木水火
木水火
木水火

三十而廢 狗熊充英雄

2020/06/30 12:30:02 網誌分類: 時事
30 Jun

古人說三十而立,現年三十歲嘅陳家駒,卻係三十而廢!廢到無倫,連被控「非法集結」都唔敢勇敢面對,仲無恥話「希望見證香港獨立時可以回港,與港人在『煲底』兌現承諾」;搞「獨立」咁有「大志」,竟然鞋底抹油,褲都來不及着就要潛逃,狼狽成咁嘅狗熊仲充英雄,不笑死人嗎?  {#iconb_623}  {#icons_girl2}

笑看天下:三十而廢 狗熊充英雄

清初顧炎武在《日知錄》有這麼幾句:士當以器識為先。一命為文人,無足觀矣。老朽相信,他所蔑視的是那些無真知、無傲骨、無操守嘅「偽文人」;真文人有血性、良知,此所謂「莫道書生空議論,頭顱擲處血斑斑」是也! 

今香港處於衰世,洋奴漢奸輩出、牛鬼蛇神混雜,應該話「一為本土民主前線成員,無足觀矣」!不是嗎?黃台仰、李東昇都係本土民主前線成員,全部喺一七年棄保潛逃走夾唔抖!依家又有個「香港獨立聯盟」召集人陳家駒,據悉佢又棄保潛逃,目前可能匿藏歐洲。最好笑明係喪家狗,仲要喺個人社交網站發貼廢噏無謂,透露佢已離開香港,但並不代表自己已經放棄,希望見證「香港獨立」時可以回港,又呼籲「年輕人要留有用之身離開」云云。   {#iconb_313}  

看官,呢啲「叫人衝自己鬆」嘅懦夫,好心唔好廢噏當秘笈啦!你唔講冇人話你啞!一講就正契弟!甚麼「見證香港獨立時可以回來」?這不是癡人說夢嗎?條契弟之輕浮急躁、淺薄無知,其人品之低下,小學雞也不如! {#iconb_343}

古人說三十而立,現年三十歲嘅陳家駒,卻係三十而廢!廢到無倫,連被控「非法集結」都唔敢勇敢面對,仲無恥話「希望見證香港獨立時可以回港,與港人在『煲底』兌現承諾」;搞「獨立」咁有「大志」,竟然鞋底抹油,褲都來不及着就要潛逃,狼狽成咁嘅狗熊仲充英雄,不笑死人嗎?

三十而廢嘅陳家駒,老朽倒想起魯迅揶揄西班牙文人塞萬提斯筆下嘅唐‧吉訶德,說呢位吉先生,武俠小說看得多,呆了,硬要去學古代游俠,穿一身破甲騎隻瘦馬,帶一個跟丁,遊來遊去,想斬妖服怪,除暴安良。誰知當時世道已非如此古氣盎然,結果吃了許多苦頭,仲受重傷,狼狽回來,死在家裏。這位唐‧吉訶德臨死先知道自己並不是甚麼大俠客!狗熊怎會突變英雄吖! {#iconb_624}

https://orientaldaily.on.cc/cnt/news/20200630/00184_008.html

回應 (0)
我要發表
user