乘車消閒活動
我啲成日話祖國同胞點樣無禮貌,啲行為點樣烏糟邋遢。其實我啲有口話人,自己又唔係一鬼樣!
搭巴士係我生活既一部份,好多時係入面會見到好多唔好嘢,頻密情度似女性生理周期咁。而尋日有幸俾我睇到齣完整劇,比起平時見開該啲充實好多。
我該日又係例牌咁聽住歌仔扮曬COOL咁坐,聽聽吓前面位有啲好響既嘚嘚聲。一聽就知係有香港特色既乘車消閒活動之一、「剪手甲」。前面個師奶剪得投入又熟練,佢每剪一吓我都覺得鏗鏘有力、「直指人心」,佢直頭當駕巴士係專業美容院。我呢隻死鵪鶉睇得發呆之際,有個正義既朋友終於忍受唔住出聲。正義朋友好正氣咁講:「做呢啲嘢就返屋企做!」講完正諗住食住個勢補多句。但阿專業美容師點會係善男順女,佢淡淡定咁醒返兩嘢:「我係要係到剪呀!你唔鐘意咪去前啲坐….前面大把位。」
阿姐講得咁絶,正義朋友當堂一粒水都無。兩個人即時定格咗幾秒,之後阿美女做返佢件大事。做完手頭嘢,阿美女重唸咗啲新嘢孝敬全車人。佢將佢隻剪得靚靚既尾指,放響個耳窿道起勢咁撩,跟住將啲收穫抺落張櫈度。佢貢獻咗咁多嘢俾大家之後就好自豪咁落車。
其實有代表性既「乘車消閒活動」唔只咁少,數吓數吓都幾多樣化。好似上到車見到下層有對頭位吉咗,咁就可以除咗對鞋晾起雙腳,該種清新自然既感覺,其他人點會感受到呀?有機會大家一定要試吓。而無對頭位咪無得爽?揾個無人坐既兩三人位俾對腳舒服吓都得格。係就係無咁好FEEL,但止吓咳都好。
坐得咁舒服更係揾啲嘢食啦,食完將啲袋攝響個位邊都幾干靜呀。重有飲完個玻璃樽放落地周圍碌,隨即成駕車都熱鬧曬。
平時阿水同我講佢點愛呀豬女,我話得我知有鬼用咩。你睇吓人哋係巴士刻該啲愛的宣言,當時人甘慕住犯法既危險而表達愛意。有好多人重會將啲心事透過手電大聲宣揚,比起上黎我哋真係要行埋一邊。
而家周街打機已經係指定活動,不過坐車SET靜音打機好似唔夠勁,真係要學吓人SET返聲黎打咁隻GAME至有現場感。重有響賽馬日帶部大收音機去馬場,中途係車度播俾大家知賽馬消息都好。有時兩三枝公一齊搭車,每人各自揀個窗口位坐,一路睇吓風景一路傾,傾吓傾吓就好快到站。
香港空氣污染嚴重,周街咳對身體好傷。上到車有清新既空氣調節,最式合盡情咳翻啲濃同鼻涕出黎。
嘩!搭車有咁多嘢可以做,我哋呢啲繁忙既香港人真係識利用時間。
* 以上文字全用香港口語及大量白字表述,如閱讀時引起各方困難及不安,請多多包涵。
我最憎d人係公共場所剪指甲, 真係好醜怪啊!
上次有個阿伯仲坐係港鐵的樓梯度, 除了對鞋剪腳甲添, 攪到異味傳遍整條通道, 真噁心啊~!
早晨~