TutorCircle
TutorCircle
TutorCircle

【遵理日校】  補習名師做你中學老師?遵理日校vs普通日校,好壞大比拼

2020/06/04 09:38:09 網誌分類: 教育
04 Jun

而家唔少嘅高中生都會有放咗學去補習嘅習慣,而遵理相信係唔少同學仔嘅首選。提起遵理, 相信好多同學仔都會諗起唔同嘅補習名師,補中文嘅YY Lam,補英文嘅Kenneth Lau,Billy Ng, PChan等等,但係,你又有冇諗過有一日補習名師會做咗你老師呢?唔講你唔知,其實遵理除咗做補習社之外,仲有開日校㗎。佢哋嘅學生有三種,分別係:升讀、轉校、同埋重讀。係而家間學校讀得唔開心,想轉校;又或者對啱啱考完DSE分數唔滿意,想repeat,就不妨同我哋TutorCircle 尋補一齊睇吓遵理日校啱唔啱你讀啦。

 

遵理日校vs普通日校

到底遵理日校同普通日校有咩唔同呢?筆者係道同你sum up 咗幾個主要嘅唔同。

 

1. 學習時間

圖片來源

係學習時間方面,遵理日校標榜彈性上課時間,學校係不設早會、體育堂同埋音樂堂,只係會專注應付公開試。好處係學生會有更多嘅溫習時間,運用多餘嘅時間溫習,而唔駛定期上同考試無關嘅課堂。相反地,壞處係冇咗體育堂音樂堂呢啲放鬆下自己,同同學交流嘅時間。

 

2.學習課程與學習氣氛

要學習一門新知,你應該重視這三個要素

圖片來源

係學習課程同學習氣氛方面,遵理日校官網就指,大部份科目都會將升讀生同重讀生分班教授;而普通日校當中嘅重讀生佔極少比例,所以佢哋傾向將升讀生同重讀生group埋上堂,老師亦都會傾向先照顧佔大部份嘅升讀生。所以,係遵理日校重讀生班入面都係經歷過公開考試嘅重讀學生,學習背景相似,學習氣氛自然比較濃厚。不過,根據網上討論區網民嘅意見,只有九龍灣分校學習氣氛好啲,其他分校嘅學生好多都冇心機上堂,學習氣氛相當一般。所以,咁多位如果真係想報讀嘅話,記住要睇清楚讀邊間分校呀。

 

3.老師工作與教材

 

係老師工作同教材方面,遵理日校官網指出佢哋嘅老師只集中係教學同埋同學生溝通,教材講義亦都係由名師編寫,針對考試。相反,普通日校嘅老師要兼顧課外活動、交報告、開會等等嘅行政工作,所以唔係個個老師都可以得閒自己寫note比學生。所以,遵理日校嘅好處在於學校提供嘅note內容精要,大大節省咗自己jot note嘅時間;相對地,雖然方便還方便,咁樣嘅壞處係啲note唔係經自己手寫出來,可能記憶會無咁深呀。但係,另外一點要留意返嘅係一部份曾經就讀遵理日校嘅網民指「中英數通文學美術,得通識呀sir係好啲,其他廢到出汁,照筆記講或者廢嗡又一堂,自修仲好」,但係另一位網民則持相反意見,話「搵間日校監一監自己係唔錯既做法。師資我覺得唔錯,尤其選修科」,所以同學不妨係報讀之前都瀏覽唔同討論區入面相關嘅貼文,平衡各方意見。

 

總結

睇完筆者為你總括嘅遵理日校vs普通日校5大不同之後, 有無心思思想試下遵理日校呢?筆者個人認為,如果你係DSE Retaker, 需要重讀好多科嘅話,報讀遵理日校都係一個唔錯嘅選擇。但係如果你只係需要Retake一兩科嘅話,筆者覺得自己自修或者算得普通嘅補習班就可以啦。

 

如果有需要重讀嘅科目想補下嘅話,不妨考慮搵TutorCircle 尋補幫幫手,經驗豐富,信譽良好,免費服務配對,為學生提供最優質的私人補習導師,幫助你升Grade入大學。

 

 

完整版本:遵理日校 補習

1分鐘為你配對過萬好評上門補習平台

 

回應 (0)
我要發表
user