豪吓

呢兩年生活好咗，好多人會成日出街揾啲貴嘢食，又適逄今年日本和牛解禁可入口香港食用，咁貴一貴既餐廳同菜館就超多人捨得去。但係我又唔係其中既一份中，又無錢又想試啲貴嘢咁點算呢？

買嘢返屋企煮應該會係一個節充既方法。話明食貴嘢，都唔會考慮百佳同惠康，咪學人試吓去崇光、citysuper同吉仔睇吓啦。嘩！真係食米唔知貴呀。裏面啲靚排閒閒哋一百幾十蚊100g，有好多重二三百蚊100g添。咁既價錢以買餸既角度係好貴啦，但係同出街食比又平好多。

考慮咗好奈終於下定決心，唸住人一世物一世都要豪翻吓，買咗幾件黑豚肉返屋企煮。雖然我啲廚藝麻麻哋，不過唔係賣花讚花香，件排無論肉質同肉味都同你平時食開該啲豬排好唔同，真係貴啲都係值得既。

有次睇開雜誌，入面介紹間舖頭叫"Tastychoic尚品"。話啲高級凍肉賣得平過其他地方好多，咁我就去睇吓佢係咩料先。呀！間舖頭樓面唔係好大，裏面大部份地方用黎做凍倉，但貨品種類都好豐富，你平時係citysuper同sogo見到既高級凍肉佢都有。而價錢真係相當吸引，總體比其他最少平25%。見到咁平，我真係有啲唔相信，心唸係唔係水貨同次貨？不過既然遠遠黎到，就買少少返屋企試吓啦。 

之前食過該啲黑豚豬排已經相當滿意，但係我煮過由呢間買既豬排之後，我就知以後識得去邊間。除咗呢間係好嘢之外，好多人都會去銅鑼灣"和興行"同西營盤"大發行" 買嘢。不過你哋有機會比較吓就知邊間啲嘢啱你。

Tasty Choice

======

和興行

G/F, 37A Leighton Road, CWB

Tel: 2891 8215

Monday- Saturday 9:00 a.m. - 6:00 p.m.
Sunday: 9:00 a.m. - 5:00 p.m.

======

地 址 ： 西 營 盤 第 三 街 43-47 號 東 南 大 廈 地 下 B 鋪
電 話 ： 2548 5333
營 業 時 間 ： 8:30am-7pm ， 星 期 日 及 勞 工 假 期 休 息 。