信興廚藝中心烹飪班重開跟名廚學中日滋味菜秘技

2020/05/27 04:12:13 網誌分類: 生活

27 May

        　　疫情期間，好多朋友留家，下廚氹吓屋企人，人人變身廚神。依家疫情緩和，係時候精進廚藝啦！Kelly期待以久嘅信興廚藝中心名廚烹飪班，下月重來，六月七日有由星級導師黃淑儀（GIGI姐）教授簡單美味家常菜，重點係潤肺滋補，而六月十三日日本料理星級名廚趙仕焯師傅再次開班，小妹一直係佢粉絲呀！

        　　「GIGI姐滋味美食班」第一道菜係乾咖哩蟹，聽到都流口水。第二道菜紫菜墨魚塊，做法簡單但超好味。GIGI姐仲會示範清心潤肺嘅霸王花湯，正呀！

        　　而趙仕焯師傅會教大家煮天婦羅野菜餅、天婦羅蝦壽司卷、軟殼蟹手卷，日本控暫時無得「返家鄉」，都可以一觸鄉愁。詳情上信興廚藝中心網頁報名啦！

        Kelly Chu