U盤踢得最大力的一天, U盤QQ走高令大市跌幅收窄, 相信係部署明日結算位, 大媽今日大部份時間都走貨, 拖低大市, 臨收市才掃貨, 老外掃A股, 未知是否因為周五MSCI調動

今晚半夜加拿大法庭就會揭盅, 如果釋放華為太子女, 就係賤美釋出善意, 代表中美就有計傾, 如果不放人, 代表中美雙方都企硬不讓步, 即係要打大交, 正式翻臉, 過去一周英美澳等外媒加強力度抹黑中國及香港, 後市不妙, 6月風高浪急, 要看阿爺的護盤力度

~~~~~~~~~~~~~~~~~~~~~~~~~~~~~~

明日宣佈通過國安法, 市場已有心裡準備, 反而係中美交惡, 賤美夠膽出毒招制裁中國的話(凍結中國官員在美資產.取消香港特別關稅區地位...), 港股就會有震盪, 要插穿23000落去回補周二的上升裂口或者再試底, 港股飛天遁地都有可能, 呢種時勢, 入市要小心

大媽今日都走貨, 並不是好似昨天全日都入貨, 大媽好鍾意趁反彈沽貨, 套現留子彈來低位護盤

6月份要上破今日高位23515不難, 因為早前大鱷一直守住23500水平, 不會這麼輕易放手, 但想企穩殊不容易, 因為要上証好, 港股才會好, 而人民幣弱雞就會壓住中港股市