河馬仔河馬仔
河馬仔河馬仔
河馬仔河馬仔

(河馬仔賽馬專欄)2020/06/21

2020/06/21 02:01:05 網誌分類: 賽馬
21 Jun


兩季累績 : - $220854

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

今季季尾也是時侯做一次檢討了,希望未來更有進展啦。

10「發財寶」好耐冇試過在減磅情況下去回50+的分數,看似回到谷草都冇能力再開勝門,但事實此駒來自千四,也耍較長時間發力,及必定要有遮擋,所以之前幾場谷草後後少少追個陣,發揮得最具威脅,只可惜可能直路太短致敗。而之前兩次田草大敗,一次可能因大爛地兼大外檔,另一場就選擇放前但就比「小太陽」頂出大外疊,觀乎樂哥騎馬好似幾有韋達影子,守好位轉彎後突然發力之功力較放頭佳,今場多前領馬,只要不是不幸地又要走外疊的話,今場的確算是好部署,也可能是更好機會再現雄風。

12「運來福星」雖然馬未必好大隻,但近期幾場穩定好多之餘,亦事實有進步。上場塞到一條直路最後幾步個第三表現得步步進迫,再前一仗望空外疊,對手相當強之下,仍然唔輸太遠跑第六,今次個檔唔算太差,預期前面有不少前領及跟前馬,如此駒持續有進,希望能見好走勢。

5「寶成智勝」表面上次贏得好易,但如留意的話,近三場2W1Q皆只係要過前面一隻馬,而上次升班贏馬事實對手極弱而佢又早早守到好位,但如留心的話此駒發力及推騎需要九牛二虎之力,今次快馬多唔知有冇影響,當然隻馬係冇咁癲,有進步的話應該可克服啩。


四重彩腳

7「友港友笑」雖然可能有機會等埋希斯,但此駒母系的確好顯赫,而此駒雖然轉彎相當唔順,但隻馬幾有鬥心,外地贏馬一場唔係好驚馬群,拉叔肯去試閘雖然未算十足,但如博個第四真係未必唔得。
8「威威心得」頓哥上場跑到好有心機,奈何此駒真係冇乜前速,俾個二檔未必好事,望就望隻馬未算落得好急,三班仍有能力周旋,但本身高峰有可能到頂。
9「軒轅齊飛」就算連續兩次放頭偷到兩場,但此駒以往少見連勝之餘,如萬一此駒有當年80分插班的基本能力,加埋熙哥的減磅,會唔會又成功多場架。


其他
「簹多福」隻馬雖然操得辣,但跑落個口有點飄個頭也有時潛低,雄馬仲有點緊張。「忠心美麗」有條欄跑同冇條欄跑差不共地,但唔知點解跑千二田草特差,上前頓哥一埋唔到欄點跑都唔得,今次加埋泥地分,真係唔知佢仲有冇分博回田草。「巡航導彈」同樣有條欄放頭較佳,事實此駒守好位追好似好過單單放頭,但講真今次個外檔又快馬多,形勢未必好。「金鷹翱翔」較之前耐復快跳,而且早期更是踱完步又停兩日,之前入第二的一場事實相當均速,估計可能未來增程更好,就算換回黃生都要估好多野。「疾風勁草」隻馬仲係緊緊張張,十四檔留到最後唔包保可以前一場得幾隻馬咁識追,今場對手唔水。「贏多多」跑田草轉彎真係又係差,上場谷草都冇乜籍口,可能隻馬真係分只得咁多,或是一隻田草一千到谷草千二的三四班升降機。「金糠」跑田草一場唔輸太遠,但隻馬真係細細粒,去到三班底,呢件採衣,會唔會下年大變身多。「萬眾力得」新馬賽都係有條欄跑好D,但今次真係難度極高,而用綸哥又唔見佢操番課,俊仔又冇乜操呢隻,點諗都好難放到頭。


(河馬仔賽馬專欄)2020/06/21真投注紀錄

回應 (1)
我要發表
河馬仔河馬仔
河馬仔河馬仔 2020/06/21 18:16:14 回覆



2020/06/21「河馬仔賽馬專欄」,有冇搞錯,隔夜條位置Q都有6倍左右,開完閘得番2.5,玩咩,中左仲要倒輸。

是日 : - $17950 + $15125 = - $2825

上年累績 : - $220854 - $2825 = - $223679

user

最新回應

河馬仔河馬仔
河馬仔河馬仔 2022/01/01



2022/01/01「河馬仔賽馬專欄」,又有年頭開始輸。

是日 : + $1000 - $15000 = - $14000

累績 : - $14000 - $355115 = - $369115
河馬仔河馬仔
河馬仔河馬仔 2022/01/01

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

河馬仔河馬仔
河馬仔河馬仔 2021/09/19


2021/09/19「河馬仔賽馬專欄」,我諗我九月要收工了。

是日 : + $1944 - $19500 = - $17556

累績 : - $17556 - $337559  = - $355115
河馬仔河馬仔
河馬仔河馬仔 2021/07/11



2021/07/11「河馬仔賽馬專欄」,全季以今日中都冇用,埋單輸$126224結束今季。

是日 : + $13992 - $18900 = - $4978

累績 : - $4978 - $315025 = - $320003