17/7 月中托沽派貨期

2020/07/17 21:24:43 網誌分類: 經濟
17 Jul

17/7 周五恒指收報25089, 升118點

雖然恒指七連陰, 只要大媽護盤下周轉收陽燭就可穩住大局, 國指六連陰後, 今日已率先轉收陽燭, 係利好訊號, 恒指恐慌指數VHSI大跌, 美元弱,人民幣走強,老外大媽齊齊掃貨, 恒指貼價熊剛出世, 代表大市隨時會掉頭向上, 上証力守3200, 今日低見3181或已見底, 買A博下周反彈, 因為上証已累積龐大跌幅,只要上證觸底回升,港股就會跟住上,

自從5月下旬阿爺放風港區國安法, 港股就疑似有大媽睇場, 跌一周後例彈, 不會連跌兩周, 所以本周收跌, 下周就有望收升, 今日港股彈唔起, 可能係想食埋24800附近的肥牛, 亦有可能係詐死, 大鱷想震散好友的信心, 以及引淡友熊熊入局,

港股已調整了一段時間, 累積龐大跌幅, 向下空間已收窄, 24800會見支持, 好友最後防線在24563, 雖然技術指標向淡, 連日出陰燭, 不過當全城看淡造淡, 就要慎防大鱷玩挾淡, 一棍大陽燭就可扭轉劣勢, 收復20天線不難, 回顧以往港股碌落山, 死下死下, 就會突然爆升收陽燭, 逼淡友回補空倉, 進一步推高大市, 好淡通殺

以過去幾個星期恒指周波幅高達900~1300點來看, 下周如能守住24600~24800區間, 就會上攻25700~25800水平, 為200天線所在, 阻力非輕, 6及7月都有國安法大媽護盤, 月線理應收升, 其實過去20年, 恒指有14次收升, 6次收跌, 收升機會較大, 如果今個月恒指收升, 就會收24427之上, 24800係關鍵大位, 不容有失, 理應不會長時間處於25000之下, 其實月初爆上26782, 如果下周落到24800, 二千點跌幅已夠水位俾淡友食胡

周波幅方面, 要看下周插穿本周低位24920後能否守住24800關鍵大位, 估計會插穿24800來擴大周波幅, 插穿後如能收於其上就冇問題, 後市有望上攻今日高位25264, 瘦熊在25300~25500, 只要養肥就殺得, 不過地產板塊受疫情惡化限聚令影響會壓住大市, 看來港股要上就要靠新經濟股領軍, 因為港版納指即將於短期內登場, QQ及阿里巴巴肯定會大受追捧

=============================

好友力守25000大位

25000大位係7月初大成交突破後展開大升浪的水平, 正路好友不會輕易放手, 上証結束3連跌, 國指亦同步結束3日跌勢, 同步作出反彈, 連跌斷纜利好, 睇下上証能否彈高幫手推高港股, 以及大媽會否掃貨撐市, 只要上証守住3200, 就可撐住港股在25000/10200水平, 月中大鱷通常係玩上攻下殺, 貼價牛熊都要死

下周好友大鱷/大媽要盡快推恒指上25400, 既可擴大下星期(20~24/7)的周波幅, 亦可大幅拋離前底24563,才能解除破底24563的威脅,最好係上証彈高高幫下手, 阿爺好.港股好

下周我會先假設港股會跟慣性走勢收升(24/7收25089之上)來部署買賣, 趁回吐入貨博反彈, 本周恒指雖然收跌, 不過回顧過去幾個星期, 每個星期五都收25000之上, 反映有好友睇場, 就算插穿都會速彈, 按照慣性走勢, QQ/上証尋底, 港股尋底, QQ/上証見底, 港股見底

上証收復3000大關後愈升愈有, 不過當上破3400後已露疲態, 阿爺打壓非法孖展, 出口術為股市降溫, 社保及企業相繼減持A股, 都窒礙了升勢, 過去幾日回調整固反而更健康, 以內地股民的性格, 內地股市不會一沉不起, 大幅回吐後就會有買盤趁低吸納, 上証由13/7高位3458插落3今日低位3181, 回吐幅度已足夠, 今日觸底回升, 守住3200大位, 利好港股

去年收升月的低位是在1~10號出現, 今年上半年, 收升月的低位是在1及2號出現, 總結上述一年半的統計, 收升月的低位多數在1~10號出現, 目前7月份低位在2號出現, 符合收升月的形態, 而家人人唱淡, 如果一如財演所說於7月下旬跌穿24563創月內新低, 就不符合收升月的慣性走勢, 如此一來, 7月就有可能收跌, 估計下周會隊穿昨日低位24920, 不過不會插穿月初低位24563, 而且屠牛後就會掉頭向上, 殺上25500水平, 為10天線所在,

=============================

人民幣走強利好中港股市

本周港股接連失守多條平均線, 弱勢明顯, 在大鱷的角度來看, 反正本周要收跌, 倒不如由得恒指七連陰, 超樣衰, 營造強烈利淡訊號, 就可引多些淡友熊熊入局, 結果的確引左小熊落25300~25500水平, 可惜太瘦,仲要養下先, 反而24500-24900卻有肥牛,具吸引力, 以大鱷的習性, 可能係好淡通殺

上次港股急升, 當貼價牛登場, 港股就反艇, 落去屠牛, 近日港股急跌, 今日貼價熊登場, 即係下周會彈上去殺貼價熊, 今個月恒指主波動區間在25000~26000, 兩邊爆都企唔穩縮番入主區間

昨日中港股市出現走資, 人人觀望, 今日再度見買盤進場, 可能有部份是淡友回補空倉, 又或者係趁低吸納買盤, 如今潮流輕急升急跌, 快速見頂, 急速見底, 好淡通殺, 造好造淡都要快閃食胡

6月份港股全月走勢係低高低高, 7月上旬港股跟足6月上旬的走勢,如果跟埋6月下旬的走勢,月中完成調整後,就會掉頭向上, 但不會破頂, 回顧7月第一浸升浪結束後就進入消化期, 所以月中係回吐的時間窗口, 7月下旬就會作出反彈, 趁回吐候低買上, 7月份大戶加權平均開倉水平分別為24352/9757, 是好友的底線

本周港股一如所料跟隨中港股市周線升跌同步的慣性走勢, 最終收跌, 內地牛升勢過急, 阿爺為股市降溫係好事, 消化沽壓後更有利後市, 如果下周港股都跟上証, 當回調整固後就會作出反彈, 估計下周五(24/7)會收今日收市位25089/10203之上,大鱷殺完牛牛,清咗場就會上去屠熊, 中美股市於7月份呈反覆向上走勢, 納指更是牛氣沖天, 亦有利港股

按照港股的慣性走勢, 當大市跌到走樣, 失守多條平均線, 好友死得七七八八, 全城看淡, 貼價熊登場, 就係大市反彈之時, 呢兩日貼價熊已上市, 你懂的, 係時後反手造好博反彈

外圍唔少國家疫情惡化, 有醫學報告顯示新冠肺炎已變種, 變得更具傳染力, 死亡率更高, 可能於空氣傳播, 香港突然爆發第三波 肺炎疫情, 本地不同社區有越來越多人受感染, 學校再度停課, 限聚令再收緊, 地產股等受累板塊會拖低大市, 中美關係不斷惡化, 美國牽頭的西方國家陸續公佈制裁中港措施, 侵侵已簽署香港自治法制裁香港, 聽聞會向銀行及中概股開刀, 7月中美企業績公布期, 股市必定會大幅波動, 美國銀行股(13~17/7)打頭陣, 跟住就係17/7微軟.24/7亞馬遜.30/7面書.31/7蘋果 

最新回應

c6
c6 2020/08/08

水滴石穿 2020/08/08 15:45:58 回覆
@soho*...

從QQ牛熊看,490-500雲集大批牛仔,斷估必死無疑

水水哥哥🧍‍♂️

謝謝🙏查看QQ的秘密

c6
c6 2020/08/08
@美味雞煲...

煲煲好

海🐠鮮🦐飯

今日做咗兩次

其實唔見得人👎

c6
c6 2020/08/08

a miao小師姐高高手

~元帥你話渣住牛熊死坐,最後都有賺,但我覺得似玩跳樓機,死坐殊不容易,心早就被嚇飛出外太空了。~

絕對認同你的分享👍

~電視裡睇企鵝玩跳水,嚇死。。我沒有回吸,尼點價位,不是我的吸貨位;另外我認為低位不會只試一次,恆指要跌,都要靠企鵝。親親難道只打一棍?宜家QQ做緊三頂,收市位暫時沒破515和511,破了仲有位跌,到時回吸不遲;唔破低,就會向上做四頂,四頂不破,回調又是一場大運動,遲點追蹤指數基金又要調倉沽距呢。。宜家先要睇距的業績,當然我希望距爭氣。阿里爸爸都補曬上升裂口了。~

小師姐高高手👍🥳

感謝🙏你對騰騰的分析

C6要跟你後面🏃‍♀️🏃‍♀️🏃‍♀️

認真努力學習💪💪💪

c6
c6 2020/08/08

各位一陣再講

母親大人見到

一定鬧 遲啲再見👋