你的DSE時間表– 早上溫習時段：唔好再犯以下7個使你讀書分心的Don’ts，以最佳狀態讀書！

起完身、食完早餐下一步就係開始今日嘅溫習之旅！但係有好多同學都話溫習好易分心，係度就同大家分享幾個令大家分心嘅常犯錯誤，知道左之後要盡量避免啊！

1. Multitask

假如大家每日溫習無一個計劃，只係覺得想溫啲咩就溫啲咩。最後好容易會溫左一科嘅少少之後就轉去另一樣，冇辦法專心係同一科。

好多人冇辦法專心嘅原因就係因為太常multi-task。研究發現，multitasking會令你溫習一下個40%，亦都會帶來更大壓力，所以做緊一份DSE Past Paper就唔好諗住背範文，唔好諗住睇緊補習筆記可以一邊聽住英文聆聽。喺每一節溫習之前，同自己講一次呢一節溫習要達成嘅目標

2. 一直溫習不休息

好多時候大家都一定會溫到攰，頂唔住想瞓覺。係呢個時候你繼續溫習嘅效率係極度低，亦都係冇用嘅。

所以如果你溫習嘅時候睡意襲來，就盡快上床，校好鬧鐘，訓大約20分鐘Power Nap，起身之後的效率係可以提升34%。如果你死頂然後瞓着，你可能要訓一個鐘嘅時間先可以重新拾回提升效率。

其實你想嘅溫習時段係25分鐘，然後休息5分鐘。大家可以參考我「蕃茄工作法」（#ffstudyplan）嘅post，有詳細講可以點樣用呢一套方法！

3. 將手機擺係枱面

大家都知，手機過一陣就會推送通知出嚟，當手機係你視線範圍之內，稍有鬆懈，你就會俾佢打擾，冇咁易專注到。你每碌一次手機，你就需要多25分鐘先可以重新專注返你原本做緊嘅事。

將部手機熄咗佢，然後擺喺房嘅出面，或者係背囊入邊。又或者用例如「Forest」嘅app。

4. 零運動

好多同學每一日屈係間房道，連出客廳行一行嘅機會都冇。咁樣做除咗唔健康、會令血液循環減慢之外，亦都會因為長期對住同一個密閉環境，增加你嘅精神壓力。

有來自哈佛研究指出，每日做一節20分鐘帶氧運動係可以提升你嘅專注力同埋記憶力。所以大家唔好怕嘥時間，呢一節嘅運動，無論係落街跑步、或者係射籃，都係對大家應對DSE係有利嘅。更加有研究指出，有每日運動習慣嘅學生比其他學生係時間管理同埋完成目標嘅成功率係高出72% 㗎！

5. 混亂工作環境

好多同學每日溫完習就將書本求其擺枱面，有時食完野又唔清理紙巾和食物碎。對住一個混亂嘅書枱，專注度其實係會降低嘅。

65%日都覺得喺屋企工作會比喺辦公室工作更加有效率，所以大家一定要佈置好自己張枱。將電腦擺喺同眼同一水平嘅位置，亦都係喺枱上面擺例如相架或者公仔等佢個人物品，等自己係攰嘅時候可以暫時抽離一下。都是用書架、書櫃、文件夾等放好自己唔同科嘅學習資源。

6. 昏暗燈光

大家成日要閉關係夜晚溫書，又淨係開一支枱燈，咁樣除咗對隻眼唔好之外，大家知唔知道，昏暗燈光係會令大家嘅學習效率下降16% 㗎！

如果係朝頭早嘅話，大家最好係窗邊溫習，等你可以接觸到自然日光，只係需要15分鐘，已經可以令你身體釋放導致開心嘅荷爾蒙。而係夜晚，開天花板燈同枱燈溫習亦都可以減少大家嘅睡意。

7. 收埋自己，放棄社交千祈唔好覺得同朋友傾偈係一個浪費時間嘅活動。係一個高壓嘅環境，你更加需要將這心裏面嘅壓力同朋友傾訴，唔好因為要溫習而放棄所有社交活動。一個良好嘅心境、朋友之間嘅支持其實係幫大家撐過呢一兩個月嘅最重要因素。下次完咗補習班都可以同啲朋友去食下嘢輕鬆一下! 如果唔知去邊間補習社先好， 可以喺補習社介紹呢度搵番啱自己同朋友嘅補習班。如果想取得免費筆記Giveaway (各式各樣Mock、精讀)，又或者想讀我寫的無數DSE學習分享，就記得到呢個網站： https://flowsophic.com 和Follow我地嘅Instagram！最新更加開左一個論壇可以比大家係上面討論有關DSE嘅話題，我會長期解答大家疑難同大家吹下水！