23~27/7 臨危托沽.後市不妙

2020/07/23 21:07:34 網誌分類: 經濟
23 Jul

虛火上升, 臨危托沽

23/7 周四恒指收報25263, 升205點, 小牛陣亡, 肥牛待屠

昨日轉節氣大暑, 恒指暴跌577點, 剛好抹去周一所有升幅, 上証今日亦結束四連升, 表面上跌幅不大, 僅跌8點收3325, 但其實老外已是連續三日狂沽A股, 中港股市轉勢向下主因係侵侵下令關閉侯斯頓中國領事館, 因而掀起撤資潮, 今個月的升浪係月初由內地股市領軍, 連升斷纜利淡, 如今內地股市轉勢向下, 港股亦難以獨善其身

今日恒指雖然收升, 但仍受制於10及20天線, 呈底頂下移尋底格, 7月先後出現射擊之星+黃昏之星, 早已確認利淡形態, 明日上唔到25400仍有可能破底隊穿24563, 大鱷踢高恒指其實係預留回調水位, 想守住25000大位, 扮跌唔落亦係為了托住大市俾時間好友牛牛入局, 因為想養肥24800~25000牛牛才殺,

唔少股份都有洗倉味, 港股大漲但國指卻跑輸恒指, 內銀內險地產股弱雞, 代表港股上升動力不足, 只係主力靠QQ/港交所推高大市來營造利好氣氛,港股收升只係虛火, 今日港股大升的格局好似周二升577點那天, 都係靠QQ/港交所推高大市, 升得唔健康,結果翌日(周三)就反艇, 小心明日歷史重演

老外已是連續3日大舉沽出A股撤資, 但上証仍咬住3300水平, 所以撐住H股, 而家淡友等緊中美股市再插水, 就有藉口隊港股落山, 當上証守唔住關鍵位3300/3250/3200, 以及7月下旬上証低位3181, 港股就會潛行凶間, 由於中港股市係同步升跌, 如本周上証收跌, 港股就會跟跌

25799(本周頂) - 900~1300點周波幅=明日(24/7周五)目標 24500~24766

底頂下移, 假設7月最後一周的周頂在25000附近 - 900~1300點周波幅

=月尾向24000進發, 邁向3月以來升軌23715, 未來幾周形勢不容樂觀

==========================

撤資走鬼

金融地產股都有洗倉走鬼味, 走勢差劣, 多隻權重成份股都跌穿橫行區底部, 逆市下跌, 代表恒指破底機會增加, 因為股價往往係先行, 快過指數一步, 股份先行破底, 指數就會跟住破底,

目前恒指的月波幅24563~26782, 過去幾日收市位多數在25000附近, 即係靠近月內低位, 代表淡友當道, 如果由好友主導大市, 就應在波動區間上方25500樓上游走, 其實恒指已失守多條主要平均線, 技術指標呈弱勢, 如收市失守25000, 月尾就會破底, 到時50及60天線(24500~24600)都危, 尋底市每周都會有新低, 低位結算的話, 7月淡友得以反敗為勝, 全靠侵侵下令關閉侯斯敦中國領事館以及賤美聯合海上軍演

7月份大戶加權平均開倉水平分別為24352/9757, 如果上証7月收升, 中港股市多數係同步升跌, 港股理應跟隨收升, 即係31/7會收24427/9758(6月收市位)之上, 不過如今有變數, 因為目前利淡消息太多, 市場憂慮中美或會發生軍事衝突, 加上月初上到26782創月內高位, 好明顯好友已食胡, 淡友奪回主導權的話, 月尾沽壓就會增加, 當上証反艇, 港股就會跟隨碌落山

近日大市一直在25000附近游走, 其實大鱷不單養貼價牛, 連遠牛23500~24500都愈養愈肥, 具吸引力, 未來幾周將會風高浪急

==========================

中美關係惡化.南海爭端升溫利淡

日前內地公布首季GDP錄得3.2%正增長, 靚絕全球勝預期反而不妙, 結果惹來經濟倒退的五眼聯盟的妒忌, 因妒成恨, 美國帶頭聯合多國制裁、打壓及抹黑中國,不要忘記今年是庚子病鼠災難年,經濟股市都不會真好,對後市不宜樂觀

11月初美國總統選舉, 目前侵侵 落後於競選對手拜登,兩位候選人的競選主軸為: 誰對中國出狠招, 誰就可當選, 侵侵慌不擇路, 有意與中國掀起戰爭 ,因為戰時總統往往能輕易連任, 國務卿蓬佩奧當然唔想換總統因而丟了飯碗,為了守住 國務卿寶座, 全力拉攏及威逼利誘多國圍堵中國, 越諗越心寒,真係冇眼睇

侵侵全方位打壓中國, 先向字節跳動旗下抖音國際版 TikTok埋手, 下一個就係騰訊旗下微信/WeChat 及其他中國APPS

市傳阿爺會關閉成都/武漢的美國領事館來反制, 美國步步進逼, 南海爭端升溫, 美國.澳洲.印尼.印度.菲律賓聯手, 企圖侵佔中國於南海的主權, 美國.印度.日本.澳洲四個狗國於中國門口聯合海上軍演, 撩交打, 隨時會起衝突, 或會影響匯市, 到時股市就會反艇, 其實近來港匯已轉弱, 熱錢流走

中美關係進一步惡化, 匯債有變, 如明日收25089/10203之下, 本周收跌, 即係連跌兩周, 打破了過去兩個月跌一周例彈的慣性走勢, 消息面有利淡友, 明日港股收跌機會大, 如本周收跌, 擴大周波幅就會跌穿周初低位24766, 淡友奪回主導權, 下周24563就危, 以大鱷操控港股的風格, 港股於7月上旬急升, 俾好友大賺之後, 就會玩大插插, 要好友嘔突盈利, 股民倒頭來一場歡喜一場空, 

本來看7月收升, 會跟6月低高低高的走勢,如今已改變看法, 估計會係低高低低,因為美國突然關閉中國領事館係極淡消息, 連內地股市牛市都玩完, 我估已打亂好友的部署,  7月破底機會大增, 當撤資走鬼, 沽壓龐大, 連大媽都托唔住

港股7月已確認見頂, 月波幅2219點其實已進入達標範圍,不過如果大鱷想食大茶飯,想擴大月波幅就只能破底, 跌穿24563, 利淡消息充斥市場,其實破底催化劑(關閉領事館)已出現,近日大媽撐得十分吃力,今日雖然收25263, 其實25000仍未企得穩, 今日25000一插即彈, 久守必失, 明日有周末沽壓效應, 如明日再失守25000大市沽壓就會加劇, 大鱷今日嫌牛唔夠肥才托住指數,等養肥就插得

==========================

匯債表現影響股市

美國十年期債息終於跌穿0.6水平, 債息下行利淡股市, 未來幾周是疫情及中美制裁的高峰期, 25000樓下牛牛愈養愈肥, 大鱷流哂口水,成也QQ.敗也QQ, 如明日QQ下跌或大市低開, 就係淡友反擊訊號, 近日恆指係梅花間竹,日升日跌,似升非升, 似跌非跌, 目的係令股民企錯邊, 就可以好淡通殺,如出現連跌或單日跌幅超過200點, 代表勝負已分, 淡友已奪回主導權

恆指近來沽壓沉重, 一彈就見沽壓,不但冇得連升,而且多數係跌幅大、升幅細,今日收升代表明日危, 人民幣表現是港股升跌關鍵, 人仔受中美關係轉差拖累, 7算危危乎, 如人仔續跌, 利淡中港股市

今日老外大舉走A股,港股升市但跌股多, 多隻權重股跌到走樣,代表大市有暗湧, 大鱷托住指數來派貨,大鱷只係推高QQ亦反映其他權重股沽壓太大, 大鱷都唔想浪費子彈接貨,

近來周四五恆指多數係一升一跌,加上升一日翌日例跌,明日收跌幾可確定,其實以周波幅計, 下周港股都要碌落山, 向前底24563進發, 24000~24500有肥牛, 因為收跌月會在月尾創新低, 希望不要深潛,留多些水位畀8月,目前月內高低位出現時間相隔太近, 並不符合慣性走勢, 2/7低見24563, 7/7高位26782, 既然破頂是不可能, 那麼就有可能穿底,

今日因人民幣倒升,上証收窄跌幅,大鱷借勢夾硬推高港股, 其實測市指標利淡,匯市債市表現不利股市,過去幾日港股大幅跑輸上證升幅極為反常,港股走勢偏弱,係因為權重地產內銀內險股反艇,拖低大市

============================

利淡消息浪接浪

港股於7/7見頂回落, 反映經濟的波羅的海乾散貨指數亦同步於當天見頂回落, 展開大跌浪, 與港股走勢不謀而合, 試想想, 中美合計佔全球GDP四成, 全球最大兩個經濟體冷戰, 美國拉攏盟友撤出中國, 計畫孤立中國, 美國國土安全部(DHS)宣布設立「中國工作組」, 美國疫惡化+經濟衰退+中美交惡 = 經濟大蕭條

外圍唔少國家疫情惡化, 加上每年下半年都係美國流感高峰期,今次撞正新冠疫情,肯定會是大災難,截至目前為止美國已有逾400萬宗確診個案,醫療體系勢必崩潰,以美國的低誠信度,美國經濟數據靚仔可能係做假,美股爆升亦不合理,靠央行放水谷起股市猶如建立在浮沙上的的燈塔,早晚會倒下來

有醫學報告顯示新冠肺炎已變種, 變得更具傳染力, 死亡率更高, 可能於空氣傳播, 香港突然爆發第三波 肺炎疫情, 本地不同社區有越來越多人受感染, 每日新增逾百宗確診,學校停課提早放暑假, 限聚令再收緊, 會維持至年底, 市傳甚至有可能推出更嚴厲的措施, 本港經濟死得, 地產股等受累板塊會拖低大市,

中美關係不斷惡化, 美國牽頭的西方國家陸續公佈制裁中港措施, 侵侵已簽署香港自治法制裁香港, 聽聞會向銀行及中概股開刀, 美國於台海發起聯合軍演, 劍指中國, 美國BLM暴動示威持續近兩個月仍未平息,波特蘭及芝加哥立立亂,傘陣街頭暴亂殺人放火搶掠,簡直是去年香港黑暴時期的翻版, 這就是報應, 美國特工及恐怖分子教香港暴徒黃絲 反轉香港, 如今自食其果,惡有惡報,活該

7月係美企業績公布期, 股市必定會大幅波動, 美國銀行股打頭陣, 跟住就係24/7亞馬遜.30/7面書.31/7蘋果, 道指呢兩日再度上破27000阻力大位, 不過想企穩殊不容易, 當強勢的美股見頂回落, 就會拖低弱雞的港股

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

24/7 周五恒指收報24705, 大跌557點, 底頂下移續尋底

中港股市連跌兩周, 已打破了月中的橫行局面, 尋底市底頂下移, 每周都會有新低, 即係下周就會向下爆邊, 估計下周初先向上擴大周波幅, 可能會挑戰25000, 到受阻而回就會落山, 向下擴大周波幅, 隊穿24598/24563, 上証今日暴跌128點, 上次暴跌151點翌日都反彈, 不過今日上証收3196, 如上証下周跌穿今日低位3185, 又或者續收3200之下, 港股就危, 按照慣性走勢, 收跌月會在月尾最後一周創新低, 即係會插穿前底24563

本港疫情惡化經濟蕭條, 導致權重地產板塊連續3日下跌, 拖低恒指, 自從日前侵侵下令強行關閉侯斯頓中國領事館後, 資金流就起了變化, 老外日日大手沽出A股鬆人, 侵侵發癲嚇到熱錢流走, A股短命牛入急症室, 港股當然冇運行, 所以連一直守得好地地的25000大位都隊穿, 資金市熱錢來也匆匆, 去也匆匆, 大鱷好淡通殺, 好友月初賺賺埋埋就要嘔突,

港股走勢進一步轉弱, 周線月線走勢差劣, 呈底頂下移尋底格, 25000一直係好淡角力水平, 唔計今日收24705, 今個月只得16/7收24970(25000之下), 翌日(17/7)即彈上25089收, 如今收25000之下, 大幅拋離25000, 代表勝負已分, 淡友已奪回主導權, 尋底市多數會在周初見頂, 市弱沽壓大, 高位往往係一瞬即逝, 要好好掌握逢高沽的時機,

7月份大戶加權平均開倉水平分別為24352/9757, 如果上証7月收升, 中港股市多數係同步升跌, 港股理應跟隨收升, 即係31/7會收24427/9758(6月收市位)之上, 希望下周破底後能收於其上

下周一(27/7)港版納指登場, 美聯儲會議將於28~29/7(周二三)舉行, 或會影響資金流, 下周初華府出台振興經濟措施, 利好美股, 下周四(30/7)期指結算, 希望好友撐埋結算, 不要深潛, 留多些水位俾8月做波動區間, 本周恒指2升3跌, 看看下周哪天反彈, 想保住24000, 就要上25000, 要上証見底才能穩住港股

{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}{#icono_77}

港股高開低收, 單日轉向呈大陰燭, 大舉屠牛, 繼續尋底

27/7 周一恒指收報24603, 跌102點, 失守50天線, 國指跑贏恒指

老外連續5日沽A股走鬼, 幸好上証創近一個月新低3175後止跌回升, 推動國指走強冇破底, 跌勢有喘定味道, 匯債都回穩, 測市指標釋出利好訊號, 恒指破底創7月新低見24526後收於其上, 險守60天線, 由於中港股市同步見底頂, 只要上証明日不創新低, 港股就可借勢反彈,

消息面明明利淡, 今日卻大裂口高開204點後沖上去先創周頂24972, 向上擴大了周波幅, 然後就可落山尋周底, 以大鱷的慣性操控手法, 往後必定會失驚無神裂口插水向下擴大波幅, 港股風高浪急, 失守25000, 大方向要落去23800~24000, 不過唔知本周抑或下個月見

上証結束兩連跌, 升8點, 收3205, 重上3200水平, 港股連跌兩日, 有望跟隨上証結束兩連跌, 明日作出反彈, 留意QQ表現, 如QQ上升及港股競價高開, 就係反彈訊號, 不過QQ$550阻力非輕, 如QQ低開低走就危, 如失$520, $500就危,

本周如未能上25000就要下試24000, 向上阻力24800/24972/25000/25050, 恒指每周通常升2~3天, 上周恒指升2天,

7月份大戶加權平均開倉水平為24352, 如果上証7月收升, 中港股市多數係同步升跌, 港股理應跟隨收升, 即係31/7會收24427/9758之上,

恒指多數係日升日跌, 今日應升但卻出現連跌, 明日補漲吧! 不過要留意老外是否繼續沽A股走鬼, 如撤資潮持續, 港股就會彈散, 市弱高位一瞬即逝, 就會繼續尋底, 今日低見24529, 由於本周波幅仍未達標, 未來幾日破底機會大, 如插穿希望係一插即彈, 如在低位徘徊不妙, 無論本周收升或跌, 都會在周三四五創本周高或低位

恒指每周收市位
05/6 24770 升
12/6 24301 跌
19/6 24643 升
26/6 24550 跌
03/7 25373 升
10/7 25727 升
17/7 25089 跌
24/7 24705 跌
31/7 ????

最新回應

soho*
soho* 2020/08/14

5/8恒指收25102, 對比今日(14/8)收25183, 我查看多隻指標股表現, 發覺今次重上25000的市底比月初強, 買盤亦較積極和分散, 並非集中幾隻股份來推高大市, 可能係價值投資者吸貨

按照慣性走勢, 大市見短頂後回吐, 震完就會破頂而上, 所以最好出壞消息執平貨

試下學下
試下學下 2020/08/14

元帥今晚出甘多文,週末又可以得閒D

吾洗追住等元帥出分析 {#iconb_26}

8月餘下時間我要放暑假 {#iconb_331}

soho*
soho* 2020/08/14

試兄, 一向冇人炒信和, 出局不會影響地產指數,

31/8恒指大執位, 我估月尾最後一周減持沽壓會較大

最大問題係QQ, 樓上熊熊一直養唔肥, 相反, 牛牛就肥嘟嘟, 亦會有投資者減持QQ換阿里

如果跟7月, 就係養牛熊, 殺貼價, 千點波幅內上攻下殺好淡通殺, 呢個亦係我認為會落去24800的原因之一, 用900~1300點周波幅來估市命中率好高

回顧7月初爆升大舉屠熊, 跟住連續3個星期都係牛熊通殺, 所以我說只要企係安全區死坐, 造好造淡都唔使死, 就係呢個原因

上周五(7/8)侵侵打壓微信的消息成為震撼彈, 單日插742點低見24167, 擴大了月波幅, 創8月低位後一插即彈, 如果大鱷用同一種手段, 8月的高低位都會係用同一招, 失驚無神飛天或遁地來擴大周/月波幅, 高或低位都係一瞬即逝

侵侵唱衰香港的言論可能會激發起阿爺護盤, 所以見大插就要執屎雞

~~~~~~~~~~~~~~~~~~~~~~~~~~~

<匯港通訊>  特朗普指,如果香港是由中國,而並非由數以千計的天才去管理,香港就永遠不會取得成功,香港市場將會「落地獄」,無人會做生意。特朗普又稱,終止香港的特殊待遇地位,意味香港將失去吸引商業,以及作為其中一個世界主要金融中心的能力。

試下學下
試下學下 2020/08/14
@水滴石穿...

打穿24樓我有保留,因無極利淡消息(當侵侵亂講野佢為連任吾會放甘勁的)

條3月上升軌愈來愈上移,月低位大機會見左

美團入吾到,可能係指數公司見佢升幅太驚人,搵隻小米入可以推起指數,對上幾次除左創科,每次入親指數的股份都早早飛天,入左去反而拉低指數

今次居然吾踢走太古,反而神華,旺旺因流通市值問題踢走

藥業股再多一隻,證明組合應該要買,我看好佢除科技股外,新手增值首選,科技股未必人人買得起

金融股變左友邦領頭

想問元帥,全部成分股都要調低比重,比巴巴同小米霸左,有一輪被動減持沽壓

同埋踢左信和,會吾會影響地產指數呢?

7月頂26782都大機會係今季高點,8月下半場大戶頭痕,一係細波幅,一係養牛熊好淡通殺

中美都上攻無力,但留番個258比門兄,又留番個位比好友月尾高結