木水火
木水火
木水火

走狗有咁耐風流 以後有排你折墮

2020/07/01 13:00:00 網誌分類: 時事
01 Jul

做得漢奸,有咁耐風流,有咁耐折墮!反中亂港有運行,國安立法要你還! {#icono0_19}

走狗有咁耐風流 以後有排你折墮

嘩嘩嘩,慶祝囉,放煙花食燒肉囉,講嘅唔係英超勁旅利物浦等咗三十年先攞聯賽錦標,而係香港市民等足廿三年先至有《港區國家安全法》實施。等特區政府蟻躝咁做嘢,怕且真係要等三十年。

嗱,國家做嘢就真係唔同,三扒兩撥搞掂,尋日《港區國安法》通過,即時列入《基本法》附件三同埋實施,今天七一回歸紀念日,大家聞唔到空氣都特別唔同?梗係啦,以往成班漢奸洋奴,沆瀣一氣,大放狗屁,依家國安法生效,顛覆罪可以判終身監禁,個個即刻變咗喪家之犬,雞飛狗走。 {#icons_girl10}

港獨陳家駒走得快好世界,漢奸黎智英孭緊簿,唔使旨意走佬,李漢奸就轉軚贊成二十三條立法,連港英舊電池嘅民主阿婆陳方安生都話唔玩喇,呢兩位八十幾歲,就話驚骨頭脆啫,成班小漢奸十八廿二卜卜脆,都終於知衰,黃之鋒、羅冠聰、周庭及敖卓軒宣布退黨,香港眾志卒之都解散,其他蚊型港獨組織都爭住話停止運作。

漢奸嘅美爹話玩制裁中港,想施壓圍魏救趙,但遠水不能救近火,一日未走得甩,呢班亂臣賊子留喺香港,終日擔驚受怕,計功夫茶話齋,如果真係畀人拉咗坐監,罪有應得,就安心食免費鐵窗飯,香港監獄咁安全,唔怕執番梘會畀人搞後面,反而喺監獄出面,就唔敢講喇!呢班人罪行滔天,如果仲逍遙法外,難保愛國愛港市民唔會以其人之道還施其身,「違法達義」,喊打喊殺,佢哋咁憎差人,有骨氣就唔好向警方求助吖! {#iconb_624}

過街老鼠,以後日子真係難過,唔好講人身安全,淨係衣食住行都麻煩過人。為咗怕被人認出,就算疫情過去,都要長期戴口罩黑超大大頂帽,直頭冇面見人,衣服梗係唔敢着黑色啦,見過鬼仲唔怕黑咩!民以食為天,之前搞黃色經濟圈,圈內餐廳杯葛內地人同藍絲,撐警歌星都被拒門外,依家立咗國安法,嗰間「龍」字頭嘅冰室立即話退出黃圈喎,又話兄弟爬山,永不割席?乜咁兒戲o架!風水輪流轉,漢奸洋奴去一般食肆,實被人嗌「過主啦,唔做你生意!」十間有九間係咁,剩低嗰間淨係賣飲品,餓吓餓吓,分分鐘血糖過低,仆倒街頭!住嗰方面更加唔使講,人人恥與漢奸為伍,住邊都被排斥,想租樓買樓,業主都耍手擰頭,執定紙皮瞓街啦,或者天橋底「南亞新村」歡迎你哋! {#icons_boy2}

最後講到出行,唔使旨意投奔美爹喇,聽講坐大飛走佬每位收一百萬元喎,最弊亡命之徒分分鐘喺海中心掟你落海,咁仲好,直截了當,綠色殯葬,免得將來墓碑被人噴漆刑毀。話唔定有人會幫呢班漢奸做銅像放喺維園,好似秦檜像咁畀後世吐口水唾罵。做得漢奸,有咁耐風流,有咁耐折墮!反中亂港有運行,國安立法要你還!

功夫茶

https://orientaldaily.on.cc/cnt/news/20200701/00190_001.html

回應 (1)
我要發表
衙门
衙门 2020/07/03 12:06:37 回覆

离开左香港呢班人甚麽都不是!!君不見刘霞去了德國,寂寂無闻,只有抑鬱!!那些不滿中央和香港政府的市民也一様,离开左香港就一生完了!!全世界現今只有香港尚有高职和高薪,低税又各國物產滙聚,去欧美加澳只有捱骡仔和被歧視! {#icono0_56}才会离开香港!!

https://www.dw.com/zh/%E5%B0%B1%E6%83%B3%E8%BA%BA%E7%9D%80%E7%9A%84%E5%88%98%E9%9C%9E-%E8%BF%8E%E6%9D%A5%E4%B8%A4%E4%B8%AA%E5%91%A8%E5%B9%B4%E7%BA%AA%E5%BF%B5/a-49523055

user