TutorCircle
TutorCircle
TutorCircle

【DSE Past Paper】最新最齊大全!

2020/07/29 16:07:41 網誌分類: 學習
29 Jul

DSE 中文

DSE中文卷分為公開考試同埋校本評核兩大部份,分別佔考生成績80%同埋20%。校本評核主要睇考生課業嘅表現,較難操練,而且每間學校嘅評分準則都唔一樣,小編係呢到就唔詳細講了。詳情可參閱:【中文sba】上品分數取決於3個靈活運用知識的貼士? 和  【中文SBA】閱讀報告該選什麼書籍?

 Past Paper 大全

公開考試

DSE中文卷分成四份卷,分別係

  • 卷一:閱讀能力 (24%)

卷一閱讀卷考一個鐘頭三十分鐘,考生需要完成甲、乙兩部分,甲部主要考經典文言,乙部就係課外文章,文白兼備。

 

閱讀卷強調考生理解同分析文章嘅能力,小編過來人嘅經驗係,閱讀卷最重要係分配時間,尤其對付文言文,一唔小心就會因為篇文太難睇唔明,而用得太多時間。

 

其實篇文睇唔明唔係代表一定唔識做嘅,操練閱讀卷嘅時侯,最緊要認清題型,一啲經典嘅題型例如描寫手法,係past paper入面會不停出現,呢啲其實同文章鑑賞冇直接關係,背左答題方法就攞到分!

心態論:【中文卷一】與運氣決勝負前,你能盡力把握的分數

範文技巧:【DSE中文】十二篇範文要背曬?範文速成備戰攻略

閱讀技巧:【DSE中文】死命鑽研卷一白話文,不如先學好文言文

修辭技巧:【中文修辭】學好對偶對聯?你真的知道他們的分別?

 

  • 卷二:寫作能力 (24%)

卷二作文卷考一個鐘頭三十分鐘,考生要做一篇長文,主要考考生嘅構思同表達能力。

 

作文卷係小編覺得最具操練價值嘅分卷,考生係做past paper嘅時侯可以搵出自己最擅長嘅題型,例如描寫抒情或者議論文,咁真係考嘅時侯就唔會晒太多時間揀題目。

 

而且做卷二一定一定一定一定要寫大綱!可能兩三分鐘就寫完,但可以幫助考生寫出更有條理嘅文章,議論文亦唔會出現寫寫下先發現論點重複嘅慘況。

奪星技巧:【DSE中文卷二】分析各類題型 為你打造獨一無二奪星技巧  

開考準備:【DSE中文·卷二】作文開考應做什麼?5大技巧輕鬆KO卷二

議論文技巧:【DSE中文·卷二】5個技巧 文筆唔好都可以係議論文攞高分

抒情文技巧:【DSE中文·卷二】抒情文寫作 試場中,如何用兩小時感動人?

 

  • 卷三:聆聽及綜合能力考核 (18%)

卷三都係考一個鐘頭三十分鐘,同時考核學生嘅聆聽同綜合能力,同學要同時運用錄音內容同閱讀材料,完成問題同埋寫作任務。

 

卷三最重要嘅係時間嘅控制,要係個半鐘內完成咁長嘅寫作任務,一定要操卷嘅時侯訓練好手速。另外一個小tips係,操卷三嘅時侯同學不妨早啲起身,跟返實際考試時間,因為到時一早起身聽綠袖子真係會超級眼訓,早啲習慣返會好啲架!

格式要點:【綜合格式】DSE中文卷三格式問題checklist 6大提醒事項

整合拓展:【DSE中文卷三】整合 拓展 - 何為「整合」;何為「拓展」?

 

  • 卷四:說話能力 (14%)

卷四說話卷就總共考25分鐘,分別設有1分鐘首輪發言同15分鐘嘅小組討論。說話卷一般黎講就比較難夾人操練,最好就搵同學返學校練習啦。

 

說話卷其實著重「聽」多過「說」,小組討論嘅時侯要聽多人講,整合人地嘅point,再作出回應,先會高分。1分鐘首輪發言就最好著重結構,諗多啲唔同嘅角度,表現到俾考官睇你做到多元思考。

說話技巧:【中文說話】4大技巧令你係小組討論站於不敗之地?

基本須知:【DSE中文口試】中文口試須知

技巧:【DSE卷四】DSE冇難度,全因我有特別的…5**「中文說話」技巧

 

DSE 英文

DSE英文卷同樣分為公開考試同埋校本評核兩大部份,分別佔考生成績85%同埋15%。

 

Past Paper 大全

 

公開考試

英文都有SBA嘅部分嘅DSE英文卷分成四份卷,分別係

  • Paper 1: Reading (20%)

卷一Reading卷考一個鐘頭三十分鐘,份卷分為Part A 同Part B。Part A為必需作答,Part B考生則可以自由選擇B1或者B2,B1比較簡單,但final grade cap 左係 Level 4,B2比較難,但冇cap level。

 

考生最好係考前操練一下past paper,用以前嘅paper 去判斷以自己嘅能力應該做B1定係B2,同學操練past paper嘅時侯,要謹記,篇文睇唔明真係唔係大問題,唔會有人明晒架!做到幾多得幾多,再用操卷時累積嘅技巧,英文嘅reading卷其實唔會太難!

技巧:【HKDSE English paper 1】英文閱讀時間控制與題型須知

英文補習:【英文補習貼士】英文底好冇著數?Exam Skills有冇用?

 

  • Paper 2: Writing (25%)

卷二writing卷考兩個鐘頭,考生要做兩Part,Part A係一篇短嘅日常文,Part B就8選1,分別係以8個elective為主題,例如常見嘅social issue / popular culture等。

 

呢兩part有唔同嘅操練方式,睇返過往題目,其實睇到Part A題型變化大,出題亦比較日常化,由看圖說故事,到信件都出過,同學需要準備唔同嘅文體。

 

Part B就比較standard,操卷價值比較大,都係要記住寫大綱,同提早揀好自己擅長嘅elective題目。

 

文筆:【安坐家中學英文】看電影 聽英文歌 真的可以學英文?用對方法才有效!

字數控制:【HKDSE english paper 2】英文作文字數越多越好?

背書技巧:【DSE英文作文】靠背文都過到骨?Eng Paper 2背書技巧!

 

  • Paper 3: Listening and Integrated Skills (30%)

卷三考大約兩個鐘頭,同時考核學生嘅聆聽同寫作能力,同學要同時運用錄音內容同閱讀材料,完成問題同埋寫作任務。Part A係聆聽而Part B就係綜合,Part B同樣設有B1同B2。

 

以小編過來人經驗黎講,卷三最重要嘅係手速,後面綜合部份B1同B2難度上並無太大分別,只係B1明顯短好多,同學如果手速夠,做B2亦唔會太大問題。加上英文卷三指示清晰,閱讀材料亦唔會有特登嘅伏位,操卷時要重點注意好時間嘅分配!

補習:【英文補習】如果英文揀私補,結局會唔會更好?

 

  • Paper 4: Speaking (10%)

卷四speaking卷有10分鐘準備時間,8分鐘嘅小組討論,同一分鐘嘅individual response。

 

Individual response嘅題目會根據考生係小組討論期間嘅表現而分配,表現得愈好,題目難度就愈高。

 

好多香港學生對英文speaking卷都會聞風喪膽,但其實普遍考生都只係缺乏自信,speaking其實唔要求考生每句grammar都岩晒,要有完美嘅口音,語句通順,好老實講,大部分時間都係講左就贏,俾啲信心,講到出口就ok架啦!

奪星:【英文Oral】滿分56/56考生話你知點可以絕地反擊!一卷救全科!

IR技巧:【HKDSE english paper 4】英文Oral個人回答部分可更改題目嗎?

 

DSE 數學

DSE數學卷不設校本評核,100%睇公開考試。

 

Past Paper 大全

 

公開考試

DSE數學卷分成兩份卷,分別係:

 

  • 卷一:傳統題 (65%)

卷一考兩個鐘頭十五分鐘,並分為兩個部份。甲部題目範圍為必修基礎課題,乙部題目包括基礎部分及非基礎部分。

 

個人經驗而言,數學卷係一定要操卷,做得熟就會發現題型都係大同小異。如果好似小編咁,天生數理能力就比較差,做past paper嘅時侯,就要著重背題型,記熟唔同題型要用咩方式作答。

 

  • 卷二:多項選擇題 (35%)

卷二考一個鐘頭十五分鐘,全部都係MC。卷二就一定要同時間競賽,個零鐘做40幾題,其實除返開兩分鐘樓下要做完一題,所以past paper一定要操熟,唔識做嘅就跳住先,之後再返黎做。

 

卷二題型其實都冇太大變化,尤其頭幾題係攞分題,做得多就可以好快咁完成!

 

小貼士:【HKDSE Maths】究竟DSE數學點讀先高分?

 

DSE通識

公 開 考 試

卷 一 ﹕ 資 料 回 應 題 ,佔50% ,作答時間:2 小 時 。

卷 二 ﹕ 延 伸 回 應 題 30%,作答時間: 1 小 時 15 分 鐘 。

校 本 評 核 ﹕佔20%。

 

Past Paper 大全

 

DSE通識卷分為卷一卷二,分別係:

  • 卷 一:設 資 料 回 應 題 , 所 有 題 目 須 全 答 。(50%)

資料回應題主要想評核同學仔係識別、應用同分析資料等方面既能力。

資料有助釐定議題範疇同反映議題既複雜或者爭議既本質。同時間試卷既設計形式都可以反映通識科學習本質係跨單元同多角度。

  • 卷二:條 延 伸 回 應 題(30%)

卷二有三條「延伸回應題」,同學仔只需要揀一條回答!

延伸回應題透過會引起討論既材料,提供更加廣泛既層面,俾同學展示所學既各種高階能力,例如深入剖析自己既經歷,展現創意思維同埋用有系統既方式表達出來。

「資料」一詞係本考試係指任何形式既資料,所以同學仔記得就多種不同形式既資料作答,例如:

  1. 文 章 、 新 聞 報 道 、 報 告 、 備 忘 錄 、 書 函 、 廣 告 ;
  2. 對 話 ;
  3. 圖 、 表 、 地 圖 ;
  4. 漫 畫 、 圖 片 、 插 圖 。

 

通識補習:【通識補習】補到通通都識?!

 

DSE經濟

公 開 考 試

卷一 :多項選擇題,考核範圍:必修部分,佔30%,作答時間:1小時

卷二:分三部曲!佔70%,作答時間:2 小時 30 分

 

Past Paper 大全

 

DSE經濟卷分為卷一卷二,分別係:

  • 卷 一:多項選擇題 (30%)
  • 全部MC試題均須作答,作答時間: 1 小時。操多啲past paper自然見多識廣!
  • 卷二:分為三部曲(30%)

甲部(26%): 短題目。考核範圍:必修部分。全部試題,均須作答。

乙部(35%): 結構/文章式/資料回應試題。考核範圍:必修部分。全部試題均須作答。

丙部(9%): 結構/文章式試題。考核範圍:選修單元部分。考生只須從兩個選修單元中選取一個作答。

 

溫書方法:【中學選修科】分享讀經濟科Econ的好處和溫書方法

 

DSE化學

公 開 考 試

卷一 : 涵 蓋 課 程 必 修 部 分,佔60%,作答時間:兩小時三 十分鐘

卷二:涵 蓋 課 程 選 修 部 分,佔20%,作答時間:1小時

校本評核:佔20%

 

Past Paper 大全 

 

DSE化學卷分為卷一卷二,分別係:

  • 卷 一:「甲」多項選擇題(18%) 同 「乙」短題目(42%)
  • 卷一劃分為「甲」、「乙」兩部份。「甲」部分為MC題,而「乙」部分則為短題目、結構題目和論述題。係「甲」、「乙」各部中,第一部分多數為課題一至八,而第二部分則主要涉及課題九至十二。同學仔需要回答卷一全部試題
  • 卷二:結構體(20%)

考生需要回答兩個所選取既選修試題。

 

補習貼士:【化學私補】特别多事特別麻煩?!

 

**請注意** 

Tutor Circle尋補並沒有持有任何在文章中提及的資源。在文章中提及的所有資源均是從網上轉載。Tutor Circle尋補是為了方便同學使用作出整合,100%是為了學習用途,並沒有涉及任何商業用途。如提及資源有版權問題,請與Tutor Circle尋補聯絡,在確實相關版權問題後會盡快移除相關連結。不便之處,敬請原諒。

 

完整文章來源:https://www.tutorcircle.hk/blog/10408/【dse-past-paper】…st-paper-最新最齊大全!/

回應 (0)
我要發表
user