我是路邊檔碗仔翅的粉絲

在很久很久以前的香港的街頭小吃，已經有[碗仔翅]的份兒了。

[碗仔翅]擺明是扮中式飲宴的名貴標準菜式中的紅燒生翅或是雞包翅...當然用的是平價料啦! 包括雞蛋絲、豬肉絲、冬菇、木耳、還有粉絲(就係佢去扮魚翅)...全放入高湯再加味精、馬蹄粉(或豆粉)等煮成。吃時可加些浙醋或麻油等調味，悉隨尊便!

[碗仔翅]很理直氣壯的話自已係紅燒生翅或是雞包翅的A貨...其主角粉絲係唔怕俾人話[粉絲扮魚翅]的!

* * *

在很久很久以前的小販在街邊販賣[碗仔翅]，一小碗一小碗的賣，價錢很低，因為真係驚你冇錢買。一小碗一小碗的，所以叫做[碗仔翅]，而不是叫做[大碗翅]甚麼的！

「唔夠食就買多碗啦!如果你有足夠零用錢鮋話!」

「梗係食第樣一嘢啦!邊會食兩碗[碗仔翅]而唔試第二D嘢o架!--例如豬皮麵、甜齋、大菜糕...o係一餐中大把嘢好食!」

「一餐?你返屋企仲駛食飯?食咁多嘢!」

* * * 

依家很少路邊店有失落的美味的[碗仔翅]售賣了!但有些茶樓會有[碗仔翅]當懷舊點心供應。中點價十多廿元一碗，其實已經和一碗正貨紅燒生翅或是雞包翅的平均價差不多了...

* * * 

懷舊，是要付出代價的...