美國制裁殺到
週三歐美股市繼續反彈,杜指高開之後回順,跌到上日收市水平已有支持,中午一路向上,以接近全日最高位收市,升553點,收報25548點,升幅2.2%;標普500指數升1.5%,收報3036點;納指升0.8%,收報9412點。
美國國務卿蓬佩奧發表聲明,指美國國務院認定「如今的香港無法在中國維持高度自治」,並將相關事實向國會報告;此舉可能導致未來取消美國對香港貿易等相關特別待遇,包括特殊貿易地位。
蓬佩奧表示,香港將不再獲得美國自1997年7月前依法所給予香港的待遇;但國務院聲明並未明確指出香港「不再適用」待遇的內容。
根據1992年的「美國-香港政策法案(U.S.-Hong Kong Policy Act)」,美國將中國治下的香港視為「經濟和貿易事務上完全自治體」。紐約時報早前報導指出,特朗普政府可能會終止部分或全部,對香港的特別貿易與經濟關係。
中央為香港制訂國安法,美國實施制裁,是意料中事,難免影響港美貿易關係,但香港對美去年有260億美元貿易逆差,美國制裁香港,兩國貿易下降,不止香港傷,美國也會傷。
蓬佩奧發表聲明後,港股在美國預託證券以下插,ADR港比指數以下跌229點收場,未受太大影響。
另外美股標普500指數11個板塊全部造好,金融板塊繼續領漲大市,再升4.3%,兩日累升超過9.5%,科技板塊繼續跑輸大市,微升0.5%,係昨日表現最弱的板塊。
這幾天,美股板塊輪動味道很強。這也很容易理解,此前美國因新冠肺炎疫情爆發,採取封城措施,市民大都躲在家中,除了網上生意之外,各行各業都陷入停擺狀態,零售、工業、銀行備受打擊,如今美國逐步重啟經濟,投資者自然把注意力重投與實體經濟較有關係的股份上,令到銀行工業等價值股從低位反彈。
比較標普500指數金融板塊、工業板塊和科技板塊,兩者強弱走勢十分清楚,在過去的5個交易日,金融板塊累升了9.3%,工業板塊升了7.5%,而科技板塊卻下跌了0.1%,同期的標普500指數上升了2.3%。個股方面亦很明顯,銀行業龍頭摩根大通昨日升5.8%,收101.37美元,在過去的5天,股價累升了11.8%;美銀昨日大升7%,在過去5天,累升了14.1%;至於在疫情期間創出歷史新高的亞馬遜,昨日逆市跌0.5%,收報2410.38美元,在過去的5天,累跌了4.6%。其餘的科技巨頭的同期表現,Facebook、蘋果和谷歌母公司Alphabet基本上打和;Netflix跌6.7%;微軟跌0.1%,都顯著跑輸大市。
National Securities的首席市場策略師Art Hogan表示,「股市的板塊輪動,大家已經見過不少次。」他指出,在經濟重啟的初時,大市整體仍然受壓,因為標普500指數當中,仍有很多重磅股是屬於那些受到疫情影響的「停擺股」。隨著這類企業逐步解封,對幫助推升大市。MKM Partners的首席經濟學家Michael Darda對美股後市更加樂觀,他說美股造出一個V形反彈,市場有很多升勢能否持續的懷疑,但他認為經濟開始見到好轉的數據,例如日前發佈的4月新屋銷售和5月消費者信心指數都遠好過市場預期,加上持續有藥廠發佈疫苗研發進展正面的消息,可令美股有一輪反彈。
陸羽仁
股民預備硬食美式七傷拳
2020年05月29日
美股接連第二晚大升,杜指爆上553點,港股收市跌168點,兩地股市差距再拉闊近700點,由宣佈制訂港版《國安法》至今,杜指同恒指拉開咗近2700點,呢個係立法至今產生嘅本地股市折讓。以杜指25548點計,比恒指的23132點高出2416點,是少見的差幅。
新冠肺炎在美國大爆發後,美股一度插到18591點,比恒指低逾2000點。如今香港經濟受疫情衝擊無美國咁嚴重,兩者差距主要由本地政治局面動盪引致,不過,由於美國國務卿蓬佩奧暗示香港獨立關稅區地位成疑,港股噚日跌百幾點已經比想像中好。
關稅地位或不保算跌得少
政治市無得估,因為當中涉及人嘅因素,所謂一念天堂,一念地獄。人大宣佈訂立港版《國安法》,決定應該深思熟慮,唔會因為美國反制就叫停,美國要撤銷香港獨立關稅區地位,以至限制對港高科技產品出口,港人都只能硬食。美國要極限施壓,中方肯定會奉陪,係一個大撼大嘅格局。有中環茶友問,取消香港獨立關稅區已經唔係小事,有人仲搵番當年「財經健筆」話,香港實施聯繫匯率要美國同意,係咪真呢?
過去,香港行聯繫匯率有照會美國,但財經健筆嘅講法已係那些年。九八年亞洲金融風暴,大鱷狙擊港元,美國無出來照保。香港實施聯繫匯率制度,都係靠自己按收入一美元就發等值一美元即7.8港元現鈔,無所謂美國批准與否。當然,如果美國要搞香港,話唔准香港掛靠美元,自然會產生衝擊,美國係金融霸權,想點都得。全世界好多交易用美元結算,美國透過美元長臂管治,的確係無遠弗屆。
內銀逆升 領展一碌再碌
不過,美國如果去到咁盡打殘聯匯,港元唯有同人民幣掛鈎,歐洲同其他國家的港元資產無得換番美元,咁咪去問白宮囉!經此一役,各國都會明白用美元結算的風險,必然會追求更多元化嘅交易配置,人民幣是否又可以乘機走出去呢?財經健筆之說唔可以話錯,但就偏向誇大美元霸權嘅殺傷力,無講到呢個七傷拳,殺敵一萬,自傷五千,仲搞到盟友要陪埋一齊去死。
中美角力,有人要將戰場搬嚟香港,令本地投資風險大增,呢個無奈嘅現實,港股再喺成交達到1327億元下,逆外圍升勢下挫,顯示背後大撼大嘅角力,沽壓仍然唔輕。美英股市都炒疫情好轉,香港股民成為成為「蜑家雞」,見水無得飲。現時外電話美方考慮制裁中方實施「港區國安法」嘅官員,同時分階段對香港嘅獨立關稅區設限,可以估計中方唔會因此讓步。相反,北京可能會考慮用其他挺港措施去撐住香港,或者因為呢個原因,所以好多人以為美國國務卿蓬佩奧發聲明話要改變香港嘅獨立關稅區地位後,港股會天崩地裂,結果恒指最多雖然跌逾400點,但尾市又撐返上嚟,令跌幅收窄只跌168點,內銀股仲成為跌市奇葩,農行(1288) 升2.6%收報3.15元;郵儲行(1658) 揚2.5%收報4.93元;建行(939) 升1.5%收報6.18元;招行(3968) 彈1.25%收報36.35元;工行(1398) 升0.8%收報5.03元。
相反,地產股就比較傷,有大量收租物業的太古A(019) 、領展(823) 、港鐵(066) 齊創1年新低。政府宣佈揭標嘅鴨脷洲地由大昌地產(088) 投得,大昌在行內出名落價審慎,呢次以「死雞價」投到官地,唔係其他地產商無錢,而係大家喺現時環境都寧願留番個錢暖袋,咁樣算係好兆頭,所以大昌執到平地,股價噚日都要跟市微跌,報0.6%,報4.89元。
領展1年高位係99.8元,管理層喺高位食胡減持,噚日該股收市急挫3%,報收57元,比高價低近40%。領展現價息率4.76厘,高位時不足3厘,當時若然計內部回報率,以房託計其實唔算吸引,只不過大家慣性睇好,結果股價係有買貴無買錯之聲中回落,現時再遇本地不利環境,搞到股價一碌再碌。
陸羽仁
如果只係講緊港美雙邊貿易嘅260億順差,今年一月中美簽訂階段性貿易協議,都講緊中国兩年要多買2000億美國貨,仲要有下階段談判嚟緊,對兩個大國,真係小兒科啦!
但係偏偏美國佬嘅出口管制,過去呢20幾年,就係話出口去澳門有別於出口去香港,出口轉口去澳門都會當係去中国咁嚟處理。
Macau is treated differently than Hong Kong... Macau are generally treated as exports or re-exports to mainland China.
Hong Kong-Macau - U.S. Export Controls
睇嚟中国應該好相信自己嘅半導體製作技術,興建航母、航母殺手導彈嘅硬件,唔再需要使用經香港轉口嘅來路貨吧**
睇嚟香港科學園啲公司都好快執,可以變做無敵大海景嘅地產項目架嘞
**如果唔明白,就睇番上世紀50年代,霍英東係點樣响香港起家