木水火
木水火
木水火

港台仇警成癖 警訊割席有理

2020/07/15 12:30:12 網誌分類: 時事
15 Jul

廢官實在應有新思維,對敵人就要學阿爺掃敵惟恐不及!港台呢個反骨仔仇警成癖,政府好應該下定決心,整個專責小組入去重整盞嘥料!計功夫茶話,摺咗佢一了百了,每年慳過十億,又冇咗支頂心杉,加上廣播道塊地皮咁值錢,賣咗佢益庫房,一舉數得,利多於弊!不!係有百利無一害!何必做啲唔做啲,逐個節目陰乾,唔湯唔水吖!  {#icono0_9}  {#iconb_371}

港台仇警成癖 警訊割席有理

以前啲壞鬼書生,自己心理唔平衡或變態想自圓其說,就會創造啲似是而非嘅「金句」,好似「人無癖,則無趣」又或者「人無癖,不可交」。之不過,有啲嘢,一旦成癖,會好大鑊,好似吸冰毒,一上癮,「冰會溶咗你」吖!再講啊!有啲癖令人格矮化,甚至會成為民族罪人,好似有啲人疾呼有需要就「日日做漢奸」,又或者唔吮美爹腳趾就唔安樂嘅大漢奸,呢啲癖,上癮便一世抬唔起頭做人!  {#iconb_58}

嗱!人稱「講錯電台」嘅香港電台,呢個唯一嘅公營廣播機構,政府一年揼成十億個大洋喺佢身上,不但冇「食君之祿擔君之憂」,履行公家電台宣傳政府政策應有職責,向社會發出正確嘅訊息及發揮正能量,反而吃飯砸鍋,處處同政府對着幹,反骨到無人有,除散播侮辱國家嘅言論,仲仇警成癖!一再以《頭條新聞》嘅所謂「驚方訊息」抹黑警方,無所不用其極添油添醋,譬如黑暴期間有幾多冇厘頭「死亡個案」疑涉警方所為,把仇警之癖發揮到極致,仲美其名叫「嬉笑怒罵」!嬉乜嘢喎!明係用口亂放屁,難怪警隊一哥咁震怒! {#icono0_31}

咁都未算,仇警成癖嘅講錯電台,去年十一月有個評論節目《左右紅藍綠》,搵個教大講師憑空想像,簡直比科幻小說更離奇,呢位「講師」睇怕係「喪屍」化身,否則點會指警方進入理工大學校園不為拘捕,而係「極近距離瘋狂開槍,以市民同埋學生作為活靶」!呢啲係乜嘢狗屎垃圾嘅評論?將警方描述得比伊斯蘭國武裝激進分子更恐怖,咁嘅節目點可以出街吖?《電視節目守則》去咗邊?《香港電台約章》是否已經不存在?廣播處長竟然一而再,再而三咁讓呢啲仇警節目出街,好應該問責下台啦! {#iconb_626}  {#iconb_377}

港台基因突變,仇警成癖,根本無得救!警隊一哥一再投訴《頭條新聞》顛倒是非、誤導觀眾仇警。嘞!毛澤東就話,有了正確的觀點和正確的思想,還要有比較恰當的表達方式告訴別人。消息指,警隊將喺下月中與港台結束合作咗四十七年歷史嘅《警訊》節目。冇錯,道不同不相為謀!豈能唔湯唔水不徹底割席?好似廢官「保就業計劃」,敵我不分,審批求其,連反中亂港嘅壹淫媒都批近三千五百萬元,呢個世界,有冇人會為叛國禍港嘅頭號漢奸,當佢已經進入彌留之際狂輸營養液? {#iconb_233}

廢官實在應有新思維,對敵人就要學阿爺掃敵惟恐不及!港台呢個反骨仔仇警成癖,政府好應該下定決心,整個專責小組入去重整盞嘥料!計功夫茶話,摺咗佢一了百了,每年慳過十億,又冇咗支頂心杉,加上廣播道塊地皮咁值錢,賣咗佢益庫房,一舉數得,利多於弊!不!係有百利無一害!何必做啲唔做啲,逐個節目陰乾,唔湯唔水吖!

功夫茶

https://orientaldaily.on.cc/cnt/news/20200715/00190_001.html