【SAT 補習】SAT補習你又聽過未?
DSE，IB你就可能聽得多，SAT考試你又聽過未呢？SAT測驗前稱學術能力測驗（Scholastic Aptitude Test）係由美國大學委員會委託美國教育測驗服務社定期舉辦嘅測驗，亦係美國各大學，包括著名嘅常春藤盟校(lvy League)，申請入學嘅重要參考條件之一。想知多啲SAT Exam，SAT補習，美國名牌大學SAT入學要求嘅，就等我哋話你知啦。
1. SAT測驗
學科測驗 Subject Test（舊稱SAT II Test）則共有英文、歷史、數學、科學、語言5部分。雖然美國大學理事會堅持SAT本質上無法培訓，但係研究顯示補習班學生平均分數高過唔補習嘅學生，詞彙相差10分、數學更相差20分。
2. 美國大學前100名校嘅 SAT成績要求
各位有意想係香港中學畢業之後都美國升學嘅同學仔又知唔知美國前100名校嘅 SAT成績要求呢？先講下美國最著名嘅常春藤盟校(lvy League) 嘅SAT均分：
普林斯頓大學 Princeton University ： 1390-1590
哈佛大學 Harvard University ： 1400-1600
耶魯大學 Yale University： 1430-1600
哥倫比亞大學 Columbia University ： 1400-1590
而其餘嘅前100大學普遍都要1000分。所以，想要考得入心儀嘅美國大學，SAT補習都係一個唔錯嘅選擇。
3. SAT補習三大選擇
一. 網上補習社
坊間有唔少補習社都有提供SAT補習，亦有唔少專為報考國際考試例如IELTS，TOEFI，SAT 而設立嘅網上補習班。此外，唔少國際考試嘅網上補習社都設有入學前嘅免費評估，幫你check下自己嘅level去到邊，再推薦你報讀適合嘅課程。同學可以試多幾間，咁就更容易搵到啱自己嘅course啦。而價錢方面呢，筆者發現普遍為報考國際考試例如SAT 而設立嘅網上補習班叫價都頗高，2-week Intensive Course 要$15800，SAT – Exam Drill Course 都要$8988。真係可以稱得上為用金錢換分數呀！
二. 私補
香港係一個國際城市，自然有唔少學生考過SAT啦。其中，唔少成績優異嘅學生都有接私補㗎。而家資訊越來越發達，搵SAT私人補習其實唔係你想像中咁難。另外，而家嘅補習方式更多元化，例如有一對一、自助小組、上門、不上門，以至視像補習。堂數，時數同學費都可以自己訂，尋找導師嘅目的，學科困難，現時成績，甚至有咩特別要求都可以係搵老師嘅時候標明。務求可以為你tailor-made 一個fit晒自己需要嘅學習plan。
三. YouTube
本來希望係網上報SAT補習班嘅你有冇比上面嘅報價嚇一跳呢？冇咁多budget又想補SAT又有咩方法呢？筆者發現咗一個唔使錢嘅補習方法。冇錯！無睇錯！呢個經濟又實惠嘅方法就係YouTube啦！係咪無諗過YouTube除咗係空餘時間用來睇video此外，仲可以用來學習溫書呢？其實好多外國Youtuber都會係YouTube分享佢哋應考SAT嘅心得，考高分嘅Tips，甚至完整嘅tutorial都有。所以，如果各位同學有budget limitation，但係又想補SAT嘅話，YouTube都可能係你嘅一個唔錯嘅選擇。
完整內容：【SAT 補習】DSE，IB你就可能聽得多，SAT你又聽過未?