港股烏雲蓋頂.見頂訊號

2020/07/13 19:28:19 網誌分類: 經濟
13 Jul

港股沖高回落呈陰燭, 部署屠牛

13/7 周一恒指收報25772, 升44點(最多上升376點, 一度下跌12點)

今日恒指高低位25715~26103,波幅只得388點, 本周(13~17/7)波幅未達標,按照慣性走勢, 25500~26000兩邊都爆的話, 今日反彈高見26103做完周頂,後市就要插穿今日低位25715, 甚至上周低位25570來擴大周波幅,

市強由高位回吐800點(本周第一個目標25303)就反彈, 市弱就要嘔1000~1200點

26103(頂) - 1000~1200 = 24900~25100(本周第二個回吐目標)

為了擴大周波幅, 本周無可避免要回補6/7的上升裂口25453~25543, 不過仍有3/7上升裂口25124~25182守關, 國安法大媽護盤, 如果連呢個裂口都全數回補, 就可能係資金流有變, 出現撤資潮, 會下試24800~25000

美國十年期債息報0.62%, 債息跌, 利淡股市, 未來幾周是疫情及中美制裁的高峰期, 加上月中是港股回吐的時間窗口, 所以本周我會先假設港股會跟慣性走勢收跌(17/7收25727之下)來部署買賣,

上周見港股出現見頂訊號大舉走貨, 上周四造淡, 上周五低見25570即食, 本周轉炒即日鮮, 今早快閃造好博反彈見殺上26000已食胡, 因為看淡本周, 測市指標出現利淡訊號, QQ見頂, 靠廢股匯控急彈撐市, 藍燈籠出場來掩護派貨, 代表後市不妙

今日港股彈散, 表現差劣印証了一點, 過去半年恒指連升兩周例牌斷纜, 即係代表當大市升了一段時間, 累積龐大升幅, 第三周獲利盤就會湧現, 恒指已連升兩周, 如果跟慣性走勢本周收跌, 就應反覆向下, 回補月初的上升裂口, 本周五(17/7)會收25727之下

新經濟股升過籠, 上周夾硬踢高有濃濃派貨味, 今日權重內銀/新經濟股/地產股全面受壓, 恒指夾硬爆升近400點升得好假, 可能係好友踢上去走鬼, 試想想, 好消息已於7月初炒到上26782, 如今本港疫情於社區大爆發, 假如你係好友, 會再踢高大市抑或止賺, 然後反手造淡呢?

人人都知250天線難以企穩, 高位隨即惹來獲利沽壓, 今日26103高位一瞬即逝, 變為尋底市, 侵侵五眼聯盟制裁中港, 不但向在美中概股強加不合理打壓政策, 甚至有傳聞會向微信開刀, 利淡QQ, 按照慣性走勢, QQ尋底, 港股尋底

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

~ 居安思危, 在中港股市7月初急升之際亦要有兩手準備, 由於中港美三地股市係同步見底頂, 只要留意中美股市就知港股何時掉頭回落, 當指標股QQ見頂, 港股亦見頂, 當大市回吐, QQ見底, 港股亦見底

~ 上証收復3000大關後愈升愈有, 不過當上破3400後已露疲態, 阿爺打壓非法孖展, 出口術為股市降溫, 社保及企業相繼減持A股, 都窒礙了升勢, 而QQ及多隻中資股都有減持/配股活動, 導致港股升抵26800/11000關口就打回頭, 港股見頂後就跌下彈下, 反覆向下尋底

回顧6~7/7港股成交分別高達$2508億及$2400億, 極為罕見的天量成交, 就是這兩天突破26000及26500兩個關鍵阻力大位, 7/7創出新高26782後單日轉向呈大陰燭, 見頂味濃, 大成交沖頂冇好下場, 其後由8/7起跌下彈下扮跌唔落, 其實係臨危托沽, 好友可能已食胡, 如果7月港股係6月的翻版, 全月走勢就會係低高低高, 換句話說, 7月第一浸升浪結束後就要進入消化期, 7月下旬就會作出反彈

中港美三地股市通常係同步見底頂, 6/7道指見頂26297, 7/7港股見頂26782/10934, 上証最強, 拖到9/7才見頂3457(13/7略為突破, 高見3458見頂), 三地股市7月初呢浸升幅已完結, 熱錢匆匆來, 亦會匆匆而去, 股市急升亦會急跌, 造好造淡不止賺只會是空歡喜一場

~ 由6月起炒經濟復蘇的波羅的海乾散货指數(BDI) 升到彭彭聲, 不過由7/7起就掉頭日日跌, 當天正正是港股見頂的日子

~ 既然7月開局港股及上証以超大成交突破關鍵阻力大位25000/10000/3000, 好友理應力守這水平, 如果失守呢個水平, 就係撤資走鬼市,

~ 太陽底下無新事, 歷史正不斷地重演, 6月開局恒指連日急升2342點就於10/6見頂, 7月開局升勢正正是6月初的翻版, 7/7高見26782創新高後就掉頭向下, 由29/6低位累計上升2634點, 單計7月就升2355點, 月初第一浸升幅已達標, 7月初升幅竟然與6月初相約, 絕不會是巧合,

6/7上升裂口在25453~25543是後患, 回補機會大, 至於另一個上升裂口25124~25182則不宜全數回補, 如回補代表升浪完結, 好友已撤退, 淡友已奪回主導權

大市於7/7見頂26782回落, 連升斷纜利淡, 近日於26100穿梭, 短線再買上值博率低, 博大市調整更有勝算, 水星逆行於12/7完結並不代表金融市場震盪結束, 7月是大幅波動的月份, 病鼠年股市不會單邊向上, 係急跌急彈, 好淡通殺的年份

~~~~~~~~~~~~~~~~~~~~~~~~~~~

~ 6月初恒指七連升的升幅反而少過今次四連升,好友似乎趕時間,想拿拿林推高大市食胡鬆人, 回顧6月初連日急升, 不過由10/6起就碌落山, 大鱷殺完淡友殺好友, 好淡通殺,

6月初恒指日日高開推升, 當大市見頂後就低開, 作出大調整, 而7月初亦同樣是日日高開, 換句話說, 往後當出現競價低開就係淡友反擊訊號, 回顧今個月恒指往往係大跌一天即彈, 可能係國安法大媽睇場, 短炒就跟住升跌韻律來炒上落

~ 當大市升到開巷, 淡友死得七七八八, 貼價牛登場, 就係大市回吐之時, 9/7(周四)就會有貼價牛上市, 好友小心了, 大好友元帥已食胡鬆人短線變身淡友, 因為由7/7起測市指標不斷出現利淡訊號, 有臨危托沽味,

~ 6~10/7恒指周線收升, 即係連升兩周, 但13~17/7的一周就要小心, 因為由1月中起, 恒指未試過連升三周, 所以13~17/7收跌機會大, 即係本周五(17/7)會收25727之下

~ 外圍唔少國家疫情惡化, 有醫學報告顯示新冠肺炎已變種, 變得更具傳染力, 死亡率更高, 香港突然爆發第二三波 肺炎疫情, 本地不同社區有越來越多人受感染, 學校再度停課, 地產股等受累板塊會拖低大市, 美國牽頭的西方國家陸續公佈制裁中港措施, 聽聞會向銀行及中概股開刀, 利淡相關股份

~~~~~~~~~~~~~~~~~~~~~~~~~~~

~ 當股市熱炒, 淡友輸到怕, 唔敢再造淡, 人人向上望, 就要止賺獲利, 要有心理準備淡友反擊, 市況會突然逆轉, 熱錢炒作的市況往往係急升急跌,一個二個都食快餐,股民千年蟹貨出籠,當大市累積龐大升幅,有乜風吹草動就會争相沽貨獲利, 今個月股市熱炒, 人人蜂湧入市, 個個有得賺, 誰來埋單呢? 大鱷愛好淡通殺, 所以有得賺就要獲利, 否則當市況逆轉, 就會貪字變個貧, 紙上富貴, 一場歡喜一場空

~ 7月初中港股市升勢過急呈超買, 代表升穿26000後沽壓大增, 好友食胡鎖定利潤, 上周RSI升抵70樓上的高危區果然打回頭, 港股隨即展開大調整, 因為資金市升勢過急, 累積龐大升幅, 一個強烈利淡消息亦可令大市突然急跌, 大鱷通常係好淡通殺, 好友的盈利未袋穩就要嘔番出來, 輪到淡友威威

~ 7月中美企業績公布期, 股市必定會大幅波動, 美國銀行股(13~17/7)打頭陣, 跟住就係17/7微軟.24/7亞馬遜.30/7面書.31/7蘋果

~ 港股四連升於7/7斷纜, 發出烏雲蓋頂見頂警號, 7/7創新高26782後, 單日轉向低收, 超樣衰, 恒指四連升於26800關口斷纜, 代表好友對再買上有戒心, 其實月波幅已達標, 已夠水位俾好友轉身, 恒指250天線關鍵大位想站穩殊不容易,

~ 資金市特徵是水到股市就會升到你唔信, 買盤強, 有好消息就爆升, 對壞消息冇反應, 股市照升可也, 不過當資金流走, 大市就會失驚無神急挫, 對壞消息有強烈反應, 就代表市況已轉弱, 買盤已縮手

~ 美國十年債息在0.6~0.7%游走, 代表股市有隱憂, 要重上0.7%才安全, 當美國十年期債息向上走, 股市好, 當美國十年期債息下行, 股市危

~ 目前雖然美元日圓走弱, 人仔港匯強爆, 但亦要慎防資金流有變, 當上証(內地權重金融股)大幅回吐, 港股就會落山, 當人人唱好大市, 就要逆向思維, 作出兩手準備

~ 肺炎於本港社區大爆發, 或會影響市場氣氛, 為防出現突發利淡消息導致中港股市急挫

7月份大戶加權平均開倉水平分別為24352/9757

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}
港股低開低走呈陰燭, 大舉屠牛, 失守10天線 

14/7 周二恒指收報25477, 跌294點(最多下跌518點)

午後上証V彈, 收復三分二失地, 當時美期升幅亦擴大, 港股理應收窄跌幅, 但大鱷卻一直壓低大市, 維持約400點跌幅, 唔俾好友逃生, 到好友投降後, 大鱷就在收市U盤踢高107點, 收市U盤這麼大的升幅非常罕見, 恒指收窄跌幅, 僅跌294點, 看大鱷的手影, 加上今個月恒指跌一日例彈, 明日港股應該會作出反彈, 美國十年期債息報0.64%上升, 美元下跌, 失守96.3水平, 利好人民幣, 利好股市, 不過債息仍處於0.6X水平, 代表股市仍有隱憂

市強由高位回吐800點(本周第一個目標25303), 今日低見25254已到達第一個目標, QQ亦見底, 預示港股已見短底, 市弱嘔1000~1200點, 本周第二個回吐目標24900~25100, 不過有國安法大媽護盤, 理應守住上升裂口25124~25182, 又或者插穿即彈,如一沉不起, 代表淡友已奪回主導權, 又或者出現撤資潮

消息面利淡, 除了疫情擴散外, 侵侵已簽署香港自治法制裁香港, A股牛氣沖天, 近日阿爺出手為股市降溫, 銀保監會規範跨市資金流動,嚴禁銀保違規參與場外配資, 多家基金、社保、券商、上市公司大股東減持A股,導致中港股市進入調整期,按照周線的慣性走勢,如上證本周收跌,港股多數跟, 如本周港股收跌, 就會在周三四五創本周低位來擴大周波幅

尋頂/反彈市: 底頂上移, 低位一瞬即逝, 造淡不可大貪, 一插即走, 否則坐艇

尋底市: 底頂下移, 高位一瞬即逝, 博反彈不可大貪, 一彈即走, 否則坐艇

2020年7月15日 騰訊公布政務新戰略 推新一代技術平台及政務雲2.0

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

15/7周三恒指收25481, 升3點

人民幣拗腰急升, 理應利好中港股市, 但奇怪的是老外卻沽A股走鬼, 連大媽都走H股, 內銀內險A股下挫拖低相關H股, 如果跟慣性走勢, 收跌周會在周三四五當中一天創該周低位, 即係會插穿14/7低位25254來擴大周波幅, 多個利淡消息殺到, 獲利沽盤湧現, 港股高開低走呈大陰觸, 大媽撐得好吃力,

呢幾日港股托沽味好濃, 沽壓沉重, 下跌股份多過上升股, 而且跌幅大, 四大板塊當中3跌1升, 恒指理應跌一二百點, 不過QQ爆升, 抵消了其他股份的跌幅, 托住指數來派貨, 以及養牛熊

侵侵因港區國安法簽署法案制裁香港, 係極為利淡消息, 今日港股死唔去全靠大媽狂掃QQ托市, 市強由高位回吐800點(本周第一個目標25303), 周二低見25254已到達第一個目標, 當天QQ見短底$517.5, 所以港股亦跟隨見短底並作出反彈, 曾高見25888, 後市如見QQ插穿$517.5創新低, 港股亦會破底

市弱要嘔1000~1200點, 本周會否見第二個回吐目標24900~25100就要看上証能否守住3300大關, 以及QQ會否插穿$517.5, 3/7上升裂口在25124~25182, 所以周二低見25254即彈, 如全數回補3/7裂口無法即彈, 就代表升浪完結, 可能係撤資走鬼, 連大媽都撐唔住

如果跟隨中港股市同步的慣性走勢, 上証及港股本周會同步收跌, 周五會收3383/25727/10541之下, 本周收跌

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

16/7 周四恒指收報24970, 暴跌510點, 失守20天線

如果跟7月恒指跌1天後例彈的慣性走勢, 周四五就不應出現連跌, 今日跌, 明日理應上升, 另外國指已連跌3天, 過去四個月跌3日例彈, 未見過四連跌, 在在反映明日港股會作出反彈, 市弱由高位回吐1000~1200點, 目標24900~25100, 今日低見24920, 今個星期恒指高低位24920~26103, 周波幅1184點已達標

明日港股能否作出反彈就要看上証能否守住3200大關, 以及QQ會否守住今日低位$511, QQ/上証見底.港股見底, QQ/上証見頂.港股見頂, 628反國安法以及七一的兩次暴亂/非法集會/遊行, 民主派初選, 違反限聚令, 導致本港疫情急促惡化, 利淡市場氣氛, 亦拖低權重地產板塊, 恒指暴跌,已全數回補3/7上升裂口,後市要重上25400才能脫險, 向下方面, 24800關鍵大位不容有失, 否則前底24563就危

今日內地公布首季GDP錄得3.2%增長, 靚絕全球勝預期, 但老外卻大舉走貨, 係內地股市急瀉的其中一個原因, A股插水, 就拖低H股, 一直以來港股都有大媽睇場, 但今日大媽卻沽貨走鬼, 可能係內地股市暴跌, 大媽要班資回朝救亡, 港股冇左大媽護盤, 恒指隨即失守25000大位, 不過呢個係月初大成交突破水平, 睇下上証能否止跌回升幫下手, 以及大媽會否掃貨撐市, 推番上去25000繼續派貨, 不過尋底市每周有新低, 代表下周會跌穿今日低位24920

早已說按照慣性走勢港股本周會收跌, 淡友主導大市, 而收跌周多數會在周三四五創低位, 今日果然創本周新低24920, 即係短炒一周期權的淡友會於今明兩天食胡

自從7/7港股見頂回落後, 通常係梅花間竹, 跌下彈下, 跌幅大, 升幅細, 呈尋底格, 通常升一天又跌過, 最多連升兩天就反艇, 唔少股份跌幅驚人, 派貨味濃, 人民幣下跌, 港匯轉弱, 熱錢流走, 怪不得中港股市反覆向下, 月中係回吐的時間窗口, 要完成調整方能再上

最新回應

c6
c6 2020/08/08

水滴石穿 2020/08/08 15:45:58 回覆
@soho*...

從QQ牛熊看,490-500雲集大批牛仔,斷估必死無疑

水水哥哥🧍‍♂️

謝謝🙏查看QQ的秘密

c6
c6 2020/08/08
@美味雞煲...

煲煲好

海🐠鮮🦐飯

今日做咗兩次

其實唔見得人👎

c6
c6 2020/08/08

a miao小師姐高高手

~元帥你話渣住牛熊死坐,最後都有賺,但我覺得似玩跳樓機,死坐殊不容易,心早就被嚇飛出外太空了。~

絕對認同你的分享👍

~電視裡睇企鵝玩跳水,嚇死。。我沒有回吸,尼點價位,不是我的吸貨位;另外我認為低位不會只試一次,恆指要跌,都要靠企鵝。親親難道只打一棍?宜家QQ做緊三頂,收市位暫時沒破515和511,破了仲有位跌,到時回吸不遲;唔破低,就會向上做四頂,四頂不破,回調又是一場大運動,遲點追蹤指數基金又要調倉沽距呢。。宜家先要睇距的業績,當然我希望距爭氣。阿里爸爸都補曬上升裂口了。~

小師姐高高手👍🥳

感謝🙏你對騰騰的分析

C6要跟你後面🏃‍♀️🏃‍♀️🏃‍♀️

認真努力學習💪💪💪

c6
c6 2020/08/08

各位一陣再講

母親大人見到

一定鬧 遲啲再見👋